விழுப்புரம் மாவட்டத்தில் சட்டத்துறை அமைச்சர் சிவி சண்முகம் பல்வேறு துறையை சார்ந்தவர்களுக்கு 10.75 கோடி ரூபாய் மதிப்பிலான அரசு நலத்திட்ட உதவிகளை வழங்கினார்.
நலத்திட்ட உதவிகள் பெற்ற பயனாளிகள்
- கூட்டுறவுத் துறை சார்பாக 87 மகளிர் சுய உதவிக்குழுக்களை சேர்ந்த ஆயிரத்து 589 பயனாளிகள்
இதன் மதிப்பு: 7.45 கோடிரூபாய்
- 30 பயனாளிகளுக்கு சிறு வணிக கடனாக 5.75 லட்சம் ரூபாய் நலத்திட்ட உதவிகள்
- 12 மாற்றுத்திறனாளிகளுக்கு 3.90 லட்சம் ரூபாய்க்கு நலத்திட்ட உதவிகள்
- மாற்றுத் திறனாளிகள் நலத் துறை சார்பில் 86 மாற்றுத்திறனாளிகளுக்கு இணைப்பு சக்கரம் பொருத்தப்பட்ட ஸ்கூட்டர்
இதன் மதிப்பு: 53.28 லட்சம் ரூபாய்
- செவித்திறன், பார்வைத் திறன் குறைபாடு உடைய மாற்றுத்திறனாளிகளுக்கு 1.27 லட்சம் ரூபாய் மதிப்பில் பிரத்யேக ஸ்மார்ட் போன் வழங்கப்பட்டன.
- தமிழ்நாடு ஊரக புத்தாக்க திட்டத்திற்கு குடிபெயர்ந்த, திறன் பெற்ற 62 இளைஞர்களுக்கு கோவிட்-19 சிறப்பு நிதி தொகுப்பில் இருந்து தலா 1 லட்சம் ரூபாய் வீதம் 62 லட்சம் மதிப்பிலும், கலை பண்பாட்டு துறை சார்பாக 2018-19 ஆம் ஆண்டு விழுப்புரம் மாவட்டம் கலைமன்றம் வாயிலாக தேர்வு செய்யப்பட்டுள்ள சிறந்த 5 கலைஞர்களுக்கு சான்றிதழ் மற்றும் பொற்கிழி 55ஆயிரம் மதிப்பிலும் வழங்கப்பட்டது.
- பிற்படுத்தப்பட்டோர் மற்றும் சிறுபான்மையினர் நலத்துறை சார்பாக முஸ்லீம் மகளிர் உதவும் சங்கத்தை சேர்ந்த 237 பயனாளிகளுக்கு 11.90 லட்ச ரூபாய் மதிப்பிலும் உதவித்தொகை வழங்கப்பட்டது.
- வருவாய் மற்றும் பேரிடர் மேலாண்மை துறை சார்பாக பருவமழை காலத்தில் மின்னல் தாக்கி உயிரிழந்தவர்களின் வாரிசுதாரர்களுக்கு பிரதமர் நிவாரண நிதியிலிருந்து தலா 2 லட்ச ரூபாய் வீதம் 5 பயனாளிகளுக்கு 10 லட்சம் ரூபாய் மதிப்பிலான காசோலைகள் வழங்கப்பட்டன.
- தமிழ்நாடு மகளிர் மேம்பாட்டு நிறுவனம் சார்பாக 35 பயனாளிகளுக்கு 6.25 லட்சம் ரூபாய் மதிப்பில் அம்மா இருசக்கர வாகனங்கள் வழங்கப்பட்டன.
- கால்நடை பராமரிப்பு துறை சார்பாக புறக்கடை கோழி வளர்ப்பு திட்டத்தின் கீழ் 10 பயனாளிகளுக்கு தலா 250 கோழிகள் வழங்கப்பட்டன.நலத்திட்ட உதவிகள் வழங்கிய அமைச்சர்
- வனத்துறை சார்பாக தமிழ்நாடு உயிர்ப்பன்மை பாதுகாப்பு மற்றும் பசுமையாக்கும் திட்டத்தின் கீழ் மரம் வளர்ப்பதற்கான ஊக்கத் தொகையாக 4 விவசாயிகளுக்கு 17.744 லட்ச ரூபாய் மதிப்பிலும் என மொத்தமாக 10.75 கோடி ரூபாய் மதிப்பிலான அரசு நலத்திட்ட உதவிகளை சட்டம் மற்றும் நீதித்துறை நிதித்துறை அமைச்சர் சிவி சண்முகம் வழங்கினார்.
இதையும் படிங்க:நெருங்கும் தேர்தல், நெருக்கும் பாஜக, கூடும் அதிமுக! முக்கிய தீர்மானங்கள் என்னென்ன?
