ନୂଆଦିଲ୍ଲୀ: ସାରା ଦେଶରେ ଆରମ୍ଭ ହୋଇଛି ନବରାତ୍ରୀ ପାଳନ । ଦେଶର ବିଭିନ୍ନ ସ୍ଥାନରେ ଭିନ୍ନ ଢଙ୍ଗରେ ନବରାତ୍ରୀ ପାଳନ ଜାରି ରହିଛି । ଏଥିପାଇଁ ସମଗ୍ର ବିଶ୍ବରୁ ଭାରତକୁ ଶୁଭେଚ୍ଛା ଆସିବାରେ ଲାଗିଛି । ତୀବ୍ର କୂଟନୈତିକ ବିବାଦ ଓ ତିକ୍ତତା ସତ୍ତ୍ବେ ମଧ୍ୟ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ନିଜ ନୈତିକତା ଭୁଲି ନାହାନ୍ତି । ଟ୍ରୁଡୋ ମଧ୍ୟ ଟ୍ବିଟ କରି ହିନ୍ଦୁ ଧର୍ମାବଲମ୍ବୀଙ୍କୁ ନବରାତ୍ରୀର ଶୁଭେଚ୍ଛା ଜଣାଇଛନ୍ତି । ଟ୍ରୁଡୋ ନିଜେ ତାଙ୍କ ଏକ୍ସ ଆକାଉଣ୍ଟରେ ଶୁଭେଚ୍ଛା ଜଣାଇବା ସହ କାନାଡା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଦ୍ବାରା କରାଯାଇଥିବା ଟ୍ବିଟରେ କୁହାଯାଇଛି, କାନାଡା ଓ ସମଗ୍ର ବିଶ୍ବରେ ଥିବା ହିନ୍ଦୁଙ୍କୁ ନବରାତ୍ରୀର ଶୁଭେଚ୍ଛା । ହିନ୍ଦୁମାନଙ୍କ ଏହା ଏକ ବଡ ପର୍ବ । ଏହା ସହ ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ଏକ ବାର୍ତ୍ତା ମଧ୍ୟ ରହିଛି ।
-
Over the next nine nights and 10 days, members of the Hindu community in Canada and around the world will gather to celebrate #Navratri, one of the most important and sacred festivals in the Hindu faith. Read PM Justin Trudeau’s statement: https://t.co/205eq8adav
— CanadianPM (@CanadianPM) October 15, 2023 " class="align-text-top noRightClick twitterSection" data="
">Over the next nine nights and 10 days, members of the Hindu community in Canada and around the world will gather to celebrate #Navratri, one of the most important and sacred festivals in the Hindu faith. Read PM Justin Trudeau’s statement: https://t.co/205eq8adav
— CanadianPM (@CanadianPM) October 15, 2023Over the next nine nights and 10 days, members of the Hindu community in Canada and around the world will gather to celebrate #Navratri, one of the most important and sacred festivals in the Hindu faith. Read PM Justin Trudeau’s statement: https://t.co/205eq8adav
— CanadianPM (@CanadianPM) October 15, 2023
ଖଲିସ୍ତାନୀ ଆତଙ୍କବାଦୀ ହରଦ୍ବୀପ ସିଂ ନିଜ୍ଜାରର ହତ୍ୟା ପରେ ଉଭୟ ଦେଶ ମଧ୍ୟରେ ଏହି ବିବାଦ ଆରମ୍ଭ ହୋଇଥିଲା । ଏହି ହତ୍ୟାକାଣ୍ଡ ଭାରତର ଗୁଇନ୍ଦା ସଂସ୍ଥା ଦ୍ବାରା କରାଯାଇଥିବା କାନାଡା ଅଭିଯୋଗ କରିଥିଲା । ନିଜେ ପ୍ରଧାନମନ୍ତ୍ରୀ ଟ୍ରୁଡୋ ସିଧା ଭାରତର ଭୂମିକାକୁ ନେଇ ପ୍ରଶ୍ନ ଉଠାଇଥିଲା । ଏହା ପରେ ତିକ୍ତତା ବଢିବା ସହ ଭାରତ ମଧ୍ୟ ଆଭିମୁଖ୍ୟ କଠୋର କରିଥିଲା । ଏପରି ଅଭିଯୋଗ ଭିତ୍ତିହୀନ ଓ ରାଜନୈତିକ ଉଦ୍ଦେଶ୍ୟମୂଳକ ବୋଲି ବିଦେଶ ମନ୍ତ୍ରଣାଳୟ କହିବା ସହ ଆତଙ୍କବାଦ ପ୍ରସଙ୍ଗରେ କାନାଡା ଉପରେ ବର୍ଷିଥିଲା । ଏପରିକି ଜାତିସଂଘ ମହାସଭାରେ ମଧ୍ୟ ବକ୍ତବ୍ୟ ରଖିବା ବେଳେ ବିଦେଶ ମନ୍ତ୍ରୀ ଜୟଶଙ୍କର କାନାଡା ନିଜ ଦେଶରେ ଆତଙ୍କବାଦୀଙ୍କ ପୃଷ୍ଠପୋଷକତା କରୁଛି ବୋଲି କହିଥିଲେ ।
ତେବେ ଏହା ପରେ ଉଭୟ ଦେଶ ମଧ୍ୟରେ ତିକ୍ତତା ଏତେ ବଢିଥିଲା ଯେ, କେବଳ ବୟାନବାଜୀ ନୁହେଁ ବରଂ କୂଟନୈତିକ ସମସ୍ୟା ମଧ୍ୟ ସୃଷ୍ଟି ହୋଇଥିଲା । ଉଭୟ ଦେଶ ପରସ୍ପରର ଦୂତାବାସ ଅଧିକାରୀଙ୍କୁ ବରଖାସ୍ତ କରିବା ସହ ସ୍ବଦେଶ ଫେରିଯିବା ପାଇଁ ନିର୍ଦ୍ଦେଶ ଦେଇଥିଲେ । ଭାରତ କାନାଡାକୁ ଭିସା ମଧ୍ୟ ବନ୍ଦ କରିଦେଇଥିଲା । କାନାଡାରେ ଥିବା ହିନ୍ଦୁମାନେ ନିଜ ସୁରକ୍ଷା ପାଇଁ ଚିନ୍ତାବ୍ୟକ୍ତ କରିଥିଲା । କାନାଡା କରିଥିବା ଅଭିଯୋଗ ସମ୍ପର୍କରେ କିଛି ପ୍ରମାଣ ଥିଲେ ନୂଆଦିଲ୍ଲୀକୁ ପ୍ରଦାନ କରିବା ପାଇଁ ଭାରତ ପକ୍ଷରୁ କୁହାଯାଇଥିଲେ ସୁଦ୍ଧା କାନାଡା ସେପରି କିଛି କରିନଥିଲା । ଯାହା ବିବାଦକୁ ଆହୁରି ଜଟିଳ କରିଥିଲା । ଏବେ ମଧ୍ୟ ଦୁଇ ଦେଶ ମଧ୍ୟରେ ସମ୍ପର୍କ ପୂର୍ବ ପରି ସ୍ବାଭାବିକ ହୋଇନାହିଁ । ଏହାରି ମଧ୍ୟରେ କାନାଡା ପ୍ରଧାନମନ୍ତ୍ରୀ ନବରାତ୍ରୀ ଶୁଭେଚ୍ଛା ଜଣାଇ ନିଜର ଔପଚାରିକତା ପ୍ରଦର୍ଶନ କରିଛନ୍ତି ।
ବ୍ଯୁରୋ ରିପୋର୍ଟ, ଇଟିଭି ଭାରତ
