ବୌଦ୍ଧ:ବିଭିନ୍ନ ସମସ୍ୟା ନେଇ କିଷାନ କଂଗ୍ରେସ ସମେତ ଯୁବ କଂଗ୍ରେସ ଓ ଛାତ୍ର କଂଗ୍ରେସର ଆନ୍ଦୋଳନ ପାଇଁ ସଜବାଜ । ଜିଲ୍ଲାର ଅବହେଳିତ ଶଗଡା ପଞ୍ଚାୟତରୁ ଏହି ଆନ୍ଦୋଳନର ଅୟମାରମ୍ଭ ପାଇଁ ରଣନୀତି ପ୍ରସ୍ତୁତ ହୋଇଛି ।
ବିଭିନ୍ନ ସମସ୍ୟା ନେଇ ବୌଦ୍ଧ କିଷାନ କଂଗ୍ରେସର ଆନ୍ଦୋଳନ ପାଇଁ ସଜବାଜ
ଏଥିସହିତ ଜିଲ୍ଲାରେ ବିଦ୍ୟୁତ ବିଲ ସମସ୍ୟା ଓ ବର୍ତ୍ତମାନ ଘୋଷଣା ହୋଇଥିବା ପଞ୍ଚାୟତ ଆରକ୍ଷଣ ବ୍ୟବସ୍ଥାରେ ବ୍ୟାପକ ସମସ୍ୟାକୁ ନେଇ ବୈଠକରେ ଉଦବେଗ ପ୍ରକାଶ ପାଇଥିଲା । ତେବେ ଏହି ସମସ୍ୟା ବିରୋଧରେ କିଷାନ କଂଗ୍ରେସ ଆନ୍ଦୋଳନ ପାଇଁ ରଣନୀତି ପ୍ରସ୍ତୁତ କରିବା ସହିତ ଏହି ଆନ୍ଦୋଳନ ଜିଲ୍ଲାର ଉପାନ୍ତ ଶଗଡା ପଞ୍ଚାୟତରୁ ଆରମ୍ଭ ହେବ ବୋଲି ସୂଚନା ମିଳିଛି । କାରଣ ଶଗଡା ପଞ୍ଚାୟତର ଅନେକ ସ୍ଥାନରେ ବିକାଶର ଧାରା ଠିକରେ ପହଞ୍ଚି ପାରି ନ ଥିବାବେଳେ ଜଳସେଚନର ପ୍ରମୁଖ ଉତ୍ସ ଥାଇ ମଧ୍ୟ ଅନେକ ସ୍ଥାନରେ ମରୁଡି ପରିସ୍ଥିତି ସୃଷ୍ଟି ହୋଇଥାଏ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
