मुंबई : शीना बोरा जिवंत (Sheena Bora alive) असल्याचा पुन्हा एकदा दावा इंद्राणी मुखर्जीने कोर्टात केला आहे. विशेष न्यायालयाकडून सीबीआयला गुवाहाटी विमानतळावरील सीसीटीव्ही कॅमेऱ्याचे फुटेज आणि प्रवाशांचे तपशील मागवण्याचे निर्देश देण्यात यावे असा अर्ज दाखल केला आहे. मुंबई येथील वकिलाने शीना बोरासारखी (Sheena Bora Murder Case) दिसणारी महिला पाहिल्याचा दावा केला होता. (Mumbai Session court) इंद्राणी मुखर्जीवर (Indrani Mukherjee ) आपली मुलगी शीना बोराच्या 24 एप्रिल 2012 रोजी खून केल्याचा आरोप आहे.
मुखर्जीविरुद्ध खटला सुरू : यापूर्वी इंद्राणी मुखर्जी यांनी न्यायालयाला सांगितले होते की बोरा निश्चितपणे जिवंत आहे. यावर विश्वास ठेवण्याचे कारण तिच्याकडे आहे कारण एका पोलीस महिलेने सांगितले होते की तिने शीना बोरा 2021 मध्ये श्रीनगरमध्ये पाहिले होते. मुखर्जीविरुद्ध खटला सुरू आहे. आतापर्यंत 69 साक्षीदारांनी जबाब नोंदवला आहे. इंद्राणी मुखर्जी यांनी त्यांचे वकील रणजीत सांगळे यांच्यामार्फत विशेष न्यायालयासमोर याचिका दाखल केली. की गुवाहाटी विमानतळावर विमानात चढत असताना मुंबईतील एका वकिलाने शीना बोरा सारखी दिसणारी महिला पाहिली आहे.
शीनासारखी दिसणारी ती महिला कोण ? विमानतळावरील सीसीटीव्ही फुटेज जतन करून न्यायालयासमोर हजर करण्यात यावे अशी मागणी याचिकेत करण्यात आली आहे. तसेच मुखर्जी विमानतळ प्राधिकरणाशी संपर्क साधण्याच्या प्रक्रियेत असल्याचेही म्हटले आहे. प्रतिज्ञापत्रात वकिलाने न्यायालयाला सांगितले की, वकिलासोबत असलेल्या व्यक्तीने विमानतळावर बोरासारखी दिसणारी महिलेचा व्हिडिओही काढला होता. विशेष न्यायाधीश एस पी नाईक निंबाळकर यांनी सीबीआयला या याचिकेवर उत्तर दाखल करण्याचे निर्देश दिले आहे. या याचिकेवर 12 जानेवारीला सुनावणी होणार आहे.
अधिकार्‍यांसमोर येण्यासाठी तर्क : 2021 मध्ये एका याचिकेत मुखर्जी यांनी सीबीआयला सांगितले होते की, भायखळा तुरुंगात तिची सहकैदी असलेल्या एका पोलीस महिलेने तिला सांगितले की जून जुलैमध्ये श्रीनगरमध्ये सुट्टीवर असताना तिने बोराला पाहिले होते. पोलिस महिलेने मुखर्जी यांना कथितपणे सांगितले होते की, जेव्हा ती बोरा जवळ आली तेव्हा तिने तिला विचारले की पोलिस महिलेने तिला कसे ओळखले. मुखर्जी यांनी दावा केला होता की, अधिकार्‍यांसमोर येण्यासाठी तिच्याशी तर्क करण्याचा प्रयत्न केल्यावर बोरा म्हणाले की तिने नवीन जीवन सुरू केले आहे आणि परत येण्याची इच्छा नाही.
मुखर्जी यांचा दावा काल्पनिक : उत्तरात सीबीआयने म्हटले होते की, मुखर्जी यांचा दावा काल्पनिक होता. त्या न्यायालयाची दिशाभूल करण्यासाठी कथा रचत होत्या. गेल्या वर्षी मुखर्जी यांच्या वकिलाने खटला चालवण्यात अडथळा होऊ नये असे सांगून याचिका स्थगित ठेवण्यासाठी अर्ज केला होता. सीबीआयने आपला ना हरकत दाखला दिला होता आणि कोर्टाने याचिका रोखून धरली होती. तर त्याने केंद्रीय एजन्सी आणि मुखर्जी यांना कारवाईदरम्यान वाद घालण्याची स्वातंत्र्य दिली होती.
काय आहे प्रकरण? इंद्राणी मुखर्जीने एकूण तीन लग्न केली आहेत. ज्यात प्रथम तिला पतीपासून मुलगी झाली. तिचं नाव शीना बोरा होतं. इंद्राणी मुखर्जीचा तिसरा नवरा पीटर मुखर्जी हा इंद्राणी मुखर्जीचा मुलगा आणि शीना बोराचे अफेअर असल्याचे सांगितलं जातं. इंद्राणी आणि पीटर मुखर्जी दोघेही यामुळे अस्वस्थ होते. एप्रिल 2012 मध्ये नवी मुंबईजवळील जंगलात 24 वर्षीय शीनाची कारमध्ये गळा आवळून हत्या करण्यात आली होती आणि शेजारच्या रायगड जिल्ह्यात मृतदेहाची विल्हेवाट लावण्यात आली होती. 2015 मध्ये ही हत्या उघडकीस आल्यानंतर इंद्राणीशिवाय तिचा ड्रायव्हर श्यामवर राय आणि संजीव खन्ना यांनाही मुंबई पोलिसांनी अटक केली होती. इंद्राणीचा पती पीटर यालाही नंतर या प्रकरणात आरोपी बनवून अटक करण्यात आली होती. तपासानुसार शीनाच्या राहुलसोबतच्या संबंधांना इंद्राणीचा विरोध होता. याशिवाय आर्थिक वाद हा हत्येमागील संभाव्य कारण होतं. त्यानंतर या प्रकरणाचा तपास सीबीआयकडे सोपवण्यात आला होता. या प्रकरणी इंद्राणी मुखर्जी 2015 पासून मुंबईतील भायखळा कारागृहात बंद आहे.
