କଟକ: ପ୍ରଦୀପ ମାଝୀ କଂଗ୍ରେସ ଛାଡିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ମହମ୍ମଦ ମୋକିମ । ଦଳ ଅପେକ୍ଷା ତାଙ୍କର ନିଜର ବେଶୀ କ୍ଷତି ଘଟିବ । କଂଗ୍ରେସ ତାଙ୍କୁ ପରିଚୟ ଦେଇଥିଲା ବୋଲି ମୋକିମ କହିଛନ୍ତି ।
ପ୍ରଦୀପ ମାଝୀ କଂଗ୍ରେସ ଛାଡିବା ପ୍ରସଙ୍ଗ,ଦଳ ଅପେକ୍ଷା ତାଙ୍କ ନିଜର ବେଶୀ କ୍ଷତି ଘଟିବ
କଂଗ୍ରେସ ପାଇଁ ଏହା ଅଳ୍ପ ସମୟ ପାଇଁ ପ୍ରଭାବ ପକାଇବ। ସେ ଯେଉଁ ସ୍ଥାନରେ ପ୍ରତିନିଧିତ୍ବ କରୁଥିଲେ , ଉକ୍ତ ସ୍ଥାନ କଂଗ୍ରେସର ଗଡ଼। ବିଗତ ଦିନ ମାନଙ୍କରେ ଯେଉଁମାନେ ଦଳ ଛାଡି ଯାଇଛନ୍ତି ସେମାନେ କେହି ବି ସଫଳତା ପାଇନାହାଁନ୍ତି। ପ୍ରଦୀପ ଜଣେ ଆଦିବାସୀ ନେତା ଥିଲେ । ରାଜନୀତି ପାଇଁ ତାଙ୍କର ବୟସ ଥିଲା । ସେ ଧର୍ଯ୍ୟହରା ହୋଇପଡିଲେ । ଦଳ ଅପେକ୍ଷା ତାଙ୍କର ନିଜସ୍ବ ବେଶୀ କ୍ଷତି ହେବ ବୋଲି କଂଗ୍ରେସ ବିଧାୟକ ମୋକିମ କହିଛନ୍ତି ।
ସୂଚନାଥାଉକି ଗତକାଲି (ଶୁକ୍ରବାର) ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ କଂଗ୍ରେସରୁ ଇସ୍ତଫା ଦେଇଛନ୍ତି । ତେବେ ଆଗକୁ ସେ କେଉଁ ଦଳରେ ସାମିଲ ହେବେ ସେ ନେଇ କୌଣସି ସୂଚନା ଦେଇନାହାଁନ୍ତି ।
କଟକରୁ ନାରାୟଣ ସାହୁ,ଇଟିଭି ଭାରତ
