ଗୁରୁଗ୍ରାମ: କୋରୋନା ପଜିଟିଭ ଜଣେ ଇଟାଲୀୟ ମହିଳାଙ୍କ ମୃତ୍ୟୁ । ଗୁରୁଗାଓଁର ଏକ ଘରୋଇ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ମହିଳା ଜଣକ ହୃଦଘାତ ଯୋଗୁ ମୃତ୍ୟୁ ହୋଇଥିବା ନେଇ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।
78 ବର୍ଷୀୟ ମହିଳା ଜଣକ ଭାଇରସ ସଂକ୍ରମଣରୁ ସୁସ୍ଥ ହେବା ସହ ରିପୋର୍ଟ ନେଗେଟିଭ ରହିଥିଲା । କିନ୍ତୁ ଗତ ଗୁରୁବାର ହୃଦଘାତ ହେବାରୁ ସେ ପ୍ରାଣ ହାରିଛନ୍ତି । ଗୁରୁଗ୍ରାମ ମୁଖ୍ୟ ଚିକିତ୍ସା ଅଧିକାରୀ ଜେଏସ ପୁନିଆ କହିଛନ୍ତି, ଏହି ହେଉଛି ପ୍ରାଥମିକ ସୂଚନା ଯାହା ଆମେ ଡାକ୍ତରଖାନାରୁ ପାଇଛୁ । ଇଟାଲୀ ପର୍ଯ୍ୟଟକଙ୍କ ମୃତ୍ୟୁ ସମ୍ପର୍କରେ ସମ୍ପୂର୍ଣ୍ଣ ତଥ୍ୟ ନାହିଁ ।
14 କୋରୋନା ପଜିଟିଭ ଇଟାଲୀୟ ପର୍ଯ୍ୟଟକଙ୍କ ମଧ୍ୟରେ ଏହି ମହିଳା ଜଣେ । ସେମାନଙ୍କୁ ଗୁରୁଗାଓଁ ଡାକ୍ତରଖାନାରେ ଭର୍ତ୍ତି କରାଯାଇଛି । ସେଥି ମଧ୍ୟରୁ ଅନ୍ୟ ସମସ୍ତଙ୍କୁ ଡିସଚାର୍ଜ କରାଯାଇଛି ।
