Ashadhi Wari 2023: मुख्यमंत्र्यांच्या हस्ते सपत्नीक विठ्ठलाची शासकीय महापूजा संपन्न; नगर जिल्ह्यातील काळे दांपत्य ठरले मानाचे वारकरी

author img

By

Published : Jun 29, 2023, 6:36 AM IST

Updated : Jun 29, 2023, 6:44 AM IST

Ashadhi Wari 2023

चंद्रभागेच्या काठी आज देवशयनी एकादशीचा म्हणजे आषाढी एकादशीचा मुख्य सोहळा लाखो भाविकांच्या उपस्थितीमध्ये संपन्न होत आहे. आज पहाटे 3 वाजता महाराष्ट्राचे मुख्यमंत्री एकनाथ शिंदे व त्यांच्या पत्नी लता शिंदे यांनी विठ्ठलाची शासकीय महापूजा केली. मुख्यमंत्री एकनाथ शिंदे यांच्याबरोबर नगर जिल्ह्यातील काळे दाम्पत्य मानाचे वारकरी ठरले आहेत.

पंढरपूर (सोलापूर) : पंढरपूरमध्ये आज मोठ्या भक्तिमय वातावरणामध्ये आषाढी एकादशीच्या सोहळा संपन्न होत आहे. भाऊसाहेब मोहनीराज काळे (वय 56) व मंगल भाऊसाहेब काळे (वय 52) मु. पो.वाकडी, ता.नेवासा, जि. अहमदनगर यांना मंत्री एकनाथ शिंदे यांच्याबरोबर विठ्ठलाची महापूजा करण्याचा मान मिळाला. शेतकरी कुटुंबातील काळे दाम्पत्य हे मागील 25 वर्षापासून भास्कर गिरी महाराज यांच्यासोबत देवगड ते पंढरपूर पायी वारी करत आहेत.

  • #LIVE | #पंढरपूर | आषाढी एकादशीनिमित्त मुख्यमंत्री एकनाथ शिंदे आणि सौ. लता शिंदे यांच्या हस्ते श्री विठ्ठल- रुक्मिणीची शासकीय महापूजा...https://t.co/HBBegutOsC

    — CMO Maharashtra (@CMOMaharashtra) June 28, 2023 " class="align-text-top noRightClick twitterSection" data=" ">

उपस्थित अधिकारी : शासकीय महापूजा वेळी मुख्यमंत्री एकनाथ शिंदे यांच्याबरोबर त्यांचे कुटुंबीय, यांच्यासह ग्रामविकास मंत्री गिरीश महाजन, कामगार मंत्री सुरेश खाडे, शिक्षण मंत्री दीपक केसरकर, पालकमंत्री राधाकृष्ण विखे पाटील, आरोग्य मंत्री डॉ.तानाजी सावंत, कृषिमंत्री दादा भुसे, खासदार श्रीकांत शिंदे मुख्यमंत्री सहाय्यता कक्षाचे मंगेश चिवटे, जिल्हाधिकारी मिलिंद शंभरकर, पोलीस अधीक्षक शिरीष सरदेशपांडे, मुख्य कार्यकारी अधिकारी दिलीप स्वामी, मंदिर समितीचे सहअध्यक्ष गहिनीनाथ महाराज औसेकर यांच्यासह लोकप्रतिनिधी व प्रशासनातील अधिकारी उपस्थित होते.

  • #पंढरपूर | आषाढी एकादशीनिमित्त मुख्यमंत्री @mieknathshinde आणि त्यांच्या पत्नी सौ. लता शिंदे यांच्या हस्ते आज पहाटे श्री विठ्ठल रुक्मिणीची शासकीय महापूजा करण्यात आली.
    “बळीराजाला, कष्टकऱ्याला चांगले दिवस येऊ दे, राज्यावरची सगळी संकटं, आरिष्ट दूर होऊ दे, राज्यात सर्वत्र चांगला… pic.twitter.com/11Ym46EMQx

    — CMO Maharashtra (@CMOMaharashtra) June 29, 2023 " class="align-text-top noRightClick twitterSection" data=" ">

विठुरायाची नगरी दुमदुमली : विठ्ठल नामाच्या जयघोषाने विठुरायाची नगरी दुमदुमली आहे. पंढरपूर मध्ये आषाढी एकादशीनिमित्त मोठी गर्दी झाली आहे. दहा ते बारा लाख भाविक महाराष्ट्राच्या कानाकोपऱ्यातून तसेच परराज्यातूनही विठ्ठलाच्या दर्शनासाठी पंढरपूरमध्ये दाखल झाले आहेत. आषाढी एकादशी निमित्त भीमा नदीमध्ये पाणी सोडल्याने चंद्रभागेमध्ये स्नान करून भाविक नामदेव पायरीचे दर्शन घेऊन प्रदक्षिणा पूर्ण करत आहेत.

  • #पंढरपूर | आषाढी एकादशीनिमित्त श्री विठ्ठल - रुक्मिणी यांच्या महापूजेनंतर मुख्यमंत्री एकनाथ शिंदे यांचा पत्रकारांशी संवाद...https://t.co/aYgiL7rd9F

    — CMO Maharashtra (@CMOMaharashtra) June 28, 2023 " class="align-text-top noRightClick twitterSection" data=" ">

वारकऱ्यांची विशेष काळजी : यंदा आषाढी वारीच्या निमित्ताने आरोग्य विभागाच्या वतीने वारकऱ्यांची विशेष काळजी घेतल्याचे दिसून येत आहे. आरोग्याची वारी, पंढरीच्या दारी हा उपक्रम राबवत महाराष्ट्र शासनाच्या वतीने सर्व वारकऱ्यांसाठी मोफत तपासणी औषधोपचार करण्याची सोय केली आहे. पंढरपूरमध्ये वाखरी पालखीतळ, 65 एकर जवळील तीन रस्ता व गोपाळपूर येथील दर्शनरांगे जवळील विष्णुपद येथे आपले दवाखाने उभे केले आहे. यामध्ये हजारो भाविकांवरती मोफत उपचार करण्यात आले आहेत.

हेही वाचा :

  1. Ashadhi Wari 2023 : विठुनामाच्या गजराने दुमदुमली पंढरी, मुख्यमंत्र्याच्या हस्ते होणारे शासकीय महापूजा
  2. Eknath Shinde On Ashadhi Ekadashi : आषाढीच्या महापूजेचा मान मिळाला हे माझे भाग्य - मुख्यमंत्री एकनाथ शिंदे
  3. Ashadhi wari 2023 : केसीआर केवळ देवदर्शनासाठी आले होते; वारकऱ्यांची गैरसोय होऊ देणार नाही - पालकमंत्री विखे पाटील
Last Updated :Jun 29, 2023, 6:44 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.