ନୟାଗଡ଼: ଚୋରି ହୋଇଥିବା ମୋବାଇଲ ଫେରି ପାଇଲା ପୋଲିସ । ନୟାଗଡ଼ର ବିଭିନ୍ନ ଥାନା ଅଧିନରୁ ଚୋରି ହୋଇଥିବା 40ଟି ଦାମୀ ଫୋନ ମୋବାଇଲ ମାଲିକଙ୍କୁ ଫେରାଇଲା ପୋଲିସ । ଲୁଟେରାଙ୍କ ଠାରୁ ଚୋରା ମୋବଇଲ ଜବତ କରି ଦୁଇ ଜଣଙ୍କୁ ଗିରଫ କରାଯାଇଛି । ନୟାଗଡ଼ ପୋଲିସ ପକ୍ଷରୁ ମୋବାଇଲ ବଣ୍ଟନ ମେଳା ଆୟୋଜନ କରି ଚୋରି ମୋବାଇଲ ହସ୍ତାନ୍ତର କରାଯାଇଛି । ନୟାଗଡ଼ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଉପସ୍ଥିତିରେ 40ଟି ଦାମୀ ଚୋରା ଜବତ ମୋବାଇଲ ଫୋନକୁ ଚିହ୍ନଟ କରି ପୋଲିସ ପକ୍ଷରୁ ବଣ୍ଟନ କରାଯାଇଛି ।
ଏନେଇ ନୟାଗଡ଼ SP କହିଛନ୍ତି, "ଗତ ଅକ୍ଟୋବର 31 ତାରିଖ ଦିନ ଟାଉନ ଥାନା ପୋଲିସ ଦୁଇ ଲୁଟେରାଙ୍କୁ ଗିରଫ କରିବା ପରେ ତାଙ୍କ ଠାରୁ ଚୋରା ମୋବାଇଲ ଫୋନର ସନ୍ଧାନ ମିଳିଥିଲା । ସେମାନଙ୍କ ପାଖରୁ ଦୁଇଟି ସୁନା ଚେନ ଓ କିଛି ଚୋରା ମୋବାଇଲ ଜବତ କରାଯାଇଥିଲା ।"
ଏହା ମଧ୍ୟ ପଢ଼ନ୍ତୁ: ନୟାଗଡ଼ରୁ ପୁଣି ବାଘ ଛାଲ ଜବତ, ଜଣେ ଗିରଫ
ବିଭିନ୍ନ ଥାନାକୁ ଯୋଗାଯୋଗ କରି ଚୋରି ହୋଇଥିବା ମୋବାଇଲ ଫୋନ ଜବତ କରିବାରେ ପୋଲିସ ସଫଳ ହୋଇଥିବା ନୟାଗଡ଼ SP କହିଛନ୍ତି ଏବଂ ନୟାଗଡ଼ ପୋଲିସର ଏଭଳି କାର୍ଯ୍ୟକୁ ପ୍ରଶଂସା କରିଛନ୍ତି । ବହୁତ ଦିନ ପରେ ଚୋରି ମୋବାଇଲକୁ ପାଇ ଲୋକେ ଖୁସି ପ୍ରକାଶ କରିଛନ୍ତି ।
ଇଟିଭି ଭାରତ, ନୟାଗଡ଼
