PM Svanidhi Scheme Benefits : కేంద్ర ప్రభుత్వం వీధి వ్యాపారుల కోసం ప్రత్యేకంగా స్ట్రీట్ వెండర్ ఆత్మనిర్భర్ నిధి (పీఎం స్వనిధి) స్కీమ్ను తీసుకువచ్చింది. ఈ స్కీమ్ కింద వీధి వ్యాపారులకు ఎలాంటి హామీ లేకుండా రూ.10,000 రుణం అందిస్తోంది.
పీఎం స్వనిధి బెనిఫిట్స్
ఈ పీఎం స్వనిధి స్కీమ్ కింద లోన్ తీసుకున్నవారు నిర్ణీత సమయంలోనే రుణాన్ని తిరిగి చెల్లిస్తే, వారికి అదనపు ప్రయోజనాలు కలుగుతాయి. ముఖ్యంగా వడ్డీ రేటులో 7% వరకు సబ్సిడీ లభిస్తుంది. డిజిటల్ ట్రాన్సాక్షన్స్ ద్వారా పేమెంట్స్ చేస్తే, ఏడాదిలో రూ.1200 వరకు క్యాష్బ్యాక్ వస్తుంది. అంటే వడ్డీ రాయితీ, క్యాష్బ్యాక్ రెండూ కలిపి చూస్తే, ఏకంగా రూ.1602 వరకు ఆదా అవుతుంది. సకాలంలో రుణాలు తీర్చిన వారికి, మరలా రుణం పొందేందుకు అర్హత లభిస్తుంది. అప్పుడు రెండోసారి రూ.20 వేల వరకు రుణం తీసుకోవచ్చు.
చేయూత
కేంద్ర ప్రభుత్వం వీధి వ్యాపారుల కోసం ఈ పీఎం స్వనిధి స్కీమ్ను తీసుకువచ్చింది. గృహ, పట్టణ వ్యవహారాల మంత్రిత్వ శాఖ ఈ పథకాన్ని అందిస్తోంది. కనుక అర్హత కలిగిన వారు ఈ స్కీమ్ కింద రుణం కోసం అప్లై చేసుకోవచ్చు. అందుకుగాను ఎలాంటి స్థిరచరాస్తులు తనఖా పెట్టాల్సిన అవసరం లేదు. మొదటిసారిగా అప్లై చేసినవారికి రూ.10 వేలు రుణం అందిస్తారు. అయితే ఒక ఏడాదిలోగా ఈ రుణాన్ని తిరిగి చెల్లించాల్సి ఉంటుంది.
రుణార్హతలు
వీధి వ్యాపారులు మాత్రమే ఈ స్కీమ్ కింద రుణం పొందడానికి అర్హులు. ముఖ్యంగా కూరగాయలు, పండ్లు, గుడ్లు అమ్మేవారు, స్ట్రీట్ ఫుడ్ సెంటర్లు నడిపేవారు, బార్బర్ షాప్ నిర్వహించే వారందరూ ఈ వీధివ్యాపారుల కేటగిరీ కిందకే వస్తారు.
కావాల్సిన పత్రాలు
పీఎం స్వనిధి స్కీమ్ కింద లోన్ అప్లై చేయడానికి కావాల్సిన పత్రాలు :
- ఆధార్ కార్డు
- ఆధార్ కార్డుతో లింక్ అయిన మొబైల్ నంబర్
- వెండింగ్ సర్టిఫికెట్/ అర్బన్ లోకల్ బాడీస్ జారీ చేసిన ఐడెంటిటీ కార్డ్
- ఒకవేళ ఐడీ కార్డు లేకపోతే టౌన్ వెండింగ్ కమిటీ లేదా అర్బన్ లోకల్ బాడీస్ నుంచి రికమెండేషన్ లెటర్ తీసుకోవచ్చు.
లోన్ కోసం అప్లై చేయండిలా!
మీరు నేరుగా ఆన్లైన్లోనే పీఎం స్వనిధి స్కీమ్ లోన్ కోసం దరఖాస్తు చేసుకోవచ్చు. లేదా కామన్ సర్వీస్ సెంటర్‌కు వెళ్లి కూడా రుణం కోసం అప్లై చేయవచ్చు. కనుక మీకు నచ్చిన మార్గాన్ని అనుసరించండి. ఇప్పుడు మనం ఆన్లైన్లో ఎలా దరఖాస్తు చేసుకోవాలో తెలుసుకుందాం.
- ముందుగా మీరు పీఎం స్వనిధి వెబ్‌సైట్‌ https://pmsvanidhi.mohua.gov.in/ ఓపెన్ చేయాలి.
- అక్కడ మీకు రూ.10,000 లోన్, రూ.20,000 లోన్, లోన్ స్టేటస్ లాంటి పలు ఆప్షన్లు కనిపిస్తాయి.
- మొదటిసారిగా అప్లై చేసేవారు రూ.10,000 లోన్ ఆప్షన్పై క్లిక్ చేయాలి.
- రెండోసారి అప్లై చేసేవారు రూ.20,000 లోన్ ఆప్షన్పై క్లిక్ చేయవచ్చు.
- అప్పుడు ఓ కొత్త విండో ఓపెన్ అవుతుంది.
- అప్లికేషన్ ఫారమ్లో మీ ఆధార్ నంబర్/ మొబైల్ నంబర్ ఎంటర్ చేయాలి.
- వెంటనే మీ రిజిస్టర్డ్ మొబైల్ నంబర్కు ఓటీపీ వస్తుంది. దానిని ఎంటర్ చేయాలి.
- అవసరమైన అన్ని డాక్యుమెంట్లను అప్లోడ్ చేయాలి. ముఖ్యంగా వెండర్ ఐడీ కార్డును సమర్పించాల్సి ఉంటుంది.
- అన్ని వివరాలను ఒకసారి చెక్చేసుకుని అప్లికేషన్ను సబ్మిట్ చేయాలి.
6కోట్ల మంది ఉద్యోగులకు గుడ్న్యూస్- EPF వడ్డీ రేటు 8.25 శాతానికి పెంపు
LIC ఇండెక్స్ ప్లస్ పాలసీతో డబుల్ బెనిఫిట్స్ - జీవిత బీమా + సంపద వృద్ధి!
