ଭଦ୍ରକ : ରାଜ୍ୟରେ ଆସନ୍ତା ୨୪ ତାରିଖରେ ଅନ୍ତିମ ପର୍ଯ୍ୟାୟ ଭୋଟ ଗ୍ରହଣ ଅନୁଷ୍ଠିତ ହେବ । ଏନେଇ ଭଦ୍ରକ ଜିଲ୍ଲା ଅନ୍ତର୍ଗତ ଧାମନଗର ବ୍ଲକର 4 ଟି ଜୋନରେ ଭୋଟ ଗ୍ରହଣ କରାଯିବ। ତେଣୁ ରାଜନୈତିକ ପାଣିପାଗ ବେଶ ସରଗରମ ରହିଛି ।
ଏହାବି ପଢନ୍ତୁ : ସାଂସଦ ଅନୁଭବଙ୍କ ଭାଇ ଅନୁପ୍ରାସଙ୍କ ବିରୋଧରେ ଜମି ଚଞ୍ଚକତା ଅଭିଯୋଗ
ଶେଷ ପର୍ଯ୍ୟାୟ ପ୍ରଚାର ପାଇଁ ଏବେ ସିନେ ତରକା ପ୍ରଚାରକ ନିର୍ବାଚନ ପ୍ରଚାର ମୈଦାନରେ। ଏହି ଅବସରରେ ଆଜି(ସୋମବାର) ପ୍ରଥମେ ଅସୁରାଳି, ପରେ ଧୂସୁରି, ପାଳସାହି ଓ ରଇପୁର ପଞ୍ଚାୟତ ସମେତ ବିଭିନ୍ନ ପଞ୍ଚାୟତରେ ଶାସକ ବିଜୁ ଜନତା ଦଳର ପ୍ରାର୍ଥୀମାନଙ୍କ ସପକ୍ଷରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ନିର୍ବାଚନୀ ପ୍ରଚାର କରିଛନ୍ତି । ବର୍ଷାଙ୍କ ସହ ବିଜେଡି ଦଳର ଅନ୍ୟ ନାରୀନେତ୍ରୀ ଏବଂ କର୍ମୀମାନେ ଏକ ବିଶାଳ ମୋଟର ସାଇକେଲ ଶୋଭାଯାତ୍ରାରେ ଯାଇ ପ୍ରଚାର କରିବା ସହ ରୋଡ଼ ସୋ କରିଛନ୍ତି ବର୍ଷା । ଦଳୀୟ ପ୍ରାର୍ଥୀ ଏବଂ ସମର୍ଥିତ ପ୍ରାର୍ଥୀଙ୍କୁ ବିଜୟ କରିବା ପାଇଁ ଭୋଟ ମାଗିଛନ୍ତି । ତେବେ ବିଜେପି ଏବଂ କଂଗ୍ରେସ ଦଳ ଅପେକ୍ଷା ଶାସକ ବିଜେଡି ଦଳର ପ୍ରଚାର ଭଦ୍ରକ ଜିଲ୍ଲାରେ ଟିକେ ଆଗରେ ଥିବା ଦେଖିବାକୁ ମିଳିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
