मुंबई: आमदार नितेश राणे यांनी पत्र देऊन केलेल्या मागणीवर पालिकेकडून स्पष्टीकरण देण्यात आले आहे. गिरगाव येथील दर्शक गॅलरीच्या अनुषंगाने जनमानसात गैरसमज पसरावणाऱ्या बातम्या प्रसिद्ध झाल्या आहेत. या अनुषंगाने मुंबई महापालिकेने आवश्यक त्या यंत्रणांच्या परवानग्या घेण्यात आल्या आहेत. यात महाराष्ट्र राज्य सागरी किनारा व्यवस्थापन (SEIAA), पुरातत्वीय समिती, उच्च न्यायालयाने नियुक्त केलेली विशेष समिती यांच्याही परवानग्या घेऊन ही दर्शक गॅलरी उभारण्यात येत असल्याचा खुलासा पालिका प्रशासनाकडून करण्यात आला आहे.
काय आहे राणे यांच्या पत्रात? मुंबईला पर्यटनाच्यादृष्टीने सुशोभित करून पर्यटनकांना आकर्षित केलेच पाहिजे, ही आमचीपण भूमिका आहे. पण असे करताना कुठल्याही अवैध कार्यपद्धतीने जनतेच्या पैशाचा गैरवापर होता कामा नये. हे पाहण्याची सर्वस्वी जबाबदारी कायद्याने आपल्यावर टाकली आहे. दक्षिण मुंबईतील गिरगाव चौपाटीवर मुंबई महापालिकेच्या वतीने नवीन प्रेक्षक गॅलरी उभारण्याचे काम सुरू आहे. या गिरगाव चौपाटीच्या उत्तर टोकाला कविवर्य भा. रा. तांबे चौकालगत पावसाचे पाणी समुद्रात वाहून नेणारी पालिकेची पर्जन्य जलवाहिनी आहे. याच पर्जन्य जलवाहिनीच्यावर सुमारे ४७५ चौरस मीटर आकाराची दर्शक गॅलरी उभारण्यात येत आहे.
बांधकाम अनधिकृत असल्याचा आरोप सदर पक्के बांधकाम कुठलेही सीआरझेड नियमांतर्गत परवानगी न घेता समुद्रातून पिलर्स बांधून केले गेले आहे. त्यामुळे समुद्रातील जैवविविधतेला नुकसान झाले आहे. आणि भविष्यात त्यामुळेच ग्रीन टॅब्युनलकडून दंड पण आकारला जाईल. मी आपणास विनंती करतो की, कायद्या प्रमाणे कारवाई करावी. अन्यथा मला एमआरटीपी कलम 56 (A) अंतर्गत संबंधित सर्व अधिकाऱ्यांवर कारवाई संबंधी न्यायलयात दाद मागावी लागेल. याची नोंद घ्यावी, असेही राणे यांनी म्हटले होते.
पर्यटनमंत्री आदित्य ठाकरे यांना इशारा मुंबईचा विकास व्हायलाच पाहिजे. परंतु पर्यटनमंत्र्यांच्या हट्टापायी मुंबईकरांच्या पैशाचा चुराडा होत असेल तर ते खपवून घेतले जाणार ( Nitesh Rane Criticized Aaditya Thackeray ) नाही. पालिकेतील अधिकारी यांना हाताशी धरून अशा पद्धतीचे अनधिकृत बांधकाम होत असल्याचा आरोप सुद्धा नितेश राणे यांनी केला आहे. त्याचबरोबर याबाबत उचित कारवाई करावी. अन्यथा आम्हाला न्यायालयात जावे लागेल, असा इशारा नितेश राणे यांनी दिला होता
