ନୂଆଦିଲ୍ଲୀ: ବଢୁୁଥିବା କୋରୋନା ସଂକ୍ରମଣକୁ ଦୃଷ୍ଚିରେ ରଖି ସିଙ୍ଗାପୁର ସହ ସମସ୍ତ ବିମାନ ସେବା ବନ୍ଦ ରଖିବାକୁ କେନ୍ଦ୍ର ନିକଟରେ ନିବେଦନ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ଏନେଇ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଟ୍ବିଟ କରିଥିବା ଦେଖିବାକୁ ମିଳିଛି । ସିଙ୍ଗାପୁରରେ ଚିହ୍ନଟ କୋରୋନାର ନୂତନ ରୂପକୁ ଅତ୍ୟନ୍ତ ବିପଜ୍ଜନକ ବୋଲି ବର୍ଣ୍ଣନା କରି ସମସ୍ତ ବିମାନ ସେବା ବାତିଲ କରିବା ବର୍ତ୍ତମାନ ପକ୍ଷେ ନିହାତି ଆବଶ୍ୟକ ଥିବା କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ।
କେଜ୍ରିଓ୍ବାଲ କହିଛନ୍ତି ସିଙ୍ଗାପୁରରେ ଚିହ୍ନଟ ଭାଇରସର ନୂଆ ମ୍ୟୁଟାଣ୍ଟ ବିଶେଷ ଭାବେ ଶିଶୁ ମାନଙ୍କ ପ୍ରତି ପ୍ରାଣଘାତୀ ବୋଲି ଅଧ୍ୟୟନରୁ ଜଣା ପଡିଛି । ତେବେ ଏପରି ସ୍ଥିତିରେ ଉକ୍ତ ଭାଇରସ ଭାରତର କୋରୋନା ସ୍ଥିତିକୁ ଆହୁରି ସଙ୍କଟରେ ପକାଇବାର ଯଥେଷ୍ଟ ଆଶଙ୍କା ରହିଛି । ତେଣୁ ସିଙ୍ଗାପୁର ସହ ସମସ୍ତ ବିମାନ ସେବା ତୁରନ୍ତ ବାତିଲ କରିବା ପାଇଁ କେନ୍ଦ୍ର ନିକଟରେ ଦାବି କରିଛନ୍ତି କେଜ୍ରିଓ୍ବାଲ । ସେହିପରି ଦେଶରେ ଶିଶୁ ମାନଙ୍କ ଟିକାକରଣ ଉପରେ କେନ୍ଦ୍ର ସରକାର ତ୍ବରାନ୍ବିତ ପ୍ରକ୍ରିୟା ଆରମ୍ଭ କରନ୍ତୁ ବୋଲି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ।
ବ୍ୟୁରୋ ରିପୋର୍ଟ, ଇଟିଭି ଭାରତ
