नांदेड : नांदेड जिल्ह्यात दोन गाड्यांची समोरासमोर धडक होऊन 10 जण जखमी झाले आहेत. नांदेड जिल्ह्यातील नांदेड - तामसा रोडवर पिंपराळा पाटीजवळ हा अपघात घडला आहे. स्विफ्ट कार आणि एर्टिगा गाडी पिंपराळा जवळ एकमेकांशी धडकल्या. स्विफ्ट गाडी मध्ये एकजण तर एर्टीगा गाडी मध्ये 7 महिला आणि 2 पुरुष असे एकूण 9 प्रवासी होते. अपघातात दोन्ही गाड्यांमधील सर्व जण जखमी झाले आहे. जखमींवर तामसा येथील प्राथमिक रुग्णालयात उपचार सुरु आहेत. गंभीर जखमींना पुढील उपचारासाठी नांदेड येथे हलवण्यात आले आहे. सर्वांची प्रकृती धोक्याबाहेर असल्याची माहिती आहे.
कारची समोरासमोर धडक : नांदेडच्या हदगाव तालुक्यातील तामसा ते नांदेड रोडवर पिंपराळा पाटीजवळ दोन कारची समोरासमोर धडक झाली. या अपघातात 10 जण जखमी झाले आहेत. हा अपघात आज सकाळी आठ वाजताच्या सुमारास झाला. हदगाव तालुक्यातील कांडली खुर्द येथील रहिवासी सचिन साहेबराव कारले (वय 31) आपल्या कारने नांदेडकडे जात होते. तामसा ते नांदेड रोडवर पिंपराळा पाटीजवळ कारले यांच्या कारची समोरून येणाऱ्या एम. एच. 29 बि.पी 0529 या दुसऱ्या कारसोबत समोरासमोर धडक झाली. यात सचिन कारले आणि समोरील गाडीतील 9 जण गंभीर जखमी झाले आहेत. जखमींना तामसा येथील शासकीय रुग्णालयात दाखल करण्यात आले आहे. पुढील उपचारासाठी सर्वांना नांदेड येथे हलवण्यात आले आहे.
जखमींची नावे पुढीलप्रमाणे : अपघातात जखमी झालेल्यांची नावे पुढीलप्रमाणे - विशाल भिमा बिमलवाड (22) ; कांता दत्ता बिमलवाड (50) ; आशुतोष निलोडवाड (15), पदमीन राम बिमलवाड (55), आकांक्षा बिमलवाड (16), वर्षा बाळु बिमलवाड (92), दत्ता बिमलवाड (50), शांताबाई सोनुले (58), चंद्रकलाबाई निलोडवाड (60), सचिन साहेबराव कारले (31) हे सर्व कांडली खुर्द येथील रहिवासी आहेत. जखमींवर नांदेड येथील डॉक्टर शंकरराव चव्हाण शासकीय वैद्यकीय महाविद्यालय रुग्णालयात उपचारासाठी दाखल करण्यात आले आहे. जखमींपैकी काही जणांची प्रकृती गंभीर असल्याचे सांगण्यात आले.
हेही वाचा : Thane Crime : मुंबई-नाशिक महामार्गावर पिस्टल, काडतुसे घेऊन जाणाऱ्या दोन गुन्हेगारांना अटक
