ବୌଦ୍ଧ: ପ୍ରହସନ ପାଲଟିଛି ପୁଳାପୁଳା ଯୋଜନା । ବୌଦ୍ଧ ଉପାନ୍ତ ଅଞ୍ଚଳରେ ପହଞ୍ଚି ପାରୁନି ସରକାରଙ୍କ ବିକାଶର ଗାଡି । ରାସ୍ତା ନଥିବାରୁ ଯାତାୟତ କରିବାରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି ଲୋକେ । ବୌଦ୍ଧ ଜିଲ୍ଲା ୯ ନମ୍ବର ଜୋନ୍ ଅନ୍ତର୍ଗତ ମହାଲିକପଡ଼ା ପଞ୍ଚାୟତ ସହ କୁଶଙ୍ଗ, ତଳଗାଁ, ଆଢେଣୀଗଡ଼, ଛତରଙ୍ଗ ଭଳି ପଞ୍ଚାୟତର ଅନେକ ଗ୍ରାମକୁ ଆଜି ଯାଏଁ ରାସ୍ତା ନିର୍ମାଣ ହୋଇ ପାରୁନାହିଁ ।
ସମସ୍ୟା ଘେରରେ ବୌଦ୍ଧର ଉପାନ୍ତ ଅଞ୍ଚଳ, ଅଭିଯୋଗ ପରେ ବି ଶୁଣୁନି ପ୍ରଶାସନ
ଏହିସବୁ ଉପାନ୍ତ ଅଞ୍ଚଳରେ ପାନୀୟଜଳ, ସ୍ବାସ୍ଥ୍ୟସେବା, ଜଳସେଚନ, ବିଦ୍ୟୁତ, ଡାକସେବା ଆଦି ବିପର୍ଯ୍ୟସ୍ତ ହୋଇପଡ଼ିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ବୌଦ୍ଧ ଜିଲ୍ଲାର ମହାଲିକପଡା ପଞ୍ଚାୟତରେ ଆଜି ପର୍ଯ୍ୟନ୍ତ ମୋବାଇଲ ନେଟୱାର୍କ ସଂଯୋଗ ହୋଇ ପାରୁନାହିଁ । ଏନେଇ ବାରମ୍ବାର ଦାବି କରାଯାଉଥିଲେ ସୁଦ୍ଧା କୌଣସି ସୁଫଳ ମିଳୁନଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା ।
