ଝାରସୁଗୁଡା: ଜିଲ୍ଲା ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ଡ୍ରାଇଭରର ଝୁଲନ୍ତା ମୃତଦେହ ଉଦ୍ଧାର । ସେ ରହୁଥିବା ଭଡାଘରୁ ମୃତଦେହ ଉଦ୍ଧାର କରାଯାଇଛି । ମୃତକଙ୍କ ନାମ ନେପାଳ ଚଣ୍ଡେଲ । ଭଡାଘରେ ବେକରେ ଗାମୁଛା ବାନ୍ଧି ପଙ୍ଖାରେ ଝୁଲି ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
ମାଜିଷ୍ଟ୍ରେଟଙ୍କ ଡ୍ରାଇଭରର ଝୁଲନ୍ତା ମୃତଦେହ ଉଦ୍ଧାର
ସୂଚନାଯୋଗ୍ୟ, ମୃତ ଡ୍ରାଇଭର ଜଣକ ଅବିବାହିତ ଥିଲେ । ସେ ଗୁରୁବାର ମାଜିଷ୍ଟ୍ରେଟଙ୍କୁ ନେଇ ଲଇକେରା ଯାଇଥିଲେ । ହେଲେ ଅପରାହ୍ନରେ ଫେରିବା ପରେ ଆଉ ଡ୍ୟୁଟି ଯାଇନଥିଲେ । ଏହାପରେ ସେ ରହୁଥିବା ଭଡାଘରୁ ତାଙ୍କର ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଥିବାବେଳେ ମୃତକଙ୍କ ସହ ଘରେ ଆଉ କେହି ନଥିବାରୁ ପରିବାର ଲୋକେ ଆସିବାକୁ ପୋଲିସ ଅପେକ୍ଷା କରିଛି । ଘଟଣାର ତଦନ୍ତ ଆରମ୍ଭ ହୋଇଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
