କଟକ: ଚିଲିକା ଚିଙ୍ଗୁଡି ଘେରି ବେଆଇନ ଉଚ୍ଛେଦକୁ ନେଇ ରୁଜ୍ଜୁ ଜନସ୍ବାର୍ଥ ମାମଲାର ଶୁଣାଣି କରିଛନ୍ତି ଓଡି଼ଶା ହାଇକୋର୍ଟ । ଏହି ମାମଲାରେ ସତ୍ୟପାଠ ଦାଖଲ କରିବାକୁ ରାଜ୍ୟ ସରକାରଙ୍କୁ କୋର୍ଟଙ୍କ ପକ୍ଷରୁ ନିର୍ଦ୍ଦେଶ ଦିଆଯାଇଥିବା ବେଳେ ମଙ୍ଗଳବାର ଦିନ ରାଜ୍ୟ ସରକାରଙ୍କ ପକ୍ଷରୁ ସତ୍ୟପାଠ ଦାଖଲ କରାଯାଇଛି । ସ୍ବତନ୍ତ୍ର ଚିଠା ନୀତିକୁ ଚୂଡାନ୍ତ କରିବା ପ୍ରକ୍ରିୟା ଜାରି ରହିଥିବା ସତ୍ୟପାଠରେ ଉଲ୍ଲେଖ ରହିଛି । ନୀତି ଚୂଡାନ୍ତ ହେବା ପୂର୍ବରୁ ବିଭିନ୍ନ ଅଂଶିଦାରଙ୍କ ମତ ନିଆଯାଉଛି । ସେହିପରି ଚିଲିକା ହ୍ରଦକୁ କିପରି ସୁରକ୍ଷିତ ରଖିଯିବ ସେନେଇ ଏହି ନୀତି ପ୍ରସ୍ତୁତ କରାଯାଉଥିବା ସତ୍ୟପାଠ ଦାଖଲ କରିଛନ୍ତି ସରକାର । ତେବେ ଦୁଇ ସପ୍ତାହ ପରେ ମାମଲାର ପରବର୍ତ୍ତୀ ଶୁଣାଣି ପାଇଁ କୋର୍ଟ ଦିନ ଧାର୍ଯ୍ୟ କରିଛନ୍ତି ।
ହାଇକୋର୍ଟରେ ଆର୍ଦ୍ରଭୂମି ସୁରକ୍ଷା ତଥା ଚିଲିକାରେ ବେଆଇନ ଚିଙ୍ଗୁଡି ଘେରି ଉଚ୍ଛେଦକୁ ନେଇ ରୁଜ୍ଜୁ ଏକ ଜନସ୍ବାର୍ଥ ମାମଲା ଆବେଦନ ହୋଇଥିବା ବେଳେ ଏନେଇ ସତ୍ୟପାଠ ଦାଖଲ କରିଛନ୍ତି ରାଜ୍ୟ ସରକାର । ସରକାରଙ୍କ ସତ୍ୟପାଠ ଅନୁଯାୟୀ, ପ୍ରସ୍ତୁତ ହୋଇଥିବା ସ୍ବତନ୍ତ୍ର ଚିଠା ନୀତିକୁ ଚୂଡାନ୍ତ କରିବା ପ୍ରକ୍ରିୟା ଜାରି ରହିଛି । ନୀତି ଚୂଡାନ୍ତ ହେବା ପୂର୍ବରୁ ବିଭିନ୍ନ ଅଂଶୀଦାରମାନଙ୍କ ମତ ନିଆଯାଉଛି । ସେହିପରି ଚିଲିକା ହ୍ରଦକୁ କିପରି ସୁରକ୍ଷିତ ରଖିଯିବ ସେନେଇ ଏହି ନୀତି ପ୍ରସ୍ତୁତ କରାଯାଉଥିବା ସତ୍ୟପାଠ ଦାଖଲ କରିଛନ୍ତି ସରକାର ।
ଅନ୍ୟପଟେ ଏହି ସତ୍ୟପାଠର କପି ଆମିକସ୍ କ୍ୟୁରି ଓ ଅନ୍ୟପକ୍ଷମାନଙ୍କୁ ପ୍ରଦାନ ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଦୁଇ ସପ୍ତାହ ପରେ ମାମଲାର ପରବର୍ତ୍ତୀ ଶୁଣାଣି ପାଇଁ ଦିନ ଧାର୍ଯ୍ୟ କରିଛନ୍ତି ଉଚ୍ଚତମ ନ୍ୟାୟାଳୟ ।
ଏହା ବି ପଢନ୍ତୁ.. ପୋଲିସ ଏସ୍ଆଇ ନିଯୁକ୍ତି ଉପରେ ଅନ୍ତରୀଣ ନିର୍ଦ୍ଦେଶ ଲଗାଇଲେ ହାଇକୋର୍ଟ
ଏହି ମାମଲାରେ ପୂର୍ବରୁ ରାଜ୍ୟ ସରକାର ଦର୍ଶାଇଥିଲେ ଯେ, ପାରମ୍ପରିକ ମତ୍ସ୍ୟଜୀବୀ, ଅଣପାରମ୍ପରିକ ମତ୍ସ୍ୟଜୀବୀ ଓ ଚିଲିକା ଉପକୂଳବାସୀଙ୍କ ସ୍ବାର୍ଥ ତଥା ଜୀବନଜୀବିକା ସହ ଚିଲିକାର ଜୈବ ବିବିଧତା ଆଦି ପ୍ରସଙ୍ଗ ଜଡିତ ଥିବାରୁ ନୀତି ଚୂଡାନ୍ତ ହେବା ପୂର୍ବରୁ ସମସ୍ତଙ୍କ ମତାମତ ନିଆଯାଉଛି । ଏନେଇ କେନ୍ଦ୍ର ଭୂବିଜ୍ଞାନ ମନ୍ତ୍ରଣାଳୟର ପ୍ରାକ୍ତନ ପରାମର୍ଶଦାତା ଡକ୍ଟର ଭି.ସମ୍ପଥିନ ଓ ସାଉଥ ଏସିଆ ୱେଟଲ୍ୟାଣ୍ଡ ଇଣ୍ଟରନ୍ୟାସନାଲ ନିର୍ଦ୍ଦେଶକ ଡକ୍ଟର ରିତେଶ କୁମାରଙ୍କୁ ବିଶେଷଜ୍ଞ ଭାବେ ନିୟୋଜିତ କରାଯାଉଛି । ଚିଲିକାର ସୁରକ୍ଷା ପାଇଁ ପ୍ରଣୟନ କରାଯିବାକୁ ଥିବା ଏହି ନୀତିରେ ମତ୍ସ୍ୟଜୀବୀଙ୍କ ଜୀବନଜୀବିକା ସହିତ ବେଆଇନ ଘେରି ଉଚ୍ଛେଦ ପ୍ରସଙ୍ଗକୁ ବିଚାରକୁ ନିଆଯାଉଛି ବୋଲି ସରକାରଙ୍କ ପକ୍ଷରୁ ପୂର୍ବରୁ ମଧ୍ୟ ଅବଗତ କରାଯାଇଥିଲା ।
ଇଟିଭି ଭାରତ, କଟକ
