ଢେଙ୍କାନାଳ: ଛେଳି ଚରାଳୀଙ୍କୁ ଟେକି କଚାଡି ମାରିଲା ହାତୀ । ଫଳରେ ଘଟଣାସ୍ଥଳରେ ଜଣେ ଛେଳି ଚରାଳି ବୃଦ୍ଧାଙ୍କର ମୃତ୍ୟୁ ହୋଇଛି । ମୃତ ବୃଦ୍ଧା ଜଣକ ହେଲେ ଢେଙ୍କାନାଳ କପିଳାସ ଅଭୟାରଣ୍ୟ ନିକଟସ୍ଥ ବିରଡ଼ିଆ ଗ୍ରାମର ଝୁନ ନାଏକ । ସବୁଦିନ ଭଳି ବୁଦ୍ଧା ଝୁନ ଓ ତାଙ୍କର ଜଣେ ସାଥୀ ଛେଳି ଚରାଇବା ପାଇଁ ଗ୍ରାମ ନିକଟ ଜଙ୍ଗଲକୁ ଯାଇଥିଲେ । ଉଭୟ ଜଙ୍ଗଲରେ ଛେଳି ଚରାଉଥିବା ସମୟରେ ହଠାତ ହାତୀ ଆକ୍ରମଣ କରିଥିଲା ।
ଫଳରେ ଘଟଣାସ୍ଥଳରେ ବୃଦ୍ଧା ଝୁନ ନାୟକଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣଙ୍କ ପ୍ରାଣ ବଞ୍ଚାଇ ପଳାଇ ଆସିଥିଲେ । ଖବରପାଇ ଗ୍ରାମବାସୀ ଏକତ୍ରିତ ହୋଇ ଘଟଣାସ୍ଥଳକୁ ଯାଇଥିଲେ । ହେଲେ ହାତୀଟି ମୃତଦେହ ନିକଟରେ ଜଗି ରହିଥିଲା । ଖବରପାଇ ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀଟିକୁ ଘଉଡାଇବା ପରେ ମୃତଦେହ ଉଦ୍ଧାର କରାଯାଇଥିଲା । ପରେ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଯାଇଥିଲା । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଏକ ଭୟର ବାତାବରଣ ଖେଳିଯାଇଛି । ସେପଟେ ହାତୀଟି ପାଖ ଜଙ୍ଗଲରେ ଥିବାରୁ ସ୍ଥାନୀୟ ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି ।
ଇଟିଭି ଭାରତ, ଢେଙ୍କାନାଳ
