சென்னை: நடிகர் துல்கர் சல்மான் தமிழ் மற்றும் மலையாளத்தில் இளம் நடிகராக வெற்றி நடை போடுபவர். இவரது படங்களில் வித்தியாசமான கதாபாத்திரங்களைத் தேர்ந்தெடுத்து நடிப்பதால் பல தரப்பட்ட ரசிகர்களையும் தனது அருகில் வைத்துள்ளார். தமிழிலும் இவருக்கு ரசிகர்கள் உள்ளனர். இவரது வாயை மூடி பேசவும், கண்ணும் கண்ணும் கொள்ளையடித்தால், ஓகே கண்மணி உள்ளிட்ட படங்கள் மிகப் பெரிய வெற்றியை பெற்றது.
இந்த நிலையில், ஜீ ஸ்டூடியோஸ் மற்றும் வே ஃபாரர் பிலிம்ஸ் தயாரிப்பில் துல்கர் சல்மான் 'கிங் ஆஃப் கோதா' என்ற படத்தில் நடித்து வருகிறார். இப்படம் ரசிகர்களிடம் மிகப்பெரும் எதிர்பார்ப்பை ஏற்படுத்தியுள்ளது. 'கிங் ஆஃப் கோதா' படத்தின் ஒவ்வொரு அறிவிப்பையும் ரசிகர்கள் கொண்டாடி வரும் நிலையில், இறுதியாக தற்போது இப்படத்தின் ரத்தம் தெறிக்கும் அதிரடியான டீசரை படக் குழுவினர் வெளியிட்டுள்ளனர்.
டீசரில் கோதா மக்கள் அரசனைக் காண்பது போல் மொத்தமாக ஒதுங்கி நின்று துல்கர் சல்மான் காருக்கு வழி விடுகின்றனர். ஸ்டைலான பழம்பெருமை மிகுந்த மெர்சிடிஸ் காரில் துல்கர் சல்மான் வருவதைப் பார்க்கும்போது, நம் மொத்த கவனமும் அவர் மேல் குவிகிறது. மன்னிக்கத் தெரியாத வன்முறையாளனாக, இரக்கமற்ற கொடூரனாக கதாபாத்திரத்தில் மிரட்டுகிறார் துல்கர் சல்மான். இப்படத்தில் ஐஸ்வர்யா லட்சுமி, பிரசன்னா, அனிகா சுரேந்தர், கோகுல் சுரேஷ், ஷம்மி திலகன் உள்ளிட்ட பலர் நடித்துள்ளனர்.
இதையும் படிங்க: வாங்கி கட்டிய பின்னர் திருந்திய லியோ படக்குழு.. 'நா ரெடி' பாட்டில் எச்சரிக்கை வாசகம் சேர்ப்பு!
'கிங் ஆஃப் கோதா' டீசர் கோதா மக்களின் வாழ்க்கையை காணும் ஆவலைத் தூண்டுகிறது. “இது காந்திகிராம் இல்ல, கோதா. இங்க நா சொல்லும்போதுதான் பகல், நா சொல்லும்போதுதான் ராத்திரி” என்ற மாஸ் வசனங்கள் டீசரில் இடம் பெற்றுள்ளது. அறிமுக இயக்குநர் அபிலாஷ் ஜோஷி இயக்கியிருக்கும் இப்படத்தின் டீசர், நிச்சயமாகப் பார்ப்பவர் அனைவரிடத்திலும் ஒரு பேரதிர்வை ஏற்படுத்துவதுடன், திரைப்படத்தைப் பார்க்கும் ஆவலையும் தூண்டும் என்பதில் சந்தேகமில்லை.
-
Hold your breath as we present the action-packed Teaser of #KingOfKotha. Get ready for a blast this ONAM 2023!💥#KingOfKothaTeaser - https://t.co/J6PhEF27tJ @AishuL_ @actorshabeer @Prasanna_actor #AbhilashJoshiy @NimishRavi @JxBe @shaanrahman @ActorGokul @ActorSarann… pic.twitter.com/e4CwSksRT9
— Dulquer Salmaan (@dulQuer) June 28, 2023 " class="align-text-top noRightClick twitterSection" data="
">Hold your breath as we present the action-packed Teaser of #KingOfKotha. Get ready for a blast this ONAM 2023!💥#KingOfKothaTeaser - https://t.co/J6PhEF27tJ @AishuL_ @actorshabeer @Prasanna_actor #AbhilashJoshiy @NimishRavi @JxBe @shaanrahman @ActorGokul @ActorSarann… pic.twitter.com/e4CwSksRT9
— Dulquer Salmaan (@dulQuer) June 28, 2023Hold your breath as we present the action-packed Teaser of #KingOfKotha. Get ready for a blast this ONAM 2023!💥#KingOfKothaTeaser - https://t.co/J6PhEF27tJ @AishuL_ @actorshabeer @Prasanna_actor #AbhilashJoshiy @NimishRavi @JxBe @shaanrahman @ActorGokul @ActorSarann… pic.twitter.com/e4CwSksRT9
— Dulquer Salmaan (@dulQuer) June 28, 2023
கேஜிஎப் திரைப்பட பாணியில் டீசர் உருவாக்கப்பட்டுள்ளதாக ரசிகர்கள் கருத்து தெரிவித்து வருகின்றனர். இது எந்த ஜானரை சார்ந்த படம் என்பது இப்படம் வெளியாகும்போது தெரிந்து விடும். இப்படம் 2023 ஓணம் பண்டிகை அன்று உலகமெங்கும் வெளியாகிறது.
மேலும், கிங் ஆஃப் கோதா திரைப்படம் தமிழ், மலையாளம், தெலுங்கு, இந்தி மற்றும் கன்னடம் உள்ளிட்ட ஐந்து மொழிகளில் வெளியாகிறது. கிங் ஆஃப் கோதா படத்தின் டீசரை தமிழில் நடிகர் சிலம்பரசன் தனது ட்விட்டர் பக்கத்தில் வெளியிட்டுள்ளார். இப்படத்தின் டீசர் வெளியான சில மணி நேரங்களிலேயே பல லட்சம் பார்வையாளர்களை கடந்து சாதனை படைத்து வருகிறது.
இதையும் படிங்க: Demonte Colony 2: அருள்நிதியின் 'டிமான்ட்டி காலனி 2' படப்பிடிப்பு நிறைவு - ரிலீஸ் எப்போது?
