Sultanganj co rescued drowning family in ganga: भागलपूरमध्ये गंगेत बुडणाऱ्या कुटुंबाला अधिकाऱ्याने नदीत उडी मारून वाचवले
भागलपूर : बिहारमधील भागलपूरमध्ये सुलतानगंज झोनचे सीओ शंभू शरण राय यांची समयसूचकता वाहवा मिळवत आहे. गंगा नदीत उडी मारून बुडणाऱ्या कुटुंबाला (CO Shambhu Sharan Rai) त्यांनी वाचवले. ही घटना आजगाईनाथ मंदिराच्या काठी गंगा नदीत स्नान करण्यासाठी आलेल्या एका कुटुंबाची आहे. सीओने वाहत्या नदीत उडी मारून दोन जीवांना मृत्यूच्या तोंडातून वाचवले. प्रत्यक्षात ही घटना घडली त्यावेळी बीडीओ मनोज मुर्मू, सीओ शंभूशरण राय, कार्यकारी अधिकारी अभिनव कुमार श्रावणी मेळ्याच्या तयारीसाठी घाटाची पाहणी करत होते. लोकांचा आवाज ऐकून सीओने गंगेत उडी मारून बुडणाऱ्या आई-मुलीला वाचवले. ते गंगेत स्नान करत असताना बुडू लागले होते. सीओ राय यांना पोहता येत नव्हते मात्र बीडीओच्या मदतीने सर्व बाहेर आले. 32 वर्षीय महिला आणि तिची 14 वर्षांची मुलगी मासूमगंज येथील रहिवासी असल्याचे सांगण्यात येत आहे. घटनेची माहिती मिळताच महिलेचा चुलत भाऊ घाटावर पोहोचला. महिलेने सांगितले की, ती तिच्या मुलीसोबत गंगेत स्नान करण्यासाठी आली होती. आई आणि मुलीचे प्राण वाचवल्याचं आज मला समाधान आहे, असे राय यांनी सांगितले.