ନୂଆଦିଲ୍ଲୀ: ଫୁଟବଲ ଟିମ ଇଣ୍ଡିଆ କ୍ୟାପଟେନ ସୁନୀଲ ଛେତ୍ରୀଙ୍କୁ କୋଚଙ୍କ ପ୍ରଶଂସା । 20 ବର୍ଷୀୟ ଯୁବ ଷ୍ଟ୍ରାଇକରରୁ 35 ବର୍ଷୀୟ ଭାରତୀୟ ଫୁଟବଲ ଟିମର କ୍ୟାପଟେନ ଯାତ୍ରା ସମସ୍ତଙ୍କ ପାଇଁ ପ୍ରେରଣାଦାୟୀ । ଭାରତୀୟ ଫୁଟବଲର ସଫଳତା ସଫଳତା ପଛରେ ଛେତ୍ରୀଙ୍କର ନିରନ୍ତର ଓ ନିଷ୍ଠାପର ଯୋଗଦାନ ରହିଛି ।
ମ୍ୟାଚର ପ୍ରତିକୂଳ ପରିସ୍ଥିତିରେ ବିହାର ମାନିବାକୁ ପ୍ରସ୍ତୁତ ନଥାନ୍ତି ଛେତ୍ରୀ । ବର୍ତ୍ତମାନର ଭାରତୀୟ ଫୁଟବଲ ଟିମର କୋଚ ଇଗର ଷ୍ଟିମାକ୍ ଛେତ୍ରୀଙ୍କ ଉଦ୍ଦେଶ୍ୟରେ ଏହା କହିଛନ୍ତି । ଟିମର ସିନିୟର ଖେଳାଳି ହୋଇଥିଲେ ମଧ୍ୟ AFC ଏସିଆନ କପରେ ଶତପ୍ରତିଶ୍ରତ ପ୍ରଦର୍ଶନ ପାଇଁ ଚେଷ୍ଟା କରିଥିଲେ ।
କେବଳ ଏହି ଗୋଟିଏ ଟୁର୍ଣ୍ଣାମେଣ୍ଟ ନୁହେଁ, ବରଂ ସମସ୍ତ ଟୁର୍ଣ୍ଣାମେଣ୍ଟରେ ଶ୍ରେଷ୍ଠ ପ୍ରଦର୍ଶନ ପାଇଁ ସମସ୍ତ ପ୍ରୟାସ କରିଥାନ୍ତି ଛେତ୍ରୀ ।
ଭାରତୀୟ ଫୁଟବଲ ଇତିହାସରେ ଛେତ୍ରୀଙ୍କୁ ନେଇ ଦେଶ ନିଶ୍ଚିନ୍ତ ଗର୍ବିତ ଅନୁଭବ କରିବ ବୋଲି କୋଚ ଷ୍ଟିମାକ କହିଛନ୍ତି । ସର୍ବଭାରତୀୟ ଫୁଟବଲ ଫେଡେରେସନ କୋଚ ଷ୍ଟିମାକଙ୍କ ଏହି ପ୍ରତିକ୍ରିୟାକୁ ସ୍ଥାନ ନିଜ ୱେବସାଇଟରେ ସ୍ଥାନ ଦେଇଛି ।
