पंतप्रधान मोदी आठवड्यातच पुन्हा महाराष्ट्र दौऱ्यावर, देशातील सर्वात मोठ्या गृह प्रकल्पाचं करणार लोकार्पण

author img

By ETV Bharat Marathi Desk

Published : Jan 16, 2024, 2:27 PM IST

Updated : Jan 16, 2024, 2:51 PM IST

Prime Minister Modi

Prime Minister Modi will visit Maharashtra : पंतप्रधान नरेंद्र मोदी येत्या 19 जानेवारीला सोलापूर दौऱ्यावर येत आहेत. सोलापुरातील रे नगर येथे 365 एकर जागेवर गृह प्रकल्प उभारण्यात आलाय. त्याचा लोकार्पण सोहळा पंतप्रधानांच्या उपस्थितीत होतोय. दरम्यान, लोकसभेच्या निवडणुका जवळ आल्या असल्याने मोदींचे दौरे वाढले असल्याची चर्चा सुरू झालीय.

सोलापूर : Prime Minister Modi will visit Maharashtra : पंतप्रधान मोदी सोलापूर दौऱ्यावर येत आहेत. त्या पार्श्वभूमीवर प्रशासनाकडून दौऱ्याची जय्यत तयारी सुरू आहे. सोलापुरात 365 एकर जागेवर गृह प्रकल्प उभारण्यात आलाय. यावेळी पंतप्रधान मोदी हे सुमारे 30 हजार पैकी 15 हजार तयार घरांचं वाटप करणार आहेत. गृहनिर्माण मंत्री अतुल सावे यांनी म्हाडाच्या माध्यमातून उभारलेल्या या महत्त्वकांक्षी प्रकल्पाचं उद्घाटन पंतप्रधान मोदी यांच्या हस्ते होणार आहे.

नवीन चेहरा कोण असणार : काही दिवसांवर लोकसभा निवडणूक आहे. त्या पार्श्वभूमीवर मोदींनी महाराष्ट्रात दौरे वाढवलेत अशी राजकीय वर्तुळात चर्चा आहे. सध्या सोलापूर जिल्ह्याला भाजपाचे डॉ. जय सिद्धेश्वर महास्वामी महाराज खासदार आहेत. ते आपल्या जातीच्या दाखल्यामुळे अडचणीत आले आहेत. त्यामुळे आगामी लोकसभा निवडणुकीत भाजपाकडून नव्या चेहऱ्याला संधी मिळेल अशी जोरदार चर्चा आहे. मात्र, हा नवीन चेहरा कोण असणार याबाबत भाजपाने अजूनतरी काही उघड केलेलं नाही.

महिला उमेदवार देणार का : माजी केंद्रीय मंत्री सुशीलकुमार शिंदे यांनी (2022)मध्येचं राजकारणातून निवृत्त होत असल्याची घोषणा केली आहे. काँग्रेसकडून आमदार प्रणिती शिंदे यांना तिकीट देण्यासाठी हाय कमांडकडं नाव पाठवण्यात आलं आहे. प्रणिती शिंदे या माजी केंद्रीय मंत्री सुशीलकुमार शिंदे यांच्या कन्या आहेत. जर प्रणिती शिंदे यांना तिकीट मिळालं, तर भाजपाही लोकसभेच्या रिंगणात महिला उमेदवार दोणार का? असा प्रश्न विचारला जातोय.

निमित्त उद्घाटनाचे उद्दिष्ट लोकसभेचे : मार्क्सवादी कम्युनिस्ट पक्षाचे सोलापूर प्रमुख आणि माजी आमदार नरसय्या आडम यांच्या पुढाकाराने 30 हजार कामगारांसाठी गृह प्रकल्प साकार होत आहे. सुरुवातीला 15 हजार कामगारांना घरं मंजूर झाली आहेत. असंघटित क्षेत्रात काम करणाऱ्या कामगारांच्या उपस्थितीतच चावी वाटप केले जाणार आहे. परंतु, हा कार्यक्रम असला तरी भाजपा एक प्रकारचा प्रचारचं याच्या माध्यमातून करणार आहे, असंही शहरात काही नागरिक बोलत आहेत.

नरेंद्र मोदींचा सोलापुरात रोड शो होण्याची शक्यता : लोकसभा निवडणुकीच्या पार्श्वभूमीवर पंतप्रधान नरेंद्र मोदी हे महाराष्ट्र राज्यात वेगवेगळ्या शहरात दौरे करत आहेत. ''अबकी बार चार सौ पार'' असा नारा भाजपाने अगोदरच दिला आहे. त्यासाठी पंतप्रधान नरेंद्र मोदींनी कंबर कसली आहे. नाशिक दौऱ्यानंतर नरेंद्र मोदींचा सोलापूर दौरा होत आहे. नाशिक प्रमाणे सोलापूर शहरात नरेंद्र मोदी यांचा रोड शो होण्याची शक्यता वर्तवली जात आहे. रोड शोच्या माध्यमाने सोलापुरातील राजकीय वातावरण ढवळून निघणार आहे हे मात्र नक्की.

सोलापूर लोकसभेसाठी भाजप मजबूत उमेदवार देण्याच्या तयारीत : सोलापूर जिल्हा तसा काँग्रेसचा बालेकिल्ला म्हणून ओळखला जातो. परंतु, 2014 पासून सोलापुरात भाजपाची ताकद वाढली आहे. 2014 मध्ये भाजपाचे शरद बनसोडे हे माजी केंद्रीय मंत्री सुशीलकुमार शिंदे यांचा पराभव करून निवडून आले होते. 2019 मध्ये भाजपाने नवा उमेदवार देत डॉ. जय सिद्धेश्वर महास्वामी यांना निवडून आणलं. 2024 मध्ये भाजपाचा उमेदवार अजूनही ठरला नसली, तरी पार्टी विथ डिफ्रन्स या सुत्रानुसार भाजपा नवा उमेदवार देण्याच्या तयारीत आहे. माळशिरस येथील भाजपा आमदार राम सातपुते, अमर साबळे यांनी आपल्या कार्यकर्त्यांना तयारीत राहा अशा सूचना दिल्या आहेत.

कशी असणार ही वसाहत ?

  • एकूण 350 एकर परिसर
  • एकूण 834 इमारत
  • प्रत्येक इमारतीत 36 फ्लॅट्स
  • एकूण 30 हजार कुटुंबासाठी घर
  • एकूण 60 मेगावॅट विजेचे प्रकल्प काम सुरु
  • 20 मेगावॅटचे काम पूर्ण
  • परिसरात 7 मोठ्या पाणी टाकी ज्याची क्षमता 29 mld आहे
  • यामुळे 24 तास पाणी पुरवठा शक्य
  • परिसरात मलशुद्धीकरण केंद्र
  • स्वतंत्र घनकचरा व्यवस्थापन यंत्रणा
  • विद्यार्थ्यांसाठी जिल्हा परिषदतर्फे शाळा, अंगणवाडी सोय
  • खेळण्यासाठी क्रीडा मैदान
  • आरोग्यासाठी हॉस्पिटल
  • लोकांच्या रोजगारासाठी व्यवसाय देखील उपलब्ध करण्याचे प्रयत्न सुरू

हेही वाचा :

1 उद्धव ठाकरे सेनेबद्दल बोलताना उपमुख्यमंत्री फडणवीस यांची जीभ घसरली, म्हणाले मी मुर्खांना उत्तर देत नाही

2 जगातील सर्वात श्रीमंत युट्युबरचा 'एक्स'वर पहिला व्हिडिओ अपलोड, एलॉन मस्क युट्युबला देणार टक्कर?

3 भारत जोडो न्याय यात्रेचा आज तिसरा दिवस, राहुल गांधींचं नागालॅंडमध्ये नागरिकांकडून स्वागत

Last Updated :Jan 16, 2024, 2:51 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.