ସେ କହିଛନ୍ତି, ''ଗତ ୨୮ ତାରିଖ ସନ୍ଧ୍ୟାରେ ଅଭିଯୁକ୍ତ ବିକ୍ରମ ଓରଫ ଗୁଡୁ, ନିର୍ବାଚନୀ ପତାକା ଲାଗିଥିବା କାରକୁ ନିଶାସକ୍ତ ଅବସ୍ଥାରେ ବେପାରୁଆ ଭାବେ ଚଲାଉଥିଲେ । ବଙ୍ଗାଳି ସାହିରେ ଅଭିଯୋଗକାରିଣୀ କମଳିନୀ ଗୁପ୍ତାଙ୍କ ଆଗକୁ ଗାଡି ନେଇଯିବାରୁ ଏହା ଦେଖି ଆଉ ଏକ ନିର୍ଦ୍ଦିଷ୍ଠ ରାଜନୈତିକ ଦଳର କର୍ମୀ ମାନେ ପାଟିତୁଣ୍ଡ କରିବା ସହ ଗାଡି ଭିତରୁ ବିକ୍ରମକୁ ଟାଣି ଆଣି ମାଡ଼ ମାରିଥିଲେ । ଏହି ଘଟଣାକୁ ନେଇ ବିକ୍ରମ ତାଙ୍କ ଦଳର ଦୁଇ କର୍ମୀଙ୍କ ସହ ମିଶି ପ୍ରତିଶୋଧ ପରାୟଣ ହୋଇ ଆକ୍ରମଣ କରିଥିବା ସଞ୍ଜୀବ, ଆଲୋକ, ସଞ୍ଜତି ଘର ନିକଟକୁ ଯାଇଥିଲେ । ସେଠାରେ ଗାଳି ଗୁଲଜ କରିଥିଲେ ଓ ପରେ ଉଭୟ ଗୋଷ୍ଠୀ ମଧ୍ୟରେ ଠେଲା ପେଲା, କଥା କଟାକଟି ଓ ଗଣ୍ଡଗୋଳ ହୋଇଥିଲା । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତ ବିକ୍ରମଙ୍କୁ ହସ୍ପିଟାଲକୁ ପଠାଇଥିଲା । ମୁଣ୍ଡରେ ଆଘାତ ଯୋଗୁଁ ତାଙ୍କର ଅବସ୍ଥା ସଂକଟାପନ୍ନ ଥିଲା। ଉଭୟ ଗୋଷ୍ଠୀର ଦୁଇଟି ଅଭିଯୋଗକୁ ଆଧାର କରି ପାଞ୍ଚ ଜଣଙ୍କୁ ଥାନାକୁ ଆଣି ପଚରାଉଚରା କରି ଗିରଫ କରିଛି । ଏମାନଙ୍କ ମଧ୍ୟରେ ଅଧିକାଂଶ ଲୋକ ରିଫ୍ୟୁଜି କଲୋନିର । ବଙ୍ଗାଳି ସାହିରେ ଦିର୍ଘଦିନ ହେବ ସେମାନେ ବସବାସ କରୁଛନ୍ତି ।''
ଏହା ମଧ୍ୟ ପଢନ୍ତୁ-ପୂର୍ବ ଶତ୍ରୁତାରୁ ୨ ଗୋଷ୍ଠୀ ମଧ୍ୟରେ ସଂଘର୍ଷ; ରଣକ୍ଷେତ୍ର ପାଲଟିଲା ଖଣ୍ଡଗିରି ନୂଆ ରୋଡ
ନିର୍ବାଚନୀ ସମୟରେ ଅପ୍ରିତିକର ପରିସ୍ଥିତି ଠାରୁ ଦୂରେଇ ରହିବାକୁ ପୋଲିସ ଅଭିଯୁକ୍ତଙ୍କୁ ଗିରଫକରି କୋର୍ଟ ଚାଲାଣ କରିଛି । ଆଗକୁ ନିର୍ବାଚନ ସମୟରେ ଯେପରି ମାହୋଲ ନ ବିଗିଡେ ପୋଲିସ ତାଉପରେ ନଜର ରଖିଛି । ଡିସେମ୍ବର ମାସରେ ରିଫ୍ୟୁଜି କଲୋନିରେ କେତେ ଲୋକ ରହିଛନ୍ତି ସେମାନଙ୍କ ମଧ୍ୟରେ କେତେ ରିଫ୍ୟୁଜି ରହିଛନ୍ତି ସେ ନେଇ ଏକ ରିପୋର୍ଟ ପ୍ରସ୍ତୁତ କରିଥିଲା ପୋଲିସ । ଏପରିକି ନିର୍ବାଚନ ସମୟରେ ଏମାନେ କୌଣସି ଅପ୍ରିତିକର ପରିସ୍ଥିତ ସୃଷ୍ଟି ନକରନ୍ତି ସେନେଇ ମଧ୍ୟ ପୋଲିସ ସର୍ଭେ କରି ଡିସିପିଙ୍କୁ ରିପୋର୍ଟ ଦେଇଥିଲେ।
ଇଟିଭି ଭାରତ, ଭୁବନେଶ୍ୱର
