ଥିରୁଅନନ୍ତପୁରମ: ୪ଦିନିଆ କେରଳ ଗସ୍ତରେ ଅଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ (four-day Kerala visit of President Kovind) । ଏହି ଗସ୍ତରେ ସେଠାରେ ସେ ଅନେକ କାର୍ଯ୍ୟକ୍ରମରେ ଯୋଗ ଦେବାର ସୂଚନା ମିଳିଛି । ଆଜି ସାଉଥ ନାଭାଲ କମାଣ୍ଡ ପରିଦର୍ଶନ କରିବେ ରାଷ୍ଟ୍ରପତି ରାମନାଥ କୋବିନ୍ଦ। ଏ ନେଇ ରାଷ୍ଟ୍ରପତି ଭବନରୁ ସୂଚନା ମିଳିଛି ।
କୋଚିର ସାଉଥ୍ ନାଭାଲ୍ କମାଣ୍ଡ ଦ୍ବାରା କାର୍ଯ୍ୟକ୍ଷମ ପ୍ରଦର୍ଶନକୁ ପରିଦର୍ଶନ କରିବେ ରାଷ୍ଟ୍ରପତି । ଗତକାଲି (ମଙ୍ଗଳବାର) କେରଳ ରାଜ୍ୟପାଳ ଅରିଫ ମହମ୍ମଦ ଖାନ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସ୍ବାଗତ କରିଥିଲେ । କେରଳ ଗସ୍ତର ପ୍ରଥମ ଦିନରେ ସେ କେରଳର କେନ୍ଦ୍ରୀୟ ବିଶ୍ୱବିଦ୍ୟାଳୟର ପଞ୍ଚମ ସମାରୋହକୁ ମଧ୍ୟ ସମ୍ବୋଧିତ କରିଛନ୍ତି । ଗସ୍ତର ପ୍ରଥମ ଦିନରେ ସେ କେରଳ କେନ୍ଦ୍ରୀୟ ବିଶ୍ବବିଦ୍ୟାଳୟର ପଞ୍ଚମ ସମାରୋହକୁ ସମ୍ବୋଧିତ କରିଥିଲେ । ଶିକ୍ଷା ଛାତ୍ରଙ୍କ ଜୀବନର ଗୁଣବତ୍ତା ତଥା ସମାଜର ଉନ୍ନତି ଆଣିଥାଏ । ଶ୍ରୀ ନାରାୟଣ ଗୁରୁ ଆମକୁ ଏହା ଶିଖାଇଛନ୍ତି ବୋଲି କହିଥିଲେ ରାଷ୍ଟ୍ରପତି ।
ସେ ଆହୁରି କହିଛନ୍ତି, ଶିକ୍ଷା ମାଧ୍ୟମରେ ଜ୍ଞାନ ପ୍ରାପ୍ତ ହୁଅ । ବିଶେଷକରି ଆମର ସ୍ବାଧୀନତା ସଂଗ୍ରାମର ସଂଗ୍ରାମୀଙ୍କ ସରଳ ସତ୍ୟକୁ ଆଲୋକିତ କରିଥାଏ । ବିଦ୍ୟାଳୟ ଏବଂ କଲେଜଗୁଡ଼ିକ ବ୍ୟକ୍ତିଗତ ଏବଂ ସାମାଜିକ ପରିବର୍ତ୍ତନର ଗୁରୁତ୍ବପୂର୍ଣ୍ଣ ସ୍ଥାନ । ଏଗୁଡ଼ିକ ହେଉଛି କର୍ମଶାଳା ଯେଉଁଠାରେ ଦେଶର ଗଢା ହୋଇଥାଏ ।
ସାମାଜିକ ସଶକ୍ତିକରଣର ସମ୍ଭାବନା ଆଣିଛି ଏହି ସୁନ୍ଦର କେରଳ କେନ୍ଦ୍ରୀୟ ବିଦ୍ୟାଳୟ । ଏହା ହେଉଛି ଏହି ସ୍ଥାନ ଯେଉଁଠାରେ ଚିନ୍ତାଧାରାଗୁଡିକ ଶିକ୍ଷା ପୋଷଣ ଯୋଗାଏ । ସମାଜ ଓ ଦେଶକୁ ସଶକ୍ତ କରିବାକୁ ଶିକ୍ଷା ନିହାତି ଆବଶ୍ୟକ ବୋଲି କହିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ଜାତୀୟ ଶିକ୍ଷା ନୀତି ୨୦୨୦ ବିଷୟରେ ରାଷ୍ଟ୍ରପତି କହଛନ୍ତି ଶିକ୍ଷାର ପ୍ରୋତ୍ସାହନ ପାଇଁ ସରକାରଙ୍କ କାର୍ଯ୍ୟ ହେଉଛି ସଠିକ୍ ପରିବେଶ ସୃଷ୍ଟି କରିବାରେ ସାହାଯ୍ୟ କରିବା ଯେଉଁଥିରେ ଯୁବକମାନଙ୍କ ସୃଜନଶୀଳତା ହୋଇପାରିବ ।
ପ୍ରକାଶ ଥାଉ କି, ଡିସେମ୍ବର 21 ରୁ 24 ଯାଏଁ ୪ ଦିନିଆ କେରଳ ଗସ୍ତରେ ଅଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।
@ANI
