ଗାନ୍ଧୀନଗର: ଶୀତଦିନ ଆରମ୍ଭରେ ପଶ୍ଚିମ-ଉପକୂଳ ରାଜ୍ୟ ଗୁଜରାଟରେ ହଠାତ ମୌସୁମୀ ସକ୍ରିୟ ହେବା ପରି ସ୍ଥିତି ଦେଖାଯାଇଛି । ଆଜି ଗୁଜୁରାଟର ପ୍ରାୟ ସମସ୍ତ ଜିଲ୍ଲାରେ ବର୍ଷା ହୋଇଛି । ଆସନ୍ତାକାଲି (ନଭେମ୍ବର 27) ରେ ମଧ୍ୟ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବାର ପୂର୍ବାନୁମାନ କରିଛି ରାଜ୍ୟ ପାଣିପାଗ ବିଭାଗ । ସେଥିପାଇଁ ରାଜ୍ୟରେ ଆସନ୍ତାକାଲି ପୂର୍ବାହ୍ନ ପର୍ଯ୍ୟନ୍ତ ଏଲୋ ଓ୍ବାର୍ଣ୍ଣିଂ ଜାରି କରାଯାଇଛି । ଆଜି ଗୋଟିଏ ଦିନ ଅଦିନିଆ ବର୍ଷା ପ୍ରଭାବରେ ବଜ୍ରପାତ ହୋଇଛି । ଏଥିରେ ରାଜ୍ୟର ବିଭିନ୍ନ ସ୍ଥାନରେ 14 ଜଣଙ୍କ ଜୀବନ ଯାଇଛି।
-
Recent satellite imagery shows ongoing activity of light to moderate rainfall accompanied with thunderstorms, gusty winds, hailstorm activity over #Gujarat, #Maharsthra, #Rajasthan, and #MadhyaPradesh. pic.twitter.com/iK0KSO4IHS
— India Meteorological Department (@Indiametdept) November 26, 2023 " class="align-text-top noRightClick twitterSection" data="
">Recent satellite imagery shows ongoing activity of light to moderate rainfall accompanied with thunderstorms, gusty winds, hailstorm activity over #Gujarat, #Maharsthra, #Rajasthan, and #MadhyaPradesh. pic.twitter.com/iK0KSO4IHS
— India Meteorological Department (@Indiametdept) November 26, 2023Recent satellite imagery shows ongoing activity of light to moderate rainfall accompanied with thunderstorms, gusty winds, hailstorm activity over #Gujarat, #Maharsthra, #Rajasthan, and #MadhyaPradesh. pic.twitter.com/iK0KSO4IHS
— India Meteorological Department (@Indiametdept) November 26, 2023
ରାଜ୍ୟ ଏମରଜେନ୍ସି ଅପରେସନ ସେଣ୍ଟର (SIOC) ପକ୍ଷରୁ ଇଟିଭି ଭାରତକୁ ମିଳିଥିବା ସୂଚନା ଅନୁସାରେ, ଗତ 24 ଘଣ୍ଟା ମଧ୍ୟରେ ରାଜ୍ୟରେ ବର୍ଷା ଓ ବଜ୍ରପାତ କାରଣରୁ ବିଭିନ୍ନ ସ୍ଥାନରେ 14 ଜଣଙ୍କର ମୃତ୍ୟୁ ଘଟିଛି । ଦାହୋଡ ଜିଲ୍ଲାରେ ସର୍ବାଧିକ ମୃତ୍ୟୁ ଘଟିଥିବା ବେଳେ ଆମରେଲି, ସୁରେନ୍ଦ୍ରନଗର, ମେହସାନା, ବୋତାଡ, ପଞ୍ଚମହଲ, ଖେଡା, ସାବରକାନ୍ତ, ଅହମ୍ମଦାବାଦ ଓ ସୁରଟରେ ଜଣେ ଲେଖାଏଁ ମୃତ୍ୟୁ ମାମଲା ସାମ୍ନାକୁ ଆସିଛି । ସେହିପରି ଭରୁଚ ଜିଲ୍ଲାରେ 2 ଜଣଙ୍କର ମୃତ୍ୟୁ ହୋଇଛି । ପ୍ରାଥମିକ ସୂଚନା ଅନୁସାରେ, ଏହି ସମସ୍ତ ମୃତ୍ୟୁ ଘଟଣା ବଜ୍ରପାତ ଯୋଗୁଁ ଘଟିଛି । ବର୍ଷା କାରଣରୁ ରାଜ୍ୟରେ ପ୍ରାୟ 39 ପ୍ରାଣୀଙ୍କର ମୃତ୍ୟୁ ଘଟିଛି ।
ଆସନ୍ତାକାଲି ପର୍ଯ୍ୟନ୍ତ ୟେଲୋ ଆଲର୍ଟ ଜାରି :-
ରାଜ୍ୟ ପାଣିପାଗ ବିଭାଗର ପୂର୍ବାନୁମାନ ଅନୁସାରେ, ଆଜି (26 ନଭେମ୍ବର) ସକାଳ 8.30 ରୁ ଆସନ୍ତାକାଲି (27 ତାରିଖ) ସକାଳ ସାଢେ 8 ଯାଏ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଛି । କେତେକ ଜିଲ୍ଲାରେ ଆସନ୍ତାକାଲି ସାଧାରଣ ମାତ୍ରାରେ ବର୍ଷା ଓ ପ୍ରବଳ ପବନ ହେବାର ଆଶଙ୍କା ରହିଛି । 28 ତାରିଖ ପର୍ଯ୍ୟନ୍ତ ଦକ୍ଷିଣ ଗୁଜରାଟ ଓ ସୌରାଷ୍ଟ୍ରର ଭବନଗର-ଆମରେଲି ଜିଲ୍ଲାରେ ମଧ୍ୟ ପ୍ରବଳ ବର୍ଷା ସ୍ଥିତି ଲାଗି ରହିବାର ପୂର୍ବାନୁମାନ କରାଯାଇଛି । ଏହି ସବୁ ଜିଲ୍ଲା ପ୍ରଶାସନକୁ ପ୍ରସ୍ତୁତ ରହିବା ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ସାଧାରଣ ଲୋକେ ମଧ୍ୟ ବଜ୍ରାପାତରୁ ବର୍ତ୍ତିବା ପାଇଁ ଘରେ ତଥା ସୁରକ୍ଷିତ ସ୍ଥାନରେ ରହିବା ପାଇଁ ସ୍ଥାନୀୟ ସରକାର ଓ ପାଣିପାଗ ବିଭାଗ ପରାମର୍ଶ ଦେଇଛି ।
ଏହା ମଧ୍ୟ ପଢନ୍ତୁ :- ହାଇକୋର୍ଟଙ୍କ ଆଦେଶକୁ ଅବମାନନା, ଦେବଗଡ଼ ଅତିରିକ୍ତ ଜିଲ୍ଲାପାଳଙ୍କୁ କାରଣ ଦର୍ଶାଅ ନୋଟିସ
ଆଜି ହୋଇଥିବା ବର୍ଷା ରେକର୍ଡ ଅନୁସାରେ, ରାଜ୍ୟର 43 ତାଲୁକା (ସବଡିଭିଜନ)ରେ ଏକ ଇଞ୍ଚରୁ ଅଧିକ ବର୍ଷା ରେକର୍ଡ ହୋଇଛି । ସକାଳ 6 ଟାରୁ ସଂଧ୍ୟା 6 ଟା ମଧ୍ୟରେ ଏହି ସବୁ ଜିଲ୍ଲାଗୁଡିକରେ ପ୍ରାୟ 25 ମିଲିମିଟରରୁ ଅଧିକ ବର୍ଷା ହୋଇଛି । 186 ଟି ତାଲୁକାରେ 1 ମିଲିମିଟରରୁ 24 ମିଲିମିଟର ପର୍ଯ୍ୟନ୍ତ ବର୍ଷା ରେକର୍ଡ କରାଯାଇଛି । ଏଥିରେ ବିଶେଷ ଭାବେ ଫସଲ ନଷ୍ଟ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
