ସାନ ଫ୍ରାନ୍ସିସ୍କୋ: ଆଗକୁ ଆସୁଛି ଟେକ୍ ଜଏଣ୍ଟ୍ ମାଇକ୍ରୋସଫ୍ଟର ଆଗାମୀ Surface Duo 3 ସ୍ମାର୍ଟଫୋନ୍ । ଏହି ଫୋନ୍ ସାମସଙ୍ଗର ଫୋଲଡେବଲ୍ ସ୍ମାର୍ଟଫୋନ୍ ଗାଲାକ୍ସି ଜେଡ୍ ଫୋଲ୍ଡ 4(Samsung foldable smartphone Galaxy Z Fold 4) ପରି ସମାନ ଡିଜାଇନ୍ ଫିଚର୍ସ ଆସିପାରେ ବୋଲି ଜଣାପଡିଛି । ଗିଜମୋ ଚାଇନା(GizmoChina) ଅନୁଯାୟୀ, "ଏକ ପେଟେଣ୍ଟ ନୂତନ ସର୍ଫେସ୍ ପ୍ରଡକ୍ଟ ଡିଜାଇନ୍ ପ୍ରକାଶ କରିଛି । ଏହା ହୁଏତ Surface Duo 3 ହୋଇପାରେ, କୌତୁହଳର ବିଷୟ ଏହା କି ଏହି ନୂଆ ପ୍ରଡକ୍ଟରେ, ସାମସଙ୍ଗ ଫୋଲଡେବଲ୍ ସ୍ମାର୍ଟଫୋନ ଡିଜାଇନ୍ ଭଳି ଫିଚର୍ସ ରହୁଛି ।"
ରିପୋର୍ଟରେ କୁହାଯାଇଛି ଯେ, ଟେକ୍ ଜଏଣ୍ଟ ଆସନ୍ତା ବର୍ଷ ଏହି ନୂତନ Surface Duo 3 ମଡେଲ୍ ଲଞ୍ଚ କରିବାକୁ ଯୋଜନା କରୁଛି । ବର୍ତ୍ତମାନ ସୁଦ୍ଧା, କମ୍ପାନୀ ପ୍ରକୃତରେ ମାଇକ୍ରୋସଫ୍ଟ ସର୍ଫେସ୍ ବ୍ରାଣ୍ଡେଡ୍ ଫୋନରେ କାମ କରୁଛି କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ପୂର୍ବ ଆଲୋଚନା ଅନୁସାରେ, ପେଟେଣ୍ଟର ନୂଆ ପ୍ରଡକ୍ଟ Surface Duo 3 ଆସିପାରେ ।
ନୂତନ ପେଟେଣ୍ଟ୍ ଆବେଦନ ନିକଟରେ ଦେଖିବାକୁ ମିଳିଥିଲା ଏବଂ ନୂତନ ଉପକରଣର ଡିଜାଇନ୍ ପ୍ରଦର୍ଶନ କରୁଥିବା ଡକ୍ୟୁମେଣ୍ଟେସନ୍ । କମ୍ପାନିର ବର୍ଣ୍ଣନା ଅନୁଯାୟୀ, ପେଟେଣ୍ଟ ହେଉଛି 'ଫୋଲ୍ଡେବଲ୍ ଡିସପ୍ଲେ ଡିଭାଇସ୍'(FOLDABLE DISPLAY DEVICE) ପାଇଁ ଯାହା ପେଟେଣ୍ଟ ଇମେଜରେ ସ୍ପଷ୍ଟ ଭାବରେ ଚିତ୍ରିତ ହୋଇଛି । ଏନେଇ 2021ରେ ଆବେଦନ କରାଯାଇଥିଲା ଏବଂ ଏହି ବର୍ଷ ଆରମ୍ଭରେ ପ୍ରକାଶିତ ହୋଇଥିଲା । "ତେବେ ପେଟେଣ୍ଟ ହେଉଛି ଏକ ଉଦ୍ଭାବନ, ଏକ ଉତ୍ପାଦ କିମ୍ବା ପ୍ରକ୍ରିୟା, ଯାହା ସାଧାରଣତ କିଛି ନୂଆ କରିବାର ଉପାୟ ପ୍ରଦାନ କରିଥାଏ ।"
