କାର୍ତ୍ତିକଙ୍କ କମବ୍ୟାକ୍‌ କାହାଣୀ, IPLରୁ ଟିମ ଇଣ୍ଡିଆ ଭାୟା ଆରସିବି

କୋଲକାତା: କ୍ରିକେଟ ଭାଷ୍ୟକାର ସାଜିବା ପରେ ଅଧିକାଂଶ ଭାବିଥିଲେ ତାଙ୍କର କ୍ରିକେଟ କ୍ୟାରିଅର ଶେଷ ହୋଇଗଲା । କିନ୍ତୁ ସଭିଙ୍କୁ ଭୁଲ୍‌ ପ୍ରମାଣିତ କରି ସେ ପୁଣି ଟିମ୍‌ ଇଣ୍ଡିଆକୁ ପ୍ରତ୍ୟାବର୍ତ୍ତନ କରିଛନ୍ତି । IPL 2022ରେ ବ୍ୟାଟିଂରେ ଜଲ୍‌ୱା ଦେଖାଇ ସେ ପୁଣି ନିଜକୁ ପ୍ରମାଣିତ କରିଛନ୍ତି । ସେ ଆଉ କେହି ନୁହଁନ୍ତି, ଭେଟେରାନ ଭାରତୀୟ ୱିକେଟ କିପର ବ୍ୟାଟ୍‌ର ଦୀନେଶ କାର୍ତ୍ତିକ ।

• If you believe yourself, everything will fall into place! ✨
  Thank you for all the support and belief...the hard work continues... pic.twitter.com/YlnaH9YHW1

  — DK (@DineshKarthik) May 22, 2022 " class="align-text-top noRightClick twitterSection" data="

  If you believe yourself, everything will fall into place! ✨
  Thank you for all the support and belief...the hard work continues... pic.twitter.com/YlnaH9YHW1

  — DK (@DineshKarthik) May 22, 2022

  ">

  If you believe yourself, everything will fall into place! ✨
  Thank you for all the support and belief...the hard work continues... pic.twitter.com/YlnaH9YHW1

  — DK (@DineshKarthik) May 22, 2022

ଶେଷ ଥର ପାଇଁ ୨୦୧୯ରେ ଅଷ୍ଟ୍ରେଲିଆ ବିପକ୍ଷରେ ଟି-୨୦ ମ୍ୟାଚ୍‌ ଖେଳିଥିଲେ କାର୍ତ୍ତିକ । ସେହିବର୍ଷ ଜୁଲାଇ ମାସରେ ନ୍ୟୁଜିଲାଣ୍ଡ ବିପକ୍ଷରେ ଶେଷ ଥର ପାଇଁ ଏକ ଦିନିକିଆ ମଧ୍ୟ ଖେଳିଥିଲେ । ଏହାପରେ ଅନିଶ୍ଚିତ ଫର୍ମ ଯୋଗୁଁ ସେ ଦଳରୁ ବାଦ ପଡ଼ିଥିଲେ । ତେବେ ୨୦୨୨ ଆଇପିଏଲ ମେଗା ଅକ୍ସନରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ତାଙ୍କୁ ଦଳରେ ସାମିଲ କରିଥିଲା । ବାଙ୍ଗାଲୋର ଟିମରେ ତାଙ୍କୁ ଫିନିସର ଭୁମିକା ମିଳିଥିଲା । କୋଚ୍‌ ସଞ୍ଜୟ ବାଙ୍ଗର ଓ ମାଇକ ହେସନଙ୍କ ତତ୍ତ୍ବାବଧାନରେ ନିଜ ଦାୟିତ୍ବ ସୁଚାରୁ ରୂପେ ତୁଲାଇଥିଲେ କାର୍ତ୍ତିକ । ଯାହାର ଫଳ ସ୍ବରୂପ ତାଙ୍କୁ ଟିମ୍‌ ଇଣ୍ଡିଆରୁ ପୁଣି ଡାକରା ମିଳିଛି । RCB ପକ୍ଷରୁ ଖେଳି କାର୍ତ୍ତିକ ୧୪ଟି ଇନିଂସରେ ୧୯୧ ହାରରେ ୨୮୭ ରନ୍‌ କରିଛନ୍ତି । ଦଳରେ ସେ ଜଣେ ଫିନିସର ଭାବରେ ଦାୟିତ୍ବ ବେଶ୍‌ ଭଲଭାବେ ତୁଲାଇଛନ୍ତି । ଯାହା ଫଳରେ ସେ ଚୟନକର୍ତ୍ତାଙ୍କ ଦୃଷ୍ଟି ଆକର୍ଷଣ କରିଥିଲେ ।

ଏହାକୁ ନେଇ କାର୍ତ୍ତିକ ଟ୍ବିଟ୍‌ କରି ଲେଖିଛନ୍ତି ଯେ, "ଯଦି ତୁମେ ନିଜ ଉପରେ ବିଶ୍ବାସ ରଖିବ, ତେବେ ନିଶ୍ଚୟ ସଫଳତା ମିଳିବ । ସମସ୍ତ ସମର୍ଥନ ଓ ସହଯୋଗ ପାଇଁ ଧନ୍ୟବାଦ । କଠିନ ପରିଶ୍ରମ ଜାରି ରହିବ ।" ନିଜ କ୍ରିକେଟ କ୍ୟାରିଅରରେ ୪୨ଟି ଟେଷ୍ଟ ଇନିଂସ ୭୯ଟି ଦିନିକିଆ ଇନିଂସ ଓ ୧୪ଟି ଟି-୨୦ ଇନିଂସ ଖେଳିଛନ୍ତି । ଏହି ସବୁ ଇନିଂସରେ ଯଥାକ୍ରମରେ ସେ ୨୫, ୩୦.୨୧ ଓ ୩୩.୨୫ ହାରରେ ରନ୍‌ ସଂଗ୍ରହ କରିଛନ୍ତି । ସେଥିମଧ୍ୟରେ ଗୋଟିଏ ଟେଷ୍ଟ ଶତକ ସାମିଲ ଥିବାବେଳେ ୭ଟି ଟେଷ୍ଟ ଅର୍ଦ୍ଧଶତକ ଓ ୯ଟି ଦିନିକିଆ ଅର୍ଦ୍ଧଶତକ ସାମିଲ ରହିଛି । ତେବେ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ତାଙ୍କର ପ୍ରଦର୍ଶନ ଉପରେ ସମସ୍ତଙ୍କ ନଜର ରହିଛି ।