ଜଗତସିଂହପୁର: ଔଷଧ ଦୋକାନୀର ଭୁଲ ଇଞ୍ଜେକସନ ଯୋଗୁ ରୋଗୀର ମୃତ୍ୟୁ ହୋଇଥିବା ଅଭିଯୋଗ । ପାରାଦୀପ ଗଡରେ ଜଳଖିଆ ଦୋକାନ କରିଥିବା କେନ୍ଦ୍ରାପଡ଼ା ମନକରପୁରର ରବିନ୍ଦ୍ର ସାହୁଙ୍କ ହାତ ଓ ଛାତିରେ ଯନ୍ତ୍ରଣା ହେବାରୁ ସେ ତାଙ୍କର ଜଣେ ବନ୍ଧୁଙ୍କ ସହିତ ସ୍ଥାନୀୟ ଏକ ଔଷଧ ଦୋକାନକୁ ଯାଇଥିଲେ । ଦୋକାନୀ ତାଙ୍କୁ ୨ଟି ଇଞ୍ଜେକସନ ଓ ୨ଟି ବଟିକା ଖାଇବାକୁ ଦେଇଥିଲେ। ସେଠାରୁ ଫେରିବା ବାଟରେ ରବିନ୍ଦ୍ର ହଠାତ ଟଳି ପଡ଼ିଥିଲେ । ତାଙ୍କୁ ସଙ୍ଗେ ସଙ୍ଗେ ଅଠରବାଙ୍କି ହସ୍ପିଟାଲ ନିଆଯାଇଥିଲା ।
ଔଷଧ ଦୋକାନୀଙ୍କ ଭୁଲ ଇଞ୍ଜେକସନ ନେଲା ଜୀବନ !
ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୋକାନୀ ଭୁଲ ଇଞ୍ଜେକସନ ଓ ବଟିକା ଦେବାରୁ ସ୍ଵାମୀଙ୍କର ମୃତ୍ୟୁ ହୋଇଥିବା ପତ୍ନୀ ରୀନା ସାହୁ ଅଭିଯୋଗ କରିଛନ୍ତି । ଏନେଇ ଲକଥାନାରେ ଲିଖିତ ଅଭିଯୋଗ ହୋଇଛି । ପୋଲିସ ଘଟଣାର ତଦନ୍ତ କରୁଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
