ୱାଶିଂଟନ: ହ୍ବାଇଟ ହାଉସ ଏହା ସ୍ପଷ୍ଟ କରିଛି ଯେ, ଏହାର ଟ୍ବିଟର ହ୍ୟାଣ୍ଡେଲ ସାଧାରଣତଃ ରାଷ୍ଟ୍ରପତିଙ୍କ ଯାତ୍ରା ସମୟରେ ସ୍ୱଳ୍ପ ସମୟ ପାଇଁ ଆୟୋଜକ ଦେଶରୁ ଆସିଥିବା ଅଧିକାରୀଙ୍କ ଆକାଉଣ୍ଟକୁ ଅନୁସରଣ କରିଥାଏ ।
ଫେବୃଆରୀ ଶେଷ ସପ୍ତାହରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଭାରତ ଗସ୍ତ ସମୟରେ ହ୍ବାଇଟ ହାଉସର ଅଫିସିଆଲ ଟ୍ୱିଟର ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆକାଉଣ୍ଟକୁ ଅନୁସରଣ କରିବା ଆରମ୍ଭ କରିଥିଲେ । ଯେଉଁଥିରେ ଥିଲା ମନ୍ତ୍ରୀଙ୍କ କାର୍ଯ୍ୟାଳୟ, ଆମେରିକାରେ ଥିବା ଭାରତୀୟ ଦୂତାବାସ, ଭାରତରେ ଆମେରିକାର ଦୂତାବାସ ଏବଂ ଭାରତରେ ଆମେରିକାର ରାଷ୍ଟ୍ରଦୂତ କେନ୍ ଜଷ୍ଟର ।
ତେବେ ଏହି ସପ୍ତାହ ଆରମ୍ଭରେ, ହ୍ବାଇଟ ହାଉସ୍ ଏହି 6ଟି ଟ୍ୱିଟର ହ୍ୟାଣ୍ଡେଲକୁ ଅନୁସରଣ କରି ନଥିଲା । ହ୍ବାଇଟ ହାଉସର ଟ୍ୱିଟର ଆକାଉଣ୍ଟ ସାଧାରଣତଃ ଆମେରିକାର ସରକାରୀ ଟ୍ୱିଟର ଆକାଉଣ୍ଟ ଏବଂ ଅନ୍ୟମାନଙ୍କୁ ଉପଯୁକ୍ତ ଭାବରେ ଅନୁସରଣ କରିଥାଏ । ଉଦାହରଣ ସ୍ୱରୂପ, ରାଷ୍ଟ୍ରପତିଙ୍କ ଗସ୍ତ ସମୟରେ ଏହି ଆକାଉଣ୍ଟ ସାଧାରଣତଃ ଅଳ୍ପ ସମୟ ପାଇଁ ଅନୁସରଣ କରିଥାଏ । ଆୟୋଜକ ଦେଶର ଅଧିକାରୀମାନଙ୍କ ବାର୍ତ୍ତାକୁ ରିଟ୍ୱିଟ କରାଯାଇଥାଏ । ଏବଂ ସେମାନଙ୍କ ବାର୍ତ୍ତା ସମ୍ବନ୍ଧରେ ସୂଚନା ଦିଆଯାଇଥାଏ ।
