सचिन तेंडुलकरने जगभरातील पर्यटकांना जम्मू आणि काश्मीरचा अनुभव घेण्यासाठी दिलं निमंत्रण

author img

By ETV Bharat Marathi Team

Published : Feb 28, 2024, 4:29 PM IST

Sachin Tendulkar invites

Sachin Tendulkar Kashmir Visit : सचिन तेंडुलकरनं जम्मू-काश्मीरच्या भेटीबद्दल बोलताना तेथील खोऱ्यांचं आणि सौंदर्याचं कौतुक केलं. तसंच त्यानं काश्मीरची बॅटही सर्वोत्तम असल्याचं सांगितलं आहे.

नवी दिल्ली Sachin Tendulkar Kashmir Visit : भारताचा माजी क्रिकेटपटू सचिन तेंडुलकर हा पत्नी अंजली आणि मुलगी सारासोबत काश्मीरला गेला होता. यामध्ये त्यांनी त्यांच्या सुट्टीतील एक मंत्रमुग्ध करणारा व्हिडिओ सोशल मीडियावर पोस्ट केला आहे. ज्यामध्ये त्यांनी जगाला भारतातील 'अनेक रत्नांपैकी एक' असलेलं काश्मीरचं सौंदर्य तेथे येऊन बघण्यासाठी आणि अनुभवण्यासाठी निमंत्रित केलं. सचिन तेंडुलकरने सोशल मीडियावर कश्मीरला जाताना, त्याच्या संपूर्ण प्रवासाचा सारांश देणारा एक व्हिडिओ शेअर केला आणि 'माझ्या काश्मीर ट्रिपचे उत्कृष्ट क्षण' यासह व्हिडिओ सुरू केला आणि कोट देऊन समाप्त झाला. काश्मीर इतके सुंदर होते की, मी मंत्रमुग्ध झालो होतो, असं तो सांगतोय.

आदरातिथ्याने भारावले सचिनचे कुटुंब : सचिनच्या प्रवासातील प्रत्येक महत्वाचा क्षण व्हिडिओमध्ये कैद झाला आहे. मंदिराच्या भेटीपासून, काश्मीर विलो बॅट बनवणाऱ्यांशी संभाषण, स्थानिक चहाच्या स्टॉलवर थांबणे, बर्फवृष्टीचा आनंद घेणे, हात नसलेले अमीर हुसेन लोन यांना भेटणे आणि बरेच काही या व्हिडिओमध्ये पाहिले जाऊ शकते. त्यांनी पुढे लिहिले की, 'जम्मू आणि काश्मीर माझ्या आठवणीत एक सुंदर अनुभव राहील. आजूबाजूला बर्फ होता पण लोकांच्या विलक्षण आदरातिथ्यामुळे आम्हाला उबदार वाटले. पंतप्रधान मोदी आणि काश्मीरचं कौतुक करणारे शब्दही सचिननं यावेळी त्याने पोस्ट केलेल्या व्हिडिओच्या कॅप्शनमध्ये दिले आहेत.

सचिनने बॅटच्या कारखान्याला दिली भेट : तेंडुलकरने विशेषत: काश्मीर विलोपासून बनवलेल्या बॅटचे कौतुक केले आणि त्यांना 'मेक इन इंडिया'चे उत्कृष्ट उदाहरण म्हणून वर्णन केले. सचिनने अनंतनाग जिल्ह्यातील अवंतीपोरा येथील चेरसू भागातील एमजे क्रिकेट बॅट निर्मिती कारखान्याला भेट दिली. चेरसू भागातील मंजूर अहमद आणि जावेद अहमद हे दोन भाऊ कारखान्याचे मालक आहेत. ''काश्मीर विलो बॅट्स हे "मेक इन इंडिया, मेक फॉर द वर्ल्ड" चे उत्तम उदाहरण आहे. त्यांनी जगभर प्रवास केला आहे आणि आता मी जगभरातील लोकांना आणि भारतातील लोकांना जम्मू आणि काश्मीरचा अनुभव घेण्याचा सल्ला देतो, जे देशातील अनेक रत्नांपैकी एक आहे.'', असं सचिन तेंडुलकर म्हणाला.

हेही वाचा:

  1. 'महाराष्ट्र भूषण' अशोक सराफ यांना 'संगीत नाटक अकादमी पुरस्कार' जाहीर, म्हणाले ''ऊर्जा मिळाली, अजून बरंच काही करायचं बाकी''
  2. पंतप्रधान मोदींची आज यवतमाळमध्ये सभा; मात्र सभास्थळी खुर्च्यांवर राहुल गांधींचे स्टिकर्स
  3. प्रयागराजमधील प्रसिद्ध शाळेत विद्यार्थ्यांना दाखला देण्यासाठी महिला शिक्षिका बनली बनावट IAS, पोलिसांना फोन करून दाखवला धाक
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.