ମୁମ୍ବାଇ: ବି-ଟାଉନର କୁଇନ କଙ୍ଗନା ରଣାୱତ ତାମିଲନାଡୁର ଦିବଙ୍ଗତ ମୁଖ୍ୟମନ୍ତ୍ରୀ ଜୟଲଳିତାଙ୍କ ଭୂମିକାରେ ‘ଥଲାଇଭି’ରେ ଅଭିନୟ କରୁଛନ୍ତି । ନିକଟରେ ଫିଲ୍ମର ଜବରଦସ୍ତ ଟ୍ରେଲର ରିଲିଜ ହୋଇଥିଲା । ସେପଟେ ଶୁକ୍ରବାର ଫିଲ୍ମର ପ୍ରଥମ ଗୀତ ‘ଚଲି ଚଲି’ ରିଲିଜ ହୋଇଯାଇଛି । ଇତିମଧ୍ୟରେ ଫିଲ୍ମର ନିର୍ଦ୍ଦେଶକ ଏ. ଏଲ ବିଜୟ କଙ୍ଗନାଙ୍କ ପ୍ରଶଂସା କରୁଥିବାର ନଜର ଆସୁଛନ୍ତି । ସେ ଜଣାଇଛନ୍ତି ଯେ ସେ ରିହର୍ସଲରେ ବିତାଇଥିବା ପ୍ରଚୁର ସମୟ ହେତୁ ସୁଟ ଉପଯୁକ୍ତ ଥିଲା ।
- " class="align-text-top noRightClick twitterSection" data="">
ଏକ ସାକ୍ଷାତକାରରେ ସେ ଫିଲ୍ମ ବିଷୟରେ ଆଲୋଚନା କରି କହିଥିଲେ, ‘ପରଦାରେ ଜୟଲଳିତାଙ୍କ ଅନ୍ଦାଜ ଆକର୍ଷଣୀୟ ଥିଲା ଏବଂ ଥଲାଇଭିରେ ତାଙ୍କ ଅନ୍ଦାଜକୁ ଅବିକଳ କରି ଆମ ପାଇଁ ବଡ ଦାୟିତ୍ବ ଥିଲା । ଅବଶ୍ୟ, ଆମର ନିଜସ୍ବ ଚାରିଥର ଜାତୀୟ ପୁରସ୍କାର ବିଜେତା କଙ୍ଗନାଙ୍କ ପ୍ରକୃତରେ କଠିନ ପରିଶ୍ରମ କରିଛନ୍ତି ଫିଲ୍ମ ପାଇଁ । ରିଲିଜ ହୋଇଥିବା ଗୀତ ଚଲି ଚଲିକୁ ପ୍ରାୟ ଏକ ମାସ ପର୍ଯ୍ୟନ୍ତ ରିହର୍ସଲ୍ ମଧ୍ୟ କରିଥିଲେ ସେ । ଯାହା ହେତୁ ସେ ସୁଟିଂଟି ସୁରୁଖୁରୁରେ କରିବାରେ ସଫଳ ହୋଇପାରିଛନ୍ତି।’
ଖାଲି ଏତିକି ନୁହେଁ ଜୟଲଳିତାଙ୍କ ବିଷୟରେ ବିଜୟ କହିଛନ୍ତି, ‘ଜୟଲଳିତା ତାମିଲ ସିନେମାର ଶାସକ ସୁପରଷ୍ଟାର ଥିଲେ, ରୋମାନ୍ସର ସର୍ବପ୍ରଥମ ରାଜକୀୟ ରାଣୀମାନଙ୍କ ମଧ୍ୟରୁ ଜଣେ ଏବଂ କିମ୍ବଦନ୍ତୀ ଯିଏକି ଆଜି ପର୍ଯ୍ୟନ୍ତ ପ୍ରିୟ ଏବଂ ସମ୍ମାନିତ । ଜୟଲଳିତାଙ୍କ ବାୟୋପିକର ଚେହେରା ଏବଂ ଅନୁଭବକୁ ବୁଝିବା ପାଇଁ ଆମେ ବ୍ୟାପକ ଅନୁସନ୍ଧାନ କରିଥିଲୁ ଏବଂ ସେହି ଅନୁଯାୟୀ ପରଦାରେ ସମାନ ନକଲ କରିବାକୁ ଚେଷ୍ଟା କରିଥିଲୁ ।’
ପ୍ରକାଶ ଥାଉକି, ଚଳିତ ମାସ 23ରେ ରିଲିଜ ହେବାକୁ ଯାଉଛି ‘ଥଲାଇଭି’ । ହିନ୍ଦୀ ବ୍ୟତୀତ ଫିଲ୍ମ ତାମିଲ ଓ ତେଲୁଗୁରେ ରିଲିଜ କରିବେ ମେକର୍ସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
