नाशिक : श्रद्धा वालकर खून प्रकरण अजूनही देशातील जनता विसरु शकलेली नाही. आता आणखी एक धक्कादायक घटना समोर आली आहे. समाजात लिव्ह इन रिलेशनशिपमधून पार्टनरची हत्या केल्याच्या घटना दिवसेंदिवस वाढत आहेत. लिव्ह इन रिलेशनशिपमध्ये असलेल्या जोडप्यामध्ये किरकोळ वादातून प्रियकाराने प्रेयसीची हत्या केल्याची घटना नाशिकमध्ये घडली आहे. या घटनेमुळे मृत महिलेची मुले आईपासून पोरकी झाली आहेत.
प्रियकराला केली अटक : भांडण झाल्याने प्रियकराने प्रेयसीच्या पाठीत चाकू खूपसून तिचा खून केल्याची घटना घडली आहे. पाेलिसांनी याबाबत खुनाचा गुन्हा दाखल करुन संशयित प्रियकराला अटक केली आहे. प्रेयसीचा काही वर्षांपूर्वी विवाह झाला हाेता. काैटुंबिक कारणातून तिचा पती तिला साेडून दुसरीकडे राहात आहे. याच कालावधीत तिची ओळख एका व्यक्तीसोबत झाली. त्याचे रुपांतर प्रेमात झाले. त्यानंतर ती तिच्या मुलांसह प्रियकरासोबत राहात हाेती.
प्रेयसीच्या पाठीत खुपसली सुरी : प्रियकर आणि प्रेयसी यांच्यात काहीना काही कारणातून खटके उडत हाेते. त्यातच मंगळवारी (दि. १५) रात्री नऊ वाजता प्रियकराने मुलाला चापट मारली. त्यातून प्रेयसी माहिलेने विचारणा केली असता दाेघांत भांडण झाले. त्याचवेळी संतापाच्या भरात प्रियकराने किचनमधील धारदार सुरी प्रेयसीच्या पाठीत खुपसली. त्यानंतर तिला जिल्हा रुग्णालयात दाखल केले असता, उपचारादरम्यान आज तिचा मृत्यू झाला. याबाबत सरकारवाडा पोलीस ठाण्यात खुनाचा गुन्हा दाखल करण्यात आला असून, अरोपी प्रियकराला पोलिसांनी अटक केली आहे.
शवविच्छेदनात गुन्हा उघड : जिल्हा रुग्णालयात शवविच्छेदन केले असता पाठीत एक छाेटी जखमी दिसली. त्यामुळे तिचा मृत्यू नैसर्गिक नसून खून झाल्याचे शवविच्छेदन अहवालात निष्पन्न झाले आहे. या घटनेनंतर संशयित प्रियकराला पोलिसांनी अटक केली.
हेही वाचा -
