Allahabad University Student Rape : తనకు క్యాన్సర్ ఉందని మాయమాటలు చెప్పి ఓ విద్యార్థిని లొంగదీసుకుని అత్యాచారానికి పాల్పడ్డాడు అలహాబాద్ విశ్వవిద్యాలయంలోని ఓ అసిస్టెంట్ ప్రొఫెసర్. ఈ విషయాన్ని ఎవరికైనా చెబితే చంపేస్తానని బాధితురాలిని బెదిరించాడు. ఈ ఘటనపై బాధితురాలు యూనివర్సిటీ యాజమాన్యానికి, పోలీసులకు ఫిర్యాదు చేసినా ఫలితం లేకపోయింది. దీంతో ఈ యూనివర్సిటీ మేనేజ్మెంట్కు వ్యతిరేకంగా విద్యార్థి సంఘాలు ఆందోళనకు దిగాయి.
ఇదీ జరిగింది!
బాధితురాలు ఫిర్యాదులో పేర్కొన్న వివరాల ప్రకారం, ఉత్తర్ప్రదేశ్లోని అలహాబాద్ యూనివర్సిటీలో ఓ విభాగంలో అజయ్ కుమార్ అనే వ్యక్తి అసిస్టెంట్ ప్రొఫెసర్గా పనిచేస్తున్నాడు. అయితే అజయ్ గత కొద్ది కాలంగా అదే డిపార్ట్మెంట్కు చెందిన విద్యార్థినిపై కన్నేశాడు. తనను ప్రేమిస్తున్నట్లు ఆమెకు తెలిపాడు. దీంతో ఆందోళనకు గురైన ఆ విద్యార్థిని అజయ్కు దూరంగా ఉంటూ వచ్చింది. అయినా అజయ్ అక్కడితో ఆగలేదు. బాధితురాలికి ఇష్టం లేకున్నా ఆమెకు కాల్స్, మెసేజ్లు చేయడం మొదలు పెట్టాడు. ఆమె ఆ నంబర్ బ్లాక్ చేసినా, మరో నెంబర్ నుంచి వేధించేవాడు. అంతేకాకుండా బాధితురాలు క్యాంపస్లో ఒంటరిగా కనిపిస్తే వేధించేవాడు. అయితే ఇవన్నీ చేసినా బాధిరాలు దూరంగా ఉంటూ వచ్చింది.
'ఎవరికైనా చెబితే చంపేస్తా'
ఇలా అయితే లాభం లేదనుకున్న అసిస్టెంట్ ప్రొఫెసర్, తాను క్యాన్సర్తో బాధపడుతున్నట్లు బాధితురాలిని ఎమోషనల్ బ్లాక్మెయిల్ చేశాడు. ఆ సాకుతో ఆమెతో తరచూ మాట్లాడేవాడు. ఈ క్రమంలో జనవరి 25న అజయ్ కుమార్ బాధితురాలిని మార్కెట్కు పిలిచాడు. అనంతరం ఏదో సాకు చెప్పి తన గదికి తీసుకెళ్లాడు. ఆమెపై అఘాయిత్యానికి పాల్పడ్డాడు. జరిగిన విషయం ఎవరికైనా చెబితే చంపేస్తానని బెదిరించాడు. కాగా, ఈ ఘటనపై లేఖ రాసి యూనివర్సిటీ యాజమాన్యానికి బాధితురాలు ఫిర్యాదు చేసింది. దీనికి వారు స్పందించలేదు. ఆ తర్వాత పోలీసులకు కూడా బాధితురాలు ఫిర్యాదు చేసినా ఫలితం లేకపోయింది. దీంతో విసిగిపోయిన బాధితురాలు తనకు న్యాయం చేయాలంటూ సోషల్ మీడియా వేదికగా విజ్ఞప్తి చేసింది.
ఆందోళన తీవ్రతరం!
ఈ ఘటనపై గురించి తెలుసుకున్న యూనివర్సిటీ విద్యార్థులు, అసిస్టెంట్ ప్రొఫెసర్పై కేసు పెట్టాలని నిరసనకు దిగారు. దీంతో పాటు ఈ ఘటనపై స్థానిక రాజకీయ పార్టీ ఆజాద్ అధికార సేన స్పందించింది. 48 గంటల్లో నిందితుడిపై కేసు నమోదు చేయకుంటే ఆందోళనకు దిగుతామని ఆ పార్టీ అధికార ప్రతినిది నూతన్ ఠాకూర్ ట్వీట్ చేశారు. ఈ ట్వీట్పై స్పందించిన ప్రయాగ్రాజ్ డీసీపీ దీపక్ భుకర్, నిందితుడిపై కేసు నమోదు చేసిన దర్యాప్తు చేపట్టామని తెలిపారు. అయితే అసిస్టెంట్ ప్రొఫెసర్ను ఇంకా అరెస్ట్ చేయలేదు. దీంతో విద్యార్థులు క్యాంపస్లో ధర్నా చేస్తున్నారు. వర్షం పడుతున్నా, చలి తీవ్రంగా ఉన్నా నిరసన కొనసాగిస్తున్నారు. సోమవారం నుంచి ఆందోళన తీవ్రతరం చేస్తామని హెచ్చరించారు.
బాలికపై సామూహిక అత్యాచారం
కదులుతున్న కారులో బాలికపై సామూహిక అత్యాచారానికి పాల్పడ్డారు కొందరు దుండగులు. ఓ వివాహ వేడుకకు వెళ్లేందుకు రోడ్డుపై నిల్చున్న బాలికను, కారులో వచ్చిన నలుగురు దుండగులు ఆమెను బలవంతంగా వాహనంలోకి ఎక్కించారు. అనంతరం ఇద్దరు యువకులు ఆమెపై అఘాయిత్యానికి పాల్పడ్డారు. ఈ ఘటన ఉత్తరాఖండ్లోని హల్ద్వానీలో జరిగింది. ఈ ఘటనపై హల్ద్వానీ పోలీస్ స్టేషన్లో కేసు నమోదైంది. బాలిక ఫిర్యాదు మేరకు నలుగురిపై కేసు నమోదు చేసినట్లు పోలీస్ స్టేషన్ ఇంఛార్జ్ ఉమేశ్ మాలిక్ తెలిపారు. నిందితులను త్వరలోనే పట్టుకుంటామని చెప్పారు.
ఫ్రెండ్తో వెళ్లిన బాలికపై గ్యాంగ్రేప్- నిందితులకు 90ఏళ్ల జైలుశిక్ష
కూతురిపై కన్నతండ్రి అత్యాచారం - తప్పించుకునే క్రమంలో మరో డేంజర్లోకి
