ഗവർണറുടെ ചായസത്‌കാരം : മുഖ്യമന്ത്രി പങ്കെടുത്തത് വലിയ കാര്യമായി എടുക്കേണ്ടതില്ലെന്ന് ഇപി ജയരാജൻ
തിരുവനന്തപുരം : ഗവർണറുടെ ചായ വിരുന്നിൽ മുഖ്യമന്ത്രി പങ്കെടുത്തത് വലിയ കാര്യമായി എടുക്കേണ്ടതില്ലെന്ന് എൽഡിഎഫ് കൺവീനർ ഇ പി ജയരാജൻ. മുസ്ലിം സമുദായക്കാർ സത്‌കാരപ്രിയരാണെന്നും അതില്‍ പങ്കെടുക്കുന്നത് സംസ്‌കാരത്തിന്‍റെ ഭാഗമാണെന്നും അദ്ദേഹം പറഞ്ഞു.
ഇടതുപക്ഷത്തിന് ആരോടും ദേഷ്യമില്ല. ഞങ്ങളുടെ ഹൃദയം വിശാലമാണ്. എല്ലാവരെയും സ്നേഹിക്കുക, സഹകരിക്കുക എന്നതാണ് ഞങ്ങളുടെ നിലപാട്. പ്രധാനമന്ത്രിയുടെ വിരുന്നിൽ പങ്കെടുത്തതിനെ വിമർശിച്ചത് കാരണമുള്ളതിനാലാണ്. ശശി തരൂരിനെ പോലെയുള്ളവർ വരെ ഉണ്ടായിട്ടും പ്രത്യേകം ഒരാളെ മാത്രം സത്കരിച്ചത് എന്തിനെന്നും ഇ പി ജയരാജൻ ചോദിച്ചു.
