ନୂଆଦିଲ୍ଲୀ: କୋଭିସିଲ୍ଡ ଟିକାକୁ ସ୍ବୀକୃତି ଦେଲା ଇଂଲଣ୍ଡ । ଭାରତ ଠାରୁ କଡା ଚେତାବନୀ ପାଇବା ପରେ କୋଭିସିଲ୍ଡକୁ ବ୍ରିଟେନରେ ଅନୁମତି ଦେଇଛି ଇଂଲଣ୍ଡ । ତେବେ କୋୱିନ ସାର୍ଟିଫିକେଟକୁ ସ୍ବୀକୃତି ଦେଇ ନ ଥିବାବେଳେ ଆଜି(ଗୁରୁବାର) ଏନେଇ ସ୍ପଷ୍ଟ କରିବ।
ବ୍ରିଟେନ ସରକାରଙ୍କ ପକ୍ଷରୁ ଜାରି ହୋଇଥିବା ନୂଆ ନିର୍ଦ୍ଦେଶାବଳି ଅନୁଯାୟୀ ବ୍ରିଟେନରେ କୋଭିସିଲ୍ଡ ଟିକାକୁ ନେଇ କୌଣସି ସମସ୍ୟା ନାହିଁ । କିନ୍ତୁ ଭାରତ ଦ୍ବାରା ଦିଆଯାଉଥିବା ଟିକା ସାର୍ଟିଫିକେଟକୁ ନେଇ ସମସ୍ୟା ରହିଛି । ଏନେଇ ବିବାଦ ଲାଗି ରହିବାରୁ ବ୍ରିଟେନ ଆଜି ଚୂଡାନ୍ତ ନିଷ୍ପତ୍ତି ନେବ ବୋଲି ଜଣାପଡିଛି ।
ଏହା ମଧ୍ୟ ପଢନ୍ତୁ:-ଭାରତୀୟଙ୍କ ପାଇଁ ଇଂଲଣ୍ଡରେ କ୍ବାରେଣ୍ଟାଇନ ବାଧ୍ୟତାମୂଳକ
ତେବେ ବ୍ରିଟେନ ଭାରତର କୋଭିସିଲ୍ଡ ନୁହଁ ଟୀକାକରଣ ପ୍ରମାଣୀକରଣ ପ୍ରକ୍ରିୟାକୁ ନେଇ ସନ୍ଦେହ ପ୍ରକଟ କରିଛି । ତେଣୁ ଟିକା ନେଇଥିବା ବ୍ୟକ୍ତି ମଧ୍ୟ କ୍ବାରେଣ୍ଟାଇନରେ ରହିବେ ବୋଲି ବ୍ରିଟେନ ସରକାର ଘୋଷଣା କହିଛନ୍ତି । ଭାରତ ସରକାର କିନ୍ତୁ ବ୍ରିଟେନର ଏହି ନିଷ୍ପତ୍ତିକୁ ଭେଦଭାବପୂର୍ଣ୍ଣ ଦର୍ଶାଇବା ସହ ଭାରତ ମଧ୍ୟ ଏହାର କଡା ଅନୁରୂପ ପଦକ୍ଷେପ ଗ୍ରହଣ କରିବ ବୋଲି ଚେତାବନୀ ଦେଇଥିଲା
ଏହାପରେ କୋଭିସିଲ୍ଡକୁ ସ୍ବୀକୃତି ଦେଇଛନ୍ତି ବ୍ରିଟେନ ସରକାର । ତେବେ କୋୱିନ୍ ସାର୍ଟିଫିକେଟକୁ ନେଇ ରଖିଥିବା ସନ୍ଦେହର ଆଜି ଅବସାନ ଘଟିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
