ନୂଆଦିଲ୍ଲୀ: ଆକ୍ସିସ୍ ବ୍ୟାଙ୍କ୍ ସହ ସହଭାଗିତା କଲା ସାମସଙ୍ଗ(Samsung partners with Axis Bank) । ଗ୍ରାହକଙ୍କୁ ଅତିରିକ୍ତ ଫାଇନାନ୍ସ ବିକଳ୍ପ ଯୋଗାଇବା ଉଦ୍ଦେଶ୍ୟରେ ସାମସଙ୍ଗ ଆକ୍ସିସ୍ ବ୍ୟାଙ୍କ ସହିତ ସହଭାଗୀ ହୋଇଛି । କାରଣ କମ୍ପାନୀ ଚଳିତ ବର୍ଷ ଏହାର ଅଲ୍ଟ୍ରା-ପ୍ରିମିୟମ୍ ଫୋଲ୍ଡେବଲ୍ ସ୍ମାର୍ଟଫୋନରେ ଦୁଇଗୁଣ ବିକ୍ରି ଅଭିବୃଦ୍ଧି ଉପରେ ଦୃଷ୍ଟି ରଖି ଏହି ସହଭାଗୀତା କରିଥିବା ସୋମବାର ଜଣେ ବରିଷ୍ଠ ଅଧିକାରୀ କହିଛନ୍ତି ।
ସାମସଙ୍ଗ ଇଣ୍ଡିଆର ବରିଷ୍ଠ ଉପସଭାପତି ରାଜୁ ପୁଲାନ୍ କହିଛନ୍ତି ଯେ, "କ୍ରୟକୁ ସୁଲଭ କରିବା ଉପରେ କମ୍ପାନୀ ଧ୍ୟାନ ଦେଇଛି ଏବଂ ଏହାର ଉତ୍ପାଦ କିଣିବା ପାଇଁ ସାମସଙ୍ଗ ଫାଇନାନ୍ସ ପ୍ଲସ୍ ମାଧ୍ୟମରେ କାରବାରରେ ପ୍ରାୟ ତିନି ଗୁଣ ବୃଦ୍ଧି ଘଟିଛି ।" ଆମେ ବିଶ୍ବାସ କରୁ ଯେ, ଭାରତରେ ଗ୍ରାହକଙ୍କ ଆଶା ବୃଦ୍ଧି ପାଇବାରେ ଲାଗିଛି । ଏହା ଆମର ସର୍ବଶେଷ ଗାଲାକ୍ସି ସିରିଜ୍ Z ଫୋଲ୍ଡ 4 ଏବଂ ଫ୍ଲିପ୍ 4(Galaxy series Z Fold 4 and Flip 4) ରେ ଜଣାପଡିଥିଲା । ନୂତନ ଲଞ୍ଚରେ ଗତ ବର୍ଷ ତୁଳନାରେ ଏହି ବର୍ଷ ପ୍ରାୟ ଦୁଇ ଗୁଣା ଅଭିବୃଦ୍ଧି ଦେଖିବାକୁ ମିଳିଛି ।"
ପ୍ରକୃତରେ ବିଭିନ୍ନ ନୂତନ ପ୍ଲାଟଫର୍ମ ସୃଷ୍ଟି କରିବା ଦ୍ବାରା ଗ୍ରାହକମାନେ ସଠିକ୍ ମୂଲ୍ୟରେ ସାମସଙ୍ଗ ଉତ୍ପାଦ ହାସଲ କରିପାରିବେ ଏବଂ ନୂତନ ଜ୍ଞାନକୌଶଳ ମାଧ୍ୟମରେ ନିଜକୁ ଉନ୍ନତ କରିପାରିବେ ବୋଲି ପୁଲାନ୍ କହିଛନ୍ତି । ସେ କହିଛନ୍ତି ଯେ, "କମ୍ପାନୀର ସାମସଙ୍ଗ ପେ'(Samsung Pay)ର 30 ନିୟୁତ ପଞ୍ଜୀକୃତ ଉପଭୋକ୍ତା ଅଛନ୍ତି, ଯାହା 2017 ରେ ଲଞ୍ଚ କରାଯାଇଥିଲା । ସାମସଙ୍ଗ ଫାଇନାନ୍ସ ପ୍ଲସ୍ ଗ୍ରାହକଙ୍କୁ ପ୍ରଥମ ଥର ପାଇଁ କ୍ରେଡିଟ୍ କାର୍ଡଧାରୀଙ୍କୁ ଆର୍ଥିକ ବିକଳ୍ପ ପ୍ରଦାନ କରିଥାଏ । ଗତ ବର୍ଷ ଆମେ ସାମସଙ୍ଗ ଫାଇନାନ୍ସ ପ୍ଲସରେ ମାସକୁ ପ୍ରାୟ 250 କୋଟି ଟଙ୍କା ବ୍ୟବସାୟ କରିଥିଲୁ । ଏଥିରେ ପ୍ରାୟ 50% ଉପଭୋକ୍ତା କ୍ରେଡିଟ୍ କଞ୍ଜ୍ୟୁମର୍ସ ନୂଆଥିଲେ ।"
ପୁଲାନ୍ କହିଛନ୍ତି ଯେ, "କୋ-ବ୍ରାଣ୍ଡେଡ୍(co-branded) କ୍ରେଡିଟ୍, ଯାହା ପାଇଁ ପଞ୍ଜୀକରଣ ଆରମ୍ଭ ହୋଇଛି, ସମସ୍ତ ସାମସଙ୍ଗ ଉତ୍ପାଦଗୁଡିକରେ ବର୍ଷସାରା ଗ୍ରାହକଙ୍କୁ 10,000 ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ପ୍ରଦାନ କରିବ । କମ୍ପାନୀ ଦ୍ବାରା ସେୟାର ହୋଇଥିବା ବିବରଣୀ ଅନୁଯାୟୀ, ଗ୍ରାହକମାନଙ୍କ ମଧ୍ୟରେ ଭିସା ସିଗ୍ନେଚର ଏବଂ ଭିସା ଇନଫାନାଇଟ(Visa Signature and Visa Infinite) ଚୟନ କରିବାର ବିକଳ୍ପ ରହିବ ।"
ମାସିକ କ୍ୟାସବ୍ୟାକ୍ ସୀମା 2500 ଟଙ୍କା ଆଧାରରେ କ୍ରେଡିଟ କାର୍ଡଧାରୀମାନେ ବାର୍ଷିକ 10,000 ଟଙ୍କା କ୍ୟାସବ୍ୟାକ୍ ପାଇବେ । Infinite ପାଇଁ, କାର୍ଡଧାରୀମାନେ ବାର୍ଷିକ 20,000 ଟଙ୍କା କ୍ୟାସବ୍ୟାକ୍ ପାଇବେ, ମାସିକ କ୍ୟାସବ୍ୟାକ୍ ସୀମା 5000 ଟଙ୍କା । ସାମସଙ୍ଗ ଇଣ୍ଡିଆ ଏବଂ ଭିସା ସହଭାଗିତାରେ ଏହି କୋ-ବ୍ରାଣ୍ଡେଡ୍ କ୍ରେଡିଟ୍ କାର୍ଡ ମାଧ୍ୟମରେ ଆମେ ଭାରତରେ ପୁନଃ ପ୍ରବେଶ କରିବା ପାଇଁ ଆମର ପ୍ରତିବଦ୍ଧତାକୁ ଦୋହରାଉଛୁ ବୋଲି ଆକ୍ସିସ୍ ବ୍ୟାଙ୍କ ଏମଡି ଏବଂ ସିଇଓ ଅମିତାଭ ଚୌଧୁରୀ(Axis Bank MD and CEO Amitabh Chaudhry) କହିଛନ୍ତି ।
