தமிழ்நாட்டில் இரண்டுகட்டமாக உள்ளாட்சித் தேர்தல் நடைபெறும் என மாநிலத் தேர்தல் ஆணையம் அறிவித்தது. அதன்படி டிசம்பர் 27ஆம் தேதி முதல்கட்டமாக உள்ளாட்சித் தேர்தல் நடைபெற்று முடிந்தது. இரண்டாம் கட்டமாக நாளை (டிச.30) தேர்தல் நடைபெறுகிறது. இந்நிலையில், கன்னியாகுமரி மாவட்டம் தோவாளை தாலுகா பகுதிகளில் அமைந்துள்ள ஊராட்சிகளுக்கு டிச.30ஆம் தேதி தேர்தல் நடைபெறவுள்ளது.
138 ஊராட்சி உறுப்பினர்கள் அமைந்துள்ள தோவாளை ஊராட்சி ஒன்றியத்தில் செண்பகராமன்புதூர், தோவாளை, சகாயநகர் உள்பட பதினாறு ஊராட்சிகளில் உள்ளாட்சித் தேர்தலில் போட்டியிட்டு அருமநல்லூர் ராஜேஷ்வரி, தெரிசனந்தோப்பு சாந்தி, கடுக்கரை முத்து லட்சுமி உள்பட 26 ஊராட்சி உறுப்பினர்கள் போட்டியின்றித் தேர்வுசெய்யப்பட்டுள்ளனர். இதனைத் தொடர்ந்து போட்டியின்றித் தேர்வு செய்யப்பட்ட வேட்பாளர்களுக்கான சான்றிதழ்களைத் தேர்தல் அலுவலர் வழங்கினார்.
இதையும் படிங்க: 10 ஆண்டுகளாக வேலைப் பார்த்த கடையில் திருடியவர் சிக்கியது எப்படி?