କଟକ: ସିଲଭରସିଟିରେ ଅଘଟଣ । ଲଗାଣ ବର୍ଷାରେ ଯୁବକ ନିଖୋଜ। ଯୁବକ ଜଣକ ମାଛ ଧରୁଥିବାବେଳେ ପାଣି ଭାସିଯାଇଥିବା ସନ୍ଦେହ କରାଯାଉଛି ।
ସାରା ରାଜ୍ୟରେ ଲାଗି ରହିଛି ଲଗାଣ ବର୍ଷା । ଲଗାଣ ବର୍ଷାରେ ରାଜ୍ୟର ସ୍ଥିତି ବେହାଲ ହୋଇଛି । କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ନତକେଇ ଗ୍ରାମର ପାଟଣାଳୀ ନିକଟରୁ ଜାଲ ପକାଇ ମାଛ ଧରୁଥିବା ବେଳେ ଯୁବକ ନିଖୋଜ । ସ୍ଥାନୀୟ ଗ୍ରାମର ଯଶବନ୍ତ ରାଉତଙ୍କ ପୁଅ ସଞ୍ଜୟ ରାଉତ ନିଖୋଜ ଥିବା ଜଣାପଡିଛି। ନିଶ୍ଚିନ୍ତକୋଇଲି ପୋଲିସ ଓ ନିଶ୍ଚିନ୍ତକୋଇଲି ଦମକଳ ବାହିନୀ ଖୋଜାଖୋଜି କରୁଥିବା ଜଣାପଡ଼ିଛି।
ଲଗାଣ ବର୍ଷାରେ ବେହାଲ କଟକ, ମାଛ ଧରିବାବେଳେ ଭାସିଗଲେ ଯୁବକ
ସୂଚନା ଅନୁଯାୟୀ ଲଗାଣ ବର୍ଷାରେ ବିଲ ପାଟଣାଳୀରେ ପ୍ରବଳ ପାଣି ଯୋଗୁଁ ମାଛ ଧରିଲା ବେଳେ ଭାସି ଯାଉଥିବା ଅନୁମାନ କରାଯାଉଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
