ମୁମ୍ବାଇ: ଦିପ୍ତି ଶର୍ମାଙ୍କ ଲଢୁଆ ଅର୍ଦ୍ଧଶତକ ସତ୍ତ୍ବେ ପରାଜୟର ସ୍ବାଦ ଚାଖିଲା ଟିମ ଇଣ୍ଡିଆ । ଆଜି (ମଙ୍ଗଳବାର) ଖେଳାଯାଇଥିବା ପଞ୍ଚମ ଟି୨୦ ମ୍ୟାଚରେ ଅଷ୍ଟ୍ରେଲିଆ ୫୪ ରନରେ ବିଜୟୀ ହୋଇଛି । ଅଷ୍ଟ୍ରେଳିଆ ପ୍ରଥମେ ଦମଦାର ବ୍ୟାଟିଂ କରିବା ପରେ ଚମତ୍କାର ବୋଲିଂ କରିଥିଲା । ଫଳରେ ଭାରତକୁ ୫୪ ରନରେ ପରାସ୍ତ କରିବାକୁ ସଫଳ ହୋଇଛି କଙ୍ଗାରୁ ଦଳ । ଏହି ବିଜୟ ସହିତ ପାଞ୍ଚ ମ୍ୟାଚ ବିଶିଷ୍ଟ ଏହି ଟି୨୦ ସିରିଜରେ ୪-୧ ରେ ସିରିଜ ଜିତି ନେଇଛି ଅଷ୍ଟ୍ରେଲିଆ । ଅଶଲିଗ ଗାର୍ଡନର ପ୍ଲେୟର ଅଫ ଦି ମ୍ୟାଚ ଓ ପ୍ଲେୟର ଅଫ ଦି ସିରିଜ ବିବେଚିତ ହୋଇଛନ୍ତି । ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୪ ୱିକେଟ ହରାଇ ୧୯୬ ରନ କରିଥିଲା ଅଷ୍ଟ୍ରେଲିଆ । ଏହାର ଜବାବରେ ଭାରତୀୟ ମହିଳା କ୍ରିକେଟ ଟିମ ନିର୍ଦ୍ଧାରିତ ୨୦ ଓଭରରେ ୧୪୨ ରନ କରି ଅଲ ଆଉଟ ହୋଇଛି ।
-
.@Deepti_Sharma06 top-scored with 5⃣3⃣ off just 34 deliveries in #TeamIndia's chase but it's Australia who won the final #INDvAUS T20I.
— BCCI Women (@BCCIWomen) December 20, 2022 " class="align-text-top noRightClick twitterSection" data="
Scorecard ▶️ https://t.co/lcM9rcoQxe pic.twitter.com/bzfLCwlpO1
">.@Deepti_Sharma06 top-scored with 5⃣3⃣ off just 34 deliveries in #TeamIndia's chase but it's Australia who won the final #INDvAUS T20I.
— BCCI Women (@BCCIWomen) December 20, 2022
Scorecard ▶️ https://t.co/lcM9rcoQxe pic.twitter.com/bzfLCwlpO1.@Deepti_Sharma06 top-scored with 5⃣3⃣ off just 34 deliveries in #TeamIndia's chase but it's Australia who won the final #INDvAUS T20I.
— BCCI Women (@BCCIWomen) December 20, 2022
Scorecard ▶️ https://t.co/lcM9rcoQxe pic.twitter.com/bzfLCwlpO1
ଟିମ ଇଣ୍ଡିଆଠାରୁ ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇ ମଇଦାନକୁ ଓହ୍ଲାଇଥିଲା ଅଷ୍ଟ୍ରେଲିଆ ମହିଳା କ୍ରିକେଟ ଟିମ । ଶଲିଘ ଗାର୍ଡନର ଓ ଗ୍ରେସ ହରିସ ଧୂଆଁଧାର ଅର୍ଦ୍ଧଶତକ ପାଳି ବଳରେ ଦଳ ୧୯୬ ରନ କରିବାରେ ସକ୍ଷମ ହୋଇପାରିଥିଲା । ଆରମ୍ଭରୁ ଫାଷ୍ଟ ଅର୍ଡରରେ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା କଙ୍ଗାରୁ ଦଳ । ପରେ ଦଳ ଜବରଦସ୍ତ କମ ବ୍ୟାକ୍ କରିଥିଲା । ଅଶଲିଘ ଗାର୍ଡନର ଓ ଗ୍ରେସ ହରିସ ଆରମ୍ଭ କରିଥିଲେ ଚମତ୍କାର ବ୍ୟାଟିଂ । ଅଶଲିଘ ଗାର୍ଡନର ୩୨ ବଲରୁ ୧୧ଟି ଚୌକା ଓ ଗୋଟିଏ ଛକା ବଳରେ ୬୬ ରନର ଇନିଂସ ଖେଳିଥିଲେ । ସେହିପରି ଗ୍ରେସ ହରିସ 3୫ ବଲରୁ ୬ ଟି ଚୌକା ଓ ଗୋଟିଏ ଛକା ସହିତ ୬୪ ରନର ଇନିଂସ ଖେଳିଥିଲେ । ବ୍ୟାଟିଂ ପରେ ବୋଲିଂରେ ମଧ୍ୟ କମାଲ କରିଥିଲେ ଅଷ୍ଟ୍ରେଲିଆ ମହିଳା କ୍ରିକେଟ ଟିମ । ହୀଥର ଗ୍ରାହମ ୨ ଓଭର ବୋଲିଂ କରି ୮ ରନ ବ୍ୟୟରେ ସର୍ବାଧିକ ୪ ଟି ୱିକେଟ ହାତେଇଥିଲେ । ସେହିପରି ଅଶଲିଗ ଗାର୍ଡନର ୨ ଟି , ଡାର୍ସି ବ୍ରାଉନ, ତାହିଲା ମ୍ୟାକଗ୍ରେଥ ଓ ସୁଥର ଲାଣ୍ଡ ଗୋଟିଏ ୱିକେଟ ନେଇଥିଲେ ।
୧୯୭ ରନର ଟାର୍ଗେଟ ନେଇ ମଇଦାନକୁ ଓହ୍ଲାଇଥିଲା ଟିମ ଇଣ୍ଡିଆ । ଦିପ୍ତି ଶର୍ମା ୩୪ ବଲରୁ ସର୍ବାଧିକ ୫୩ ରନର ଦମଦାର ଇନିଂସ ଖେଳିଥିଲେ । ହରଲୀନ ଦେଓଲ ୧୬ ବଲରୁ ୨୪ ରନ କରି ଆଉଟ ହୋଇଥିଲେ । ଅନ୍ୟ କୌଣସି ବ୍ୟାଟର ବଡ ସ୍କୋର ଖେଳିପାରିନଥିଲେ । ସ୍ମୃତି ମାନ୍ଧନା ୪, ଶେଫାଳି ବର୍ମା ୧୩, ହରମନପ୍ରୀତ କୌର ୧୨, ରିଚା ଘୋଷ ୧୦, ଦେବୀକା ଭୈଦ୍ୟା ୧୧ ରନ କରି ଆଉଟ ହୋଇଥିଲେ ।
