ଟୋକିଓ: ଟୋକିଓ ଅଲମ୍ପିକ୍ସ ଷ୍ଟାଡିୟମରେ ଆରମ୍ଭ ହେଲା ପାରାଲମ୍ପିକ୍ସର ଉଦଘାଟନ ମହାସମାରୋହ । ଟୋକିଓ ପାରାଲମ୍ପିକ୍ସରେ ୧୬୩ ଦେଶର ୪୪୦୦ରୁ ଅଧିକ କ୍ରୀଡ଼ାବିତ ଭାଗ ନେଇଛନ୍ତି । ଭାରତ ପକ୍ଷରୁ ୫୪ ଜଣ ଆଥଲେଟ ଟୋକିଓ ଗସ୍ତ କରିଛନ୍ତି । ଉଦଘାଟନୀ ସମାରୋହରେ ଭାରତର ଧ୍ବଜା ବାହାକ ସାଜିଥିଲେ ଜାଭେଲିନ ଥ୍ରୋ' ଖେଳାଳି ଟେକ ଚାନ୍ଦ । ଏହାସହ ଟୋକିଓ ପାରାଲମ୍ପିକ୍ସ ୨୦୨୦ର ବିଗୁଲ ବାଜି ସାରିଛି । ପଦକ ପାଇଁ ବ୍ୟଗ୍ର ଥିବା କ୍ରୀଡାବିତମାନଙ୍କ ପରାକ୍ରମ ଦେଖାଇବା ସମୟ ଆସିଛି ।
-
#TeamIndia at the #OpeningCeremony #Tokyo2020 #Paralympics 🎉🎉🎉
— Paralympic India 🇮🇳 #Cheer4India 🏅 #Praise4Para (@ParalympicIndia) August 24, 2021 " class="align-text-top noRightClick twitterSection" data="
🇮🇳🇮🇳🇮🇳 @narendramodi @ianuragthakur @Media_SAI @Paralympics #Praise4Para https://t.co/ulvlSq34g4
">#TeamIndia at the #OpeningCeremony #Tokyo2020 #Paralympics 🎉🎉🎉
— Paralympic India 🇮🇳 #Cheer4India 🏅 #Praise4Para (@ParalympicIndia) August 24, 2021
🇮🇳🇮🇳🇮🇳 @narendramodi @ianuragthakur @Media_SAI @Paralympics #Praise4Para https://t.co/ulvlSq34g4#TeamIndia at the #OpeningCeremony #Tokyo2020 #Paralympics 🎉🎉🎉
— Paralympic India 🇮🇳 #Cheer4India 🏅 #Praise4Para (@ParalympicIndia) August 24, 2021
🇮🇳🇮🇳🇮🇳 @narendramodi @ianuragthakur @Media_SAI @Paralympics #Praise4Para https://t.co/ulvlSq34g4
ଭବ୍ୟ ସମାରୋହରେ ଟୋକିଓ ପାରାଲମ୍ପିକ୍ସକୁ କ୍ରୀଡ଼ାବିତଙ୍କୁ ସ୍ବାଗତ କରାଯାଇଛି । ସଙ୍ଗୀତ ସମାରୋହର ନାଚ ମଧ୍ୟରେ ସମସ୍ତ ଦେଶର କ୍ରୀଡ଼ାବିତ ଅଲମ୍ପିକ୍ସ ଷ୍ଟାଡିୟମ ଭିତରକୁ ପ୍ରବେଶ କରିଥିଲେ । ଅଲମ୍ପିକ୍ସ ଷ୍ଟାଡିୟମ ଭିତରକୁ ପ୍ରବେଶ କରିବା ବେଳେ କ୍ରୀଡ଼ାବିତଙ୍କ ମନରେ ଅସୀମ ଉତ୍ସାହ ଦେଖିବାକୁ ମିଳିଥିଲା । ଅଗଷ୍ଟ ୨୫ ତାରିଖରୁ ଭାରତୀୟ ପାରାଲମ୍ପିଆନ ନିଜ ଅଭିଯାନ ଆରମ୍ଭ କରିବେ । ଟେବୁଲ ଟେନିସ ସିଙ୍ଗଲ୍ସ ଇଭେଣ୍ଟରେ ସୋନାଲବେନ ପଟେଲ ଓ ଭାବିନା ପଟେଲ ପଦକ ପାଇଁ ପ୍ରତିଦ୍ବନ୍ଦିତା କରିବେ ।
ପ୍ରଥମେ ଏହି ଦାୟିତ୍ବ ଉଚ୍ଚ ଡିଆଁ ଖେଳାଳି ମରିୟପ୍ପନ ଥଙ୍ଗାବେଲୁଙ୍କୁ ଦିଆଯାଇଥିଲା । ତେବେ ସେ ଜଣେ କୋରୋନା ସଂକ୍ରମିତଙ୍କ ସଂସ୍ପର୍ଶରେ ଆସିଥିବାରୁ ତାଙ୍କୁ କ୍ବାରେଣ୍ଟିନରେ ରଖାଯାଇଛି । ଦୁଇଜଣ ଭାରତୀୟ ପାରାଲମ୍ପିଆନଙ୍କ ସହ ମୋଟ ୬ ଭାରତୀୟ କୋରୋନା ସଂକ୍ରମିତଙ୍କ ସଂସ୍ପର୍ଶରେ ଆସିଛନ୍ତି । ଦୁଇ ଭାରତୀୟ ଆଥଲେଟ ନିଜନିଜ ପ୍ରତିଯୋଗିତାରେ ଭାଗ ନେବାରେ କୌଣସି ଅସୁବିଧା ନାହିଁ ବୋଲି ସୂଚନା ମିଳିଛି ।
ଟୋକିଓ ପାରାଲମ୍ପିକ୍ସରେ ଭାରତ ପକ୍ଷରୁ ମୋଟ ୬ ଜଣ ଅଫିସିଆଲ ଷ୍ଟାଫ୍ ଓ ୫ ଜଣ ଭାରତୀୟ ପାରା ଆଥଲେଟ୍ ଭାଗ ନେଇଛନ୍ତି । ଭାରତୀୟ କ୍ରୀଡ଼ାବିତ ମାନେ ଟୋକିଓ ପାରାଲମ୍ପିକ୍ସରେ ମୋଟ ୯ଟି ଇଭେଣ୍ଟରେ ନିଜର ଜଲୱା ଦେଖାଇବେ । ଚଳିତ ପାରାଲମ୍ପିକ୍ସରେ ଭାରତୀୟ କ୍ରୀଡ଼ାବିତ ଅଧିକ ପଦକ ହାସଲ କରିବେ ବୋଲି ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
