ଭବାନୀପାଟଣା: କେଗାଁ ଥାନା ଅନ୍ତର୍ଗତ ମହାଲିଙ୍ଗ ସନସାଇନ ଘରୋଇ ସ୍କୁଲର ଶିକ୍ଷୟିତ୍ରୀ ନିଖୋଜ ଘଟଣାରେ ଉଚ୍ଚସ୍ତରୀୟ ତଦନ୍ତ ଦାବି କରି ବିଜେପି କେଗାଁ ଥାନା ସମ୍ମୁଖରେ ଧାରଣା ଦେଇଛି । ଅଭିଯୋଗ ଅନୁଯାୟୀ ମହାଲିଙ୍ଗସ୍ଥିତ ସନସାଇନ ପବ୍ଲିକ ସ୍କୁଲର ଶିକ୍ଷୟିତ୍ରୀ ମମିତା ମେହେର ଗତ ୮ ତାରିଖ ଠାରୁ ସ୍କୁଲକୁ ଆସିବା ସମୟରେ ନିଖୋଜ ହୋଇଛନ୍ତି । ଶିକ୍ଷୟିତ୍ରୀଙ୍କ ପରିବାର ବଲାଙ୍ଗୀର ଜିଲ୍ଲାର ସିନ୍ଧେକେଲା ଥାନାରେ ଅଭିଯୋଗ ପରେ କଳାହାଣ୍ଡି ଓ ବଲାଙ୍ଗୀର ଜିଲ୍ଲା ପୋଲିସ ତଦନ୍ତ ଜାରି ରଖିଛନ୍ତି ।
ପ୍ରାଥମିକ ତଦନ୍ତରୁ ଶିକ୍ଷୟିତ୍ରୀ ନିଖୋଜ ପଛରେ ସ୍କୁଲ ମାଲିକଙ୍କ ଲିଙ୍କ ଥିବା ନେଇ ପୋଲିସ ସ୍କୁଲ ମାଲିକ ଗୋବିନ୍ଦ ସାହୁକୁ ଉଠାଇ ନେଇ ଆରମ୍ଭ କରିଛନ୍ତି ଛାନଭିନ । ଏନେଇ ଆଜି ଘଟଣାର ଉଚ୍ଚସ୍ତରୀୟ ତଦନ୍ତ ଓ ତାଙ୍କ ପରିବାରକୁ ଉଚିତ ନ୍ୟାୟ ଦାବି କରି କଳାହାଣ୍ଡି ଭାରତୀୟ ଜନତା ପାର୍ଟି ତରଫରୁ କେଗାଁ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଧାରଣାରେ ବସିଛନ୍ତି ବିଜେପି କର୍ମୀ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
