ରାୟପୁର: ଦିନକୁ ଦିନ ବଢ଼ି ଚାଲିଛି ନୀଳ ଜହର କାରବାର । ବିଭିନ୍ନ ତରିକାରେ ଗଞ୍ଜେଇ ଚାଳଣ କରୁଛନ୍ତି ମାଫିଆ ଗଞ୍ଜେଇ । ଓଡ଼ିଶାରୁ ଉତ୍ତରପ୍ରଦେଶ ଗଞ୍ଜେଇ ଚାଲଣ ହେଉଥିବା ବେଳେ ମାଡ଼ି ବସିଲା ଛତିଶଗଡ଼ ପୋଲିସ । ଏକ ଟ୍ରକରୁ ପ୍ରାୟ 334 କିଗ୍ରାର ଗଞ୍ଜେଇ ଜବତ କରିଛି ଛତିଶଗଡ଼ ଚିଲ୍ଫି ପୋଲିସ । ତେବେ ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ 70 ଲକ୍ଷ ଟଙ୍କା ହୋବ ବୋଲି ଜଣାପଡ଼ିଛି ।
ଗତକାଲି (ସୋମବାର) ଛତିଶଗଡର ଚିଲ୍ଫି ପୋଲିସ ଷ୍ଟେସନ ପରିସରର ମଧ୍ୟପ୍ରଦେଶ-ଛତିସଗଡ ସୀମା ନିକଟରେ ପୋଲିସ ଗାଡି ଯାଞ୍ଚ କରୁଥିଲା । ଏହି ସମୟରେ UP 82 T 1127 ନମ୍ବର ଟ୍ରକକୁ ଚେକ୍ ଗେଟ୍ ନିକଟରେ ଅଟାକଯାଇଥିଲା । ଟ୍ରକ ଡାଲାରେ ବାଜରା ଓ କିଛି ଡାଲି ଜାତୀୟ ଶସ୍ୟ ବସ୍ତା ଭର୍ତ୍ତି ହୋଇ ରହିଥିଲା । ପୋଲିସ ଟ୍ରକ ଡ୍ରାଇଭରକୁ ପଚରାଉଚରା କରିବା ସମୟରେ ସେ କହିଥିଲା ଯେ, ଓଡ଼ିଶାର ବ୍ରହ୍ମପୁରରୁ ଉତ୍ତରପ୍ରଦେଶର ଇଟାୱାକୁ ଏସବୁ ସାମଗ୍ରୀ ନେଉଛି । ତେବେ ଡ୍ରାଇଭର କଥାବାର୍ତ୍ତାକୁ ନେଇ ସନ୍ଦେହ କରିଥିଲା ପୋଲିସ । ଡ୍ରାଇଭରକୁ ସନ୍ଦେହ କରି ଯେତେବେଳେ ପୋଲିସ ଟ୍ରକରେ ଭର୍ତ୍ତି ହୋଇଥିବା ସାମଗ୍ରୀ ଯାଞ୍ଚ କରିଥିଲା, ସେତେବେଳେ ଶସ୍ୟ ବସ୍ତା ଭିତରେ ଗଞ୍ଜେଇ ଭର୍ତ୍ତି ହୋଇଥିବା ଦେଖବାକୁ ପାଇଥିଲା ପୋଲିସ । ଶସ୍ୟ ବସ୍ତା ଭିତରେ ପ୍ରାୟ 13 ଟି ଗଞ୍ଜେଇ ବ୍ୟାଗରେ ଭର୍ତ୍ତି ହୋଇ ରହିଥିଲା ।
ଏହା ମଧ୍ୟ ପଢ଼ନ୍ତୁ...ଚାଉଳ ବସ୍ତାରେ ଓଡ଼ିଶାରୁ ଯାଉଥିଲା ଗଞ୍ଜେଇ, ଛଡିଶଗଡ଼ରେ ମାଡିବସିଲା ପୋଲିସ
ସେପଟେ ଟ୍ରକ ଡ୍ରାଇଭରକୁ ପୋଲିସ ଅଟକ ରଖି ପଚରାଉଚରା ବେଳେ ଡ୍ରାଇଭର ଜଣକ କହିଛି ଯେ, ଟ୍ରକରେ ଶସ୍ୟ ବସ୍ତା ସହ ଗଞ୍ଜେଇ ବସ୍ତାକୁ ମଧ୍ୟ ଲୋଡ କରାଯାଇଥାଲା । ଏଥିପାଇଁ ଗଞ୍ଜେଇ ମାଫିଆମାନେ ତାଙ୍କୁ 1 ଲକ୍ଷ ଟଙ୍କା ଦେବା ପାଇଁ କହିଥିଲା । ତେବେ ବର୍ତ୍ତମାନ ପୋଲିସ 334 କିଲୋଗ୍ରାମ ଗଞ୍ଜା ଜବତ କରିଛି । ଅଭିଯୁକ୍ତ ଟ୍ରକ ଡ୍ରାଇଭରକୁ ଗିରଫ କରିବା ସହ ଗଞ୍ଜେଇ ଚାଲଣ ହେଉଥିବା ଟ୍ରକକୁ ମଧ୍ୟ ଜବତ କରିଛି ପୋଲିସ । ଅଭିଯୁକ୍ତଙ୍କ ଡ୍ରାଇଭରର ମୋବାଇଲ୍ ରେକର୍ଡ ସ୍କାନ କରି ମୁଖ୍ୟ ଅଭିଯୁକ୍ତଙ୍କ ପାଖରେ ପହଞ୍ଚିବାକୁ ଚେଷ୍ଟା ଚଲାଇଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
