ନବରଙ୍ଗପୁର: ଜିଲ୍ଲା ରାଇଘର ବ୍ଲକ ନାକଟିସେମଡ଼ା ଗ୍ରାମରେ ଘଟିଛି ଅଭାବନୀୟ ଘଟଣା । ସାମାଜିକ ସ୍ବୀକୃତି ନ ପାଇବା ଭୟରେ କୀଟନାଶକ ପିଇ ଆତ୍ମହତ୍ୟା ଉଦ୍ୟମ କରିଛନ୍ତି ପ୍ରେମୀ ଯୁଗଳ । ଏଥିରେ ଯୁବତୀଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ଅବସ୍ଥାରେ ଯୁବକଙ୍କୁ ରାଇଘର ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ କରାଯାଉଛି ।
ସୂଚନା ଅନୁସାରେ ଗୋଟିଏ ଗାଁର ଏହି ପ୍ରେମୀଯୁଗଳଙ୍କ ମଧ୍ୟରେ ଦୁଇ ବର୍ଷ ହେଲା ପ୍ରେମ ସମ୍ପର୍କ ଥିଲା । ତେବେ ସୋମବାର ଗାଁର ମଣ୍ଡେଇ (ଯାତ୍ରା) ଚାଲିଥିବା ବେଳେ ଦୁହେଁ ମିଶି ବୁଲିବାକୁ ଯାଇଥିଲେ ଏବଂ ସେଠାରେ କୀଟନାଶକ ପିଇ ଦେଇଥିଲେ ।
ମାତ୍ର କିଛି ସମୟ ପରେ କିଛି ନହେବାରୁ ଯୁବକ ହଲଦାସ ଗଣ୍ଡ ଦଉଡି ଲଗାଇ ଫାଶି ଦେବାକୁ ଉଦ୍ୟମ କରିଥିଲେ ମଧ୍ୟ ତାଙ୍କ ବଡଭାଇ ତାଙ୍କୁ ଉଦ୍ଧାର କରିଥିଲେ । ସେପଟେ ଯୁବତୀ ତୁଲାବତୀ ଗଣ୍ଡଙ୍କ ମୃତ୍ୟୁ ବିଷକ୍ରିୟାରୁ ହିଁ ତାଙ୍କ ଭଉଣୀଙ୍କ ମୃତ୍ୟୁ ବରଣ କରିଥିଲେ ।
ଘଟଣା ପରେ ରାଇଘର ପୋଲିସ ଯୁବତୀଙ୍କ ମୃତଦେହ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
