ନୂଆଦିଲ୍ଲୀ: ଇନଷ୍ଟାଗ୍ରାମ ବ୍ୟବହାରକାରୀଙ୍କ ପାଇଁ ଖୁସି ଖବର । ଏଣିକି 60 ସେକେଣ୍ଡ ପର୍ଯ୍ୟନ୍ତ ଷ୍ଟୋରୀ ପୋଷ୍ଟ କରିପାରିବେ । ମେଟା ମାଲିକାନା ଇନଷ୍ଟାଗ୍ରାମ ବିଶ୍ବସ୍ତରରେ ଏକ ନୂତନ ଫିଚର୍ସ ଆଣିବାକୁ ଯାଉଛି(Instagram New Feature) ଯାହା ଉପଭୋକ୍ତାମାନଙ୍କୁ ନିରବଚ୍ଛିନ୍ନ ଭାବେ ଏକ ମିନିଟ୍ ପର୍ଯ୍ୟନ୍ତ ଷ୍ଟୋରୀ ପୋଷ୍ଟ ପାଇଁ ଅନୁମତି ଦେବ(Uninterrupted Instagram Stories Feature) । ସମ୍ପ୍ରତି, ଯଦି ଜଣେ ଇନଷ୍ଟାଗ୍ରାମ ବ୍ୟବହାରକାରୀ 60 ସେକେଣ୍ଡର ଷ୍ଟୋରୀ ଅପଲୋଡ କରୁଛନ୍ତି, ତେବେ ଏହାକୁ 15 ସେକେଣ୍ଡ କ୍ଲିପ୍ସରେ ବିଭକ୍ତ କରାଯାଉଛି । ନୂଆ ଫିଚର୍ସ ପରେ ଆଉ ଏପରି କରିବାକୁ ପଡିବ ନାହିଁ ବୋଲି କମ୍ପାନୀ ପକ୍ଷରୁ କୁହାଯାଇଛି ।
ମେଟା ମୁଖପାତ୍ର ଟେକ୍ କ୍ରଞ୍ଚ(TechCrunch)କୁ କହିଛନ୍ତି ଯେ, ବର୍ତ୍ତମାନ, ଆପଣ ଇନଷ୍ଟାଗ୍ରାମ ଷ୍ଟୋରୀଜରେ 60 ସେକେଣ୍ଡର ଭିଡିଓ ପୋଷ୍ଟ କରିପାରିବେ । ସେ ଆହୁରି ମଧ୍ୟ କହିଛନ୍ତି, ଆମେ ସବୁବେଳେ ବ୍ୟବହାରକାରୀଙ୍କୁ ଷ୍ଟୋରୀଜ ଅଭିଜ୍ଞତାକୁ ଉନ୍ନତ କରିବାର ଉପାୟ ଉପରେ କାର୍ଯ୍ୟ କରୁଛୁ ।
ଜୁନ୍ ମାସରେ, ଇନଷ୍ଟାଗ୍ରାମ ପୂର୍ବ 60 ସେକେଣ୍ଡ ପରିବର୍ତ୍ତେ 90 ସେକେଣ୍ଡ ପର୍ଯ୍ୟନ୍ତ ରିଲ ପୋଷ୍ଟ ପାଇଁ ଫିଚର୍ସ ଆଣିଥିଲା । ମେଟା ମାଲିକାନା ଫଟୋ-ସେୟାରିଂ ପ୍ଲାଟଫର୍ମ ଇନଷ୍ଟାଗ୍ରାମ ମଧ୍ୟ ଏକ ନୂତନ ଷ୍ଟୋରୀଜ ଲେଆଉଟ୍ ପରୀକ୍ଷା କରୁଛି, ଯାହା ସମସ୍ତ ପୋଷ୍ଟ ସିନ୍ କରିବାକୁ ଏକ ବିକଳ୍ପ ଦେବ । ଉପଭୋକ୍ତାମାନେ ବର୍ତ୍ତମାନ ଏକ ସମୟରେ 100 ଟି ଷ୍ଟୋରୀ ପୋଷ୍ଟ କରିପାରୁଛନ୍ତି ।
ଅପଡେଟ୍ ଫିଚର୍ସରେ ମଧ୍ୟ ସମାନ ସୁବିଧା ରହିବ, କିନ୍ତୁ ଷ୍ଟୋରୀ ସିନ୍ କରୁଥିବା ବ୍ୟକ୍ତିଙ୍କ ପାଇଁ ଏକ ଅପ୍ସନ ରହିବ । ଯଦି ସେ ସମସ୍ତ ଷ୍ଟୋରୀ ଦେଖିବାକୁ ଚାହାନ୍ତି ତେବେ ତାଙ୍କୁ ଶୋ' ଅଲ୍(Show All) ଅପ୍ସନରେ କ୍ଲିକ୍ କରିବାକୁ ପଡିବ ।
