ହାଇଦ୍ରାବାଦ: ଇଣ୍ଡିଆନ ସୁପର ଲିଗର ହାଇଦ୍ରାବାଦ ଏଫସି ଯୁବ କେରଳ ୱିଙ୍ଗର ଅବଦୁଲ ରବିହ ଏକେଙ୍କୁ ଆଗାମୀ ସିଜିନ ପାଇଁ କ୍ଲବରେ ସାମିଲ କରିଛି । ଏନେଇ କ୍ଲବ ମଙ୍ଗଳବା ଘୋଷଣା କରିଛି । ମାଲାପ୍ପୁରମର 20 ବର୍ଷୀୟ ଯୁବ ଫୁଟବଲ ଷ୍ଟାର ଦ୍ବିତୀୟ ଖେଳାଳି ଭାବେ କ୍ଲବରେ ସାମିଲ ହୋଇଛନ୍ତି ।
2013ରେ MSP ଉଚ୍ଚ ପ୍ରାଥମିକ ବିଦ୍ୟାଳୟରୁ କ୍ୟାରିୟର ଆରମ୍ଭ କରିଥିଲେ । ପରେ 16 ବର୍ଷରୁ କମ ଓ 18 ବର୍ଷରୁ କମ AIFF ୟୁଥ ଲିଗରେ ନଜର ଆସିଥିଲେ ।
2020-21 ସିଜିନର କେରଳ ପ୍ରିମିୟର ଲିଗରେ ସେ ଲୁକା ଏସସି ପକ୍ଷରୁ ଖେଳି ସମସ୍ତଙ୍କୁ ପ୍ରଭାବିତ କରିଥିଲେ ।
"ହାଇଦ୍ରାବାଦ ଏଫସି ବର୍ତ୍ତମାନ ଏପରି ଏକ କ୍ଲବ ଯେଉଥିରେ ଅଧିକାଂଶ ଯୁବ ଫୁଟବଲ ଖେଳାଳି ଖେଳିବାକୁ ପସନ୍ଦ କରିବେ । ମୋ ପରି ଯୁବ ଖେଳାଳିଙ୍କୁ କ୍ଲବ ଦେଇଥିବା ସୁଯୋଗକୁ ହାତଛଡା କରିବି ନାହିଁ ।" ଏହା କହିଛନ୍ତି, ରବିହ ।
ବ୍ୟୁରୋ ରିପୋର୍ଟ, ଇଟିଭି ଭାରତ
