ଭୁବନେଶ୍ବର: ୟୁକ୍ରେନର ସ୍ଥିତି ଏବେ ଗମ୍ଭୀର । ଭାରତୀୟଙ୍କୁ ମଧ୍ୟ ଭାରତକୁ ଆଣିବାରେ ସରକାର ସହଯୋଗ କରୁଛନ୍ତି । କିନ୍ତୁ, ଅନେକ ଏବେ ମଧ୍ୟ ଫସିଛନ୍ତି ସେହି ବଙ୍କର ମଧ୍ୟରେ । ଗତକାଲି(ଶନିବାର) ରାତି 12ଟାରୁ ବର୍ଡରକୁ ଆସିଲେଣି କିଛି ଭାରତୀୟ କିନ୍ତୁ, ହେଲେ ସେମାନଙ୍କୁ କିଛି ବି ସହଯୋଗ ମିଳୁନଥିବା ୟୁକ୍ରେନରେ ରହୁଥିବା ଛାତ୍ରଛାତ୍ରୀ କହିଛନ୍ତି । ସେମାନେ ଏକ ଭିଡିଓ ଜାରି କରିଛନ୍ତି ଯେଉଁଥିରେ -10 ଡିଗ୍ରୀ ତାପମାତ୍ରାରେ ରହୁଥିବା କହିଛନ୍ତି ।
ସେମାନଙ୍କ ପାଖେ ଖାଇବା, ପିଇବା କିଛି ବି ନାହିଁ ଏବଂ ଭାରତୀୟ ଦୂତାବାସର କୌଣସି ସହଯୋଗ ମଧ୍ୟ ପହଞ୍ଚିନଥିବା କହିଛନ୍ତି । ସେମାନଙ୍କ ମଧ୍ୟରେ ଅଛନ୍ତି ଅନୁଗୋଳର ଦେବାଶିଷ ପାତ୍ରଙ୍କ ଝିଅ ଶାୟନ୍ତନୀ ପାତ୍ର । ଅନେକ ଛାତ୍ରଛାତ୍ରୀ 2ରୁ 3 ଦିନ ହେଲା ନଖାଇ ନପିଇ ରହିଛନ୍ତି, ବସିବା ପାଇଁ ସ୍ଥାନ ନାହିଁ । ଏଭଳି ସ୍ଥିତିରେ ଭାରତକୁ ପ୍ରତ୍ୟାବର୍ତ୍ତନ କରାଇବା ପାଇଁ ଅନୁରୋଧ କରିଛନ୍ତି ଛାତ୍ରୀ ଜଣକ ।
ଏପଟେ ଅନେକ ପିଲାଙ୍କର ମଧ୍ୟ ଦେହ ଅସୁସ୍ଥ ହେବାରେ ଲାଗିଛି । ଯାହାର ଚିକିତ୍ସା ପାଇଁ ମଧ୍ୟ କୌଣସି କିଛି ନାହିଁ ବୋଲି ଅଭିଯୋଗ ହୋଇଛି । ଅନେକ ଓଡ଼ିଆ ଛାତ୍ରଛାତ୍ରୀ ମାନେ ସୁବିଧା କୌଣସି ପାଇପାରୁନଥିବାରୁ ଅନେକ ସମୟରେ ଭାରତୀୟ ଦୂତାବାସ ଓ ଅନ୍ୟ ପ୍ରଶାସନିକ ଅଧିକାରୀଙ୍କୁ ଯୋଗାଯୋଗ ମଧ୍ୟ କରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
