କୋରାପୁଟ: ଚଳିତ ମାସ ଆଠ ତାରିଖରେ ଅନ୍ତର୍ଜାତୀୟ ମହିଳା ଦିବସରେ ଓଡିଶା ଜୀବିକା ମିଶନ ତରଫରୁ କୋଟିଆ ପଞ୍ଚାଯତର ସ୍କୁଲ ପିଲାଙ୍କୁ ବାଣ୍ଟିଛନ୍ତି ସ୍କୁଲ ବ୍ୟାଗ । ଏହାସହ ଗର୍ଭବତୀ ମହିଳା ଓ ନବଜାତ ଶିଶୁଙ୍କ ମାଆଙ୍କୁ ବଣ୍ଟାଯାଇଛି ପରିବା ବିହନ ।
ସେମାନଙ୍କ ପ୍ରାଥମିକ ଆବଶ୍ୟକତାକୁ ପୂରଣ କରିବା ଉଦ୍ଦେଶ୍ୟରେ ଆରମ୍ଭ କରାଯାଇଥିବା କାର୍ଯ୍ୟକ୍ରମରେ ଆଜି ସୁଦ୍ଧା 198 ଜଣ ମହିଳାଙ୍କୁ ବାଡି ବଗିଚାରେ ପୁଷ୍ଟିକର ପରିବା ଗଛ ଲଗାଇବା ପାଇ 13 ପ୍ରକାରର ବିହନ ପ୍ରଦାନ କରିଛି ଓଡିଶା ଜୀବିକା ମିଶନ । ଏଥିସହିତ ସେହି ମହିଳାମାନଙ୍କ ମଧ୍ୟରେ ପୁଷ୍ଟିକର ଖାଦ୍ୟ ଖାଇବା ପ୍ରତି ସଚେତନତା ସୃଷ୍ଟି କରିବା ପାଇଁ ମଦର୍ଶ ହରଲିକ୍ସ ଦିଆଯାଇଥିବା ଜୀବିକା ମିଶନର ଜିଲ୍ଲା ଅଧିକାରୀ ସସ୍ମିତା ସାମନ୍ତରାୟ ଜଣାଇଛନ୍ତି ।
ସେହିପରି କୋଟିଆ ପଞ୍ଚାୟତରେ ଚୟନ କରାଯାଇଥିବା 17ଟି ବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ବିଦ୍ୟାଳୟକୁ ଯିବାର ଆଗ୍ରହ ସୃଷ୍ଟି କରିବା ପାଇଁ ପ୍ରତି ଛାତ୍ରଛାତ୍ରୀଙ୍କୁ ଗୋଟିଏ ସ୍କୁଲ ବ୍ୟାଗ ଏବଂ ଗୋଟେ ହଳ ଜୋତା ଓ ମୋଜା ପ୍ରଦାନ କରାଯାଉଥିବା ସେ ଜଣାଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
