मुंबई - Ranveer Singh : सध्याच्या काळात बॉलिवूड सेलिब्रिटींचे डीपफेक व्हिडिओ सोशल मीडियावर खूप व्हायरल होत आहेत. रश्मिका मंदान्नापासून ते कतरिना कैफ पर्यंतचे डीपफेक व्हिडिओ समोर आले आहेत. याआधी खुद्द पंतप्रधान नरेंद्र मोदींनी त्यांच्याबद्दल चिंता व्यक्त केली होती. अलिकडेच निवडणुकीदरम्यान आमिर खान एका राजकीय पक्षाचा प्रचार करत असल्याचा डीपफेक व्हिडिओ समोर आला होता. आता रणवीर सिंगही डीपफेकचा बळी ठरला आहे. रणवीर सिंग हा एका राजकीय पक्षाचा प्रचार करताना व्हिडिओत दिसत आहे. रणवीरनं या बनावट व्हिडिओवर मुंबई पोलिसांच्या सायबर क्राईम सेलमध्ये तक्रार दाखल केली आहे.
डीपफेक व्हिडिओवर रणबीरनं केली कारवाई : रणवीर सिंगच्या अधिकृत प्रवक्त्यानं याबद्दल पुष्टी केली आहे की, या डीपफेक व्हिडिओवर कारवाई करण्यात आली आहे. रणवीरच्या प्रवक्त्यानं सांगितलं की, "रणवीर सिंगच्या एआय व्युत्पन्न डीपफेक व्हिडिओची जाहिरात करणाऱ्या हँडलविरुद्ध एफआयआर दाखल करण्यात आली आहे." दरम्यान लोकसभेच्या पहिल्या टप्प्याच्या मतदानापूर्वी रणवीर सिंगचा एक व्हिडिओ व्हायरल झाला होता, ज्यामध्ये तो पंतप्रधान मोदींवर निशाणा साधत होता. रणवीरचा हा व्हिडिओ वाराणसीमधील होता. या व्हिडिओमध्ये रणवीर हा बेरोजगारी, महागाईबद्दल बोलताना दिसला होता. याशिवाय त्यानं व्हिडिओमध्ये काँग्रेसला मत द्या असल्याचं म्हटलं होतं. यानंतर हा व्हिडिओ प्रचंड वेगानं व्हायरल झाला होता.
रणवीर सिंगचं आगामी चित्रपट : रणवीर सिंगच्या वर्क फ्रंटबद्दल बोलायचं झालं तर, तो सध्या निर्माता रोहित शेट्टीच्या 'सिंघम अगेन' चित्रपटात दिसणार आहे. या चित्रपटात रणवीर सिंग पुन्हा एकदा सिम्बाच्या भूमिकेत दिसेल. सध्या 'सिंघम अगेन'चं शूटिंग सुरू आहे. रणवीर सिंगशिवाय या चित्रपटात दीपिका पदुकोण, अजय देवगण, अक्षय कुमार, टायगर श्रॉफ आणि करीना कपूर खान यांच्याही भूमिका आहेत. हा चित्रपट मोठ्या पडद्यावर 15 ऑगस्ट रोजी रिलीज होणार आहे. आणखी पुढं तो 'अंदाज अपना अपना 2'मध्ये रणबीर सिंगबरोबर दिसणार आहे. याशिवाय तो 'सिम्बा' आणि 'तख्त' या चित्रपटांमध्येही झळकणार आहे.
हेही वाचा :
