Stock Market Open On Saturday April 6 For Mock Trading : ప్రముఖ స్టాక్ ఎక్స్ఛేంజ్ బీఎస్ఈ ఈ శనివారం (ఏప్రిల్ 6) నాడు ప్రత్యేకంగా మాక్ ట్రేడింగ్ సెషన్ నిర్వహిస్తోంది. ఇందులో ప్రధానంగా ఈక్విటీ, ఈక్విటీ డెరివేటివ్స్, గోల్డ్ రిసిప్ట్స్, కరెన్సీ, కమోడిటీ డెరివేటివ్స్ సెగ్మెంట్స్కు సంబంధించిన మాక్ ట్రేడింగ్ జరుగుతుంది.
టెస్టింగ్ కోసం మాత్రమే!
ట్రేడింగ్, రిస్క్ మేనేజ్మెంట్ల కోసం కొత్త సాఫ్ట్వేర్ను తీసుకువచ్చారు. దీనిని పరీక్షించేందుకు, బీఎస్ఈ ప్రత్యేకంగా ఈ ట్రేడింగ్ సెషన్ను నిర్వహిస్తోంది. కనుక ఆసక్తి ఉన్న సభ్యులు ఈ మాక్ ట్రేడింగ్ సెషన్లో పాల్గొనవచ్చు.
ఇక్కడ ఇన్వెస్టర్లు గుర్తించుకోవాల్సిన విషయం ఏమిటంటే, ఈ మాక్ ట్రేడింగ్లో చేసే ట్రేడ్లకు లాంటి మార్జిన్ ఆబ్లిగేషన్లు ఉండవు. అంటే పే-ఇన్, పే-అవుట్ ఆబ్లిగేషన్లు ఉండవు. అలాగే మదుపరులకు ఎలాంటి హక్కులు, లయబిలిటీస్ వర్తించవు.
బీఎస్ఈ ఈక్విటీ మాక్ ట్రేడింగ్ సెషన్ టైమింగ్స్ :
- లాగిన్ సమయం - ఉదయం 10:15 నుంచి 10:45 వరకు
- మార్నింగ్ బ్లాక్ డీల్ విండో - ఉదయం 10:45 నుంచి 11:00 వరకు ఉంటుంది
- ప్రీ-ఓపెన్ - ఉదయం 11:00 నుంచి11:15 వరకు
- కంటిన్యుయెస్ ట్రేడింగ్ T+1 - 11:15 am నుంచి 3:30 pm వరకు
- కంటిన్యుయెస్ ట్రేడింగ్ T+0 - 11:15 am నుంచి 1:30 pm వరకు
- IPO & రీ-లిస్టెడ్ స్క్రిప్‌ల కోసం స్పెషల్ ప్రీ-ఓపెన్ - ఉదయం 11:00 నుంచి మధ్యాహ్నం 12:00 వరకు
- SPOS స్క్రిప్‌ల కోసం కంటిన్యుయెస్ ట్రేడింగ్ - 12:00 నుంచి 3:30 వరకు
- పీరియాడిక్ కాల్ ఆక్షన్ (1 గంట చొప్పున 4 సెషన్లు) - ఉదయం 11:30 నుంచి మధ్యాహ్నం 3:30 వరకు
- సెటిల్మెంట్ కోసం ఆక్షన్ - మధ్యాహ్నం 12:00 నుంచి 12:45 వరకు
- ఆఫ్టర్నూన్ బ్లాక్ డీల్ విండో - మధ్యాహ్నం 12:50 నుంచి 13:05 వరకు
- క్లోజింగ్ - మధ్యాహ్నం 3:30 నుంచి 3:40 వరకు
- పోస్ట్-క్లోజింగ్ - మధ్యాహ్నం 3:40 నుంచి 3:50 వరకు
బీఎస్ఈ ఈక్విటీ డెరివేటివ్స్ మాక్ ట్రేడింగ్ సెషన్ టైమింగ్స్
- లాగిన్ - ఉదయం 10:15 నుంచి 11:15 వరకు
- కంటిన్యుయెస్ ట్రేడింగ్ - ఉదయం 11:15 నుంచి మధ్యాహ్నం 3:30 వరకు
BSE కరెన్సీ డెరివేటివ్స్ మాక్ ట్రేడింగ్ సెషన్ టైమింగ్స్
- లాగిన్ - ఉదయం 10:15 నుంచి 11:00 వరకు
- కరెన్సీ డెరివేటివ్‌ల కోసం కంటిన్యుయెస్ ట్రేడింగ్ - ఉదయం 11:00 నుంచి మధ్యాహ్నం 3:30 వరకు
- క్రాస్ కరెన్సీ డెరివేటివ్స్ కోసం కంటిన్యుయెస్ ట్రేడింగ్ - ఉదయం 11:00 నుంచి మధ్యాహ్నం 3:30 వరకు
- ట్రేడ్ మోడిఫికేషన్ (కరెన్సీ) - మధ్యాహ్నం 3:40
- ట్రేడ్ మోడిఫికేషన్ (క్రాస్ కరెన్సీ) - మధ్యాహ్నం 3:40
అన్నింటికీ సిద్ధంగా!
2024 క్యాలెండర్ ఇయర్లో బీఎస్ఈ, ఎన్ఎస్ఈలు శనివారం రోజున ట్రేడింగ్ సెషన్ నిర్వహించడం ఇది రెండోసారి. ప్రస్తుతం జరుగుతున్నది కేవలం మాక్ ట్రేడింగ్ మాత్రమే. గతంలో (మార్చి 2న) చేసినది మాత్రం లైవ్ ట్రేడింగ్. ఎటువంటి విపత్కర పరిస్థితులు ఏర్పడినా, ట్రేడింగ్కు ఎలాంటి ఇబ్బంది లేకుండా చూసుకోవడానికి ఆ లైవ్ ట్రేడింగ్ సెషన్ నిర్వహించారు.
రూ.73వేలు దాటిన బంగారం - రూ.83వేలకు చేరువలో వెండి! - Gold Rate Today April 6th 2024
