ETV Bharat / entertainment

रणवीर सिंगचा दिग्दर्शक ॲटलीबरोबरचा डान्स व्हिडिओ व्हायरल - ranveer singh

author img

By ETV Bharat Marathi Team

Published : Apr 16, 2024, 2:10 PM IST

Ranveer Singh
रणवीर सिंग

Ranveer Singh : रणवीर सिंगचा सोशल मीडियावर एक व्हिडिओ व्हायरल होत आहे. या व्हिडिओमध्ये तो साऊथ दिग्दर्शक एस. शंकर यांच्या मुलीच्या लग्नात ॲटलीबरोबर डान्स करताना दिसत आहे.

मुंबई - Ranveer Singh : साऊथ चित्रपटसृष्टीतील सुपरहिट दिग्दर्शक एस. शंकर यांनी अलीकडेच आपली मुलगी ऐश्वर्या शंकरचा विवाह तरुण कार्तिकेयनशी केला. या लग्नात दाक्षिणात्य सिनेसृष्टीतील दिग्गज कलाकार रजनीकांत, कमल हसल, दिग्दर्शक मणिरत्नम, चियान विक्रम, सूर्या आणि नयनतारा यांनी हजेरी लावली होती. आता या लग्नामधील एक व्हिडिओ सोशल मीडियावर व्हायरल होत आहे. या व्हिडिओमध्ये रणवीर सिंग हा 'जवान' दिग्दर्शक ॲटलीबरोबर डान्स करताना दिसत आहे. व्हिडिओमध्ये रणवीर सिंग काळ्या रंगाच्या शेरवानीमध्ये दिसत असून तो ॲटलीबरोबर काही सुंदर स्टेप करत आहे.

रणवीर सिंगचा डान्स : थलपथी विजयच्या 'आपडी पोडे' या गाण्यावर रणवीर सिंग आणि दिग्दर्शक ॲटलीनं भन्नाट डान्स केला असून त्यांनी सर्वांच लक्ष वेधून घेतलं. याशिवाय रणवीर आणि ॲटली यांनी विजयच्या 'मास्टर' चित्रपटातील 'वाथी कमिंग' या गाण्यावरही जोरदार डान्स करून सर्वांची मनं जिंकली. तसेच या लग्नात शाहरुख खानच्या 'चेन्नई एक्सप्रेस'मधील 'लुंगी डान्स' या गाण्यावर अनेकांनी डान्स केला. यावेळी रणवीरनं 'रामलीला' या चित्रपटातील हिट गाण्यावर सुंदर डान्स केला. दरम्यान ऐश्वर्या शंकरच्या वैयक्तिक आयुष्याबद्दल बोलायचं झालं तर तिचे हे दुसरे लग्न आहे. ऐश्वर्यानं पहिलं लग्न क्रिकेटर दामोदरन रोहितबरोबर केलं होत.

रणवीर सिंगचं वर्कफ्रंट : दरम्यान रणवीर सिंग हा दिग्दर्शक एस. शंकरच्या 'अपरिचित' चित्रपटाच्या हिंदी वर्जन 'अन्नियन'मध्ये दिसणार आहे. या लग्नामध्ये रणवीरनं खूप एंजॉय केला आहे. दरम्यान रणवीरच्या आगामी चित्रपटाबद्दल बोलायचं झालं तर पुढं तो रोहित शेट्टीच्या 'सिंघम 3' चित्रपटामध्ये दिसणार आहे. या चित्रपटात त्याच्याबरोबर अजय देवगण , करीना कपूर खान, अर्जुन कपूर, टायगर श्रॉफ, दीपिका पदुकोण आणि इतर कलाकार दिसणार आहेत. हा चित्रपट 15 ऑगस्ट रोजी रुपेरी पडद्यावर रिलीज होणार आहे. याचं दिवशी अल्लू अर्जुनचा 'पुष्पा 2' बॉक्स ऑफिसवर प्रदर्शित होईल. त्यामुळे या दोन्ही चित्रपटांमध्ये रुपेरी पडद्यावर चांगलीच टक्कर पाहायला मिळेल. याशिवाय तो 'डॉन 3' कियारा अडवाणीबरोबर स्क्रिन शेअर करताना दिसणार आहे.

हेही वाचा :

  1. आयुष्मान खुरानानं लोकसभा निवडणुकीपूर्वी संसदेच्या नवीन इमारतीला दिली भेट, फोटो व्हायरल - AYUSHMANN KHURRANA
  2. 'हनुमान' स्टार तेजा सज्जा त्याच्या आगामी 'सुपर योद्धा'चित्रपटासाठी सज्ज - Hanuman star Teja Sajja
  3. 'गदर 2' दिग्दर्शक अनिल शर्मानं 'पुष्पा 2' आणि अल्लू अर्जुनचं केलं कौतुक, पाहा पोस्ट - Allu Arjun
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.