ଖୋର୍ଦ୍ଧା: ବିଦ୍ୟୁତ ଆଘାତରେ ଯୁବକ ମୃତ । ଖୁଣ୍ଟରେ ଝୁଲି ରହିଛି ମୃତଦେହ । ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ଛଣଗିରି ଗ୍ରାମରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ଖବରଅନୁସାରେ, ଆଜି ସକାଳୁ ଛଣଗିରି ଗ୍ରାମର ଏକ ବିଦ୍ୟୁତ ଖୁଣ୍ଡରେ ଏକ ଯୁବକଙ୍କ ମୃତଦେହ ଝୁଲିଥିବା ଦେଖିବାକୁ ମିଳିଥିଲା । ଗ୍ରାମର ଯାତ୍ରା ପଡିଆରେ ଥିବା ୧୧କେଭି ବିଦ୍ୟୁତ୍ ତାରରେ ମୃତଦେହ ଝୁଲି ରହିଥିଲା । ସ୍ଥାନୀୟ ଲୋକେ ଦେଖିବା ପରେ ପୋଲିସକୁ ଖବର ଦେଇଥିଲେ । ତେବେ ମୃତକ ଜଣକ ଛଣଗିରି ଗ୍ରାମର ସେକ କୁନା । ତେବେ ଗତକାଲି ରାତିରେ ସେ କେଉଁ କାରଣରୁ ବିଦ୍ୟୁତ୍ ଖୁଣ୍ଟିରେ ଚଢିଥିଲେ ତାହା ସ୍ପଷ୍ଟ ହୋଇନାହିଁ ।
ଏହା ମଧ୍ୟ ପଢନ୍ତୁ: ରାଜସ୍ଥାନରେ ଜମିଲା ନୂଆବର୍ଷ ସେଲିବ୍ରେସନ, ଦୁଇ ଦିନରେ ପିଇଗଲେ 111 କୋଟିର ମଦ
ତେବେ ବିଭିନ୍ନ ଚୋରି, ଡକାୟତି, ବ୍ରାଉନ ସୁଗାର କାରବାର ଆଦି ଅପରାଧିକ ମାମଲାରେ ସେକ କୁନା ନାମରେ ଥାନାରେ ଅନେକ ଅଭିଯୋଗ ରହିଥିଲା । ଖବର ପାଇ ଘଟଣା ସ୍ଥଳକୁ ବିଦ୍ୟୁତ୍ ବିଭାଗ କର୍ମଚାରୀ ଏବଂ ପୋଲିସ ଟିମ୍ ଯାଇ ତଦନ୍ତ କରୁଛନ୍ତି । ତେବେ ସ୍ଥାନୀୟ ଲୋକଙ୍କ କହିବା ମୁତାବକ କୁନା ତାର ଚୋରି କରିବା ପାଇଁ ବିଦ୍ୟୁତ ଖୁଣ୍ଟରେ ଚଢିଥିବା ବେଳେ ବିଦ୍ୟୁତ ଆଘାତ ଖାଇ ମୃତ୍ୟୁବରଣ କରିଛି ।
ଇଟିଭି ଭାରତ, ଖୋର୍ଦ୍ଧା
